1 4 : 4 6
 | 

მსოფლიო

ზურა ტარყაშვილის მკვლელობის ახალი დეტალები

ჩამოტვირთვა

ეს კადრები რუსთაველის გამზირზე სათვალთვალო კამერამ 2011 წლის 17 ოქტომბერს დააფიქსირა. ფოტოები 23 წლის ჩოგბურთელის, ზურაბ ტარყაშვილის გახმაურებული მკვლელობის დღეს არის გადაღებული. მასალას ინტერნეტგამოცემა პრესა.ჯი ავრცელებს. კადრებში კარგად ჩანს, როგორ მისდევენ შეიარაღებული რუსიშვილი, აგლაძე და გოგბერაშვილი უიარაღო ზურა ტარყაშვილს. პრესა.ჯიმ დავით ჯოხაძის ფოტოც გამოაქვეყნა, რომელიც მკვლელობის ადგილიდან რამდენიმე მეტრში გადაიღეს. მასალაში ჩანს, როგორ გარბის ის შემთხვევის ადგილიდან. გამოძიების ოფიციალური ვერსიით, ჯოხაძე ტარყაშვილის მკვლელობის მთავარ ორგანიზატორ ივერი გოგბერაშვილთნ ერთად მიიმალა. მოგვიანებით, სამართალდამცავებმა გოგბერაშვილი კიევში დააკავეს, ხოლო ჯოხაძე, აგლაძის მსგავსად, ამ დრომდე იმალება. მისთვის ბრალი არ წაუყენებიათ, თუმცა როგორც დავით რუსიშვილის ადვოკატი თეიმურაზ მაგრაქველიძე სასამართლო პროცესზე ირწმუნებოდა, ჯოხაძე ერთერთი მკვლელია. მოკლული ზურა ტარყაშვილის და და დედა აცხადებენ, რომ ირაკლი აგლაძე, დავით ჯოხაძის ავტომანქანით, ჯერ კიდევ მკვლელობამდე რამდენიმე დღით ადრე, ორთაჭალის ციხესთან მოსაკლავად ელოდებოდა ზურა ტარყაშვილს. პრესა.ჯიმ ამის დამადასტურებელი ფოტომასალაც გამოაქვეყნა. მას შემდეგ, რაც აგლაძე მიხვდა, რომ ტარყაშვილის დედამ ის შეამჩნია, ჯოხაძის მანქანით წავიდა და რამდენიმე წუთში, სხვა ავტომობილით მივიდა ციხესთან. ფოტოზე სწორედ ეს ავტომობილია დაფიქსირებული. საქმეში არსებული მასალები მიუთითებს, რომ ტარყაშვილის მკვლელობის დაგეგმვასა და განხორციელებაში იმაზე მეტი ადამიანი შეიძლება ფიგურირებდეს, ვიდრე ამ დრომდეა ცნობილი. ამის დასამტკიცებლად ისიც საკმარისია, რომ მკვლელობიდან რამდენიმე წუთში, საზოგადოებრივი მაუწყებლის ვიდეოკამერამ ტარყაშვილის მკვლელობისათვის ბრალდებული ერთერთი პირის ძმაც დააფიქსირა. მასალაში სხვა ეჭვმიტანილთა კადრებიც ასახულია. მათი ვინაობა გამოძიების ინტერესებიდან გამომდინარე, არ ხმაურდება. გამოძიების მასალების მიხედვით, 23 წლის ახალგაზრდას სასტიკი მკვლელობის მოტივი ბრმა შურისძიება იყო. რამდენიმე წლის წინ, ზურა ტარყაშვილი გრიბოედოვის ქუჩაზე შეხვდა სანდრო გოგბერაშვილს, რომელსაც თავზე ხელი გადაუსვა. ამის გამო, გოგბერაშვილმა ტარყაშვილი საქმის გასარჩევად დაიბარა. შეხვედრაზე ტარყაშვილს ახლდნენ მეგობრები, დავით და ლევან ჩიჩუები. მეგობრები ახლდნენ სანდრო გოგბერაშვილსაც, მათ შორის, თორნიკე კაჭარავა. გამოძიების ინფორმაციით, სანდრო გოგბერაშვილმა გადატენილი იარაღი თავზე დაადო ზურა ტარყაშვილს. დავით და ლევან ჩიჩუებმა მას იარაღიანი ხელი დაბლა დააწევინეს, რა დროსაც გოგბერაშვილმა ასფალტის მიმართულებით გაისროლა. სროლის ხმაზე შემთხვევის ადგილას გამოჩნდა გოგბერაშვილის მეგობარი თორნიკე კაჭარავა, რომელმაც ტარყაშვილისა და ჩიჩუების მიმართულებით ისროლა. შედეგად, დაიჭრა ტარყაშვილიც და ძმები ჩიჩუებიც. ექსპერტიზის დასკვის თანახმად, კაჭარავას მიერ გასროლილი ბრმა ტყვია თავის არეში მოხვდა სანდრო გოგბერაშვილს, რომელიც მიყენებული ჭრილობით ადგილზევე გარდაიცვალა. ექსპერტიზის დასკვნითვე, გოგბერაშვილის სხეულიდან ამოღებული ტყვია, ჩიჩუებისა და ტარყაშვილის სხეულიდან ამოღებული ტყვიების იდენტური იყო. გამოძიების მიერ მოკვლეული მასალების გათვალისწინებით, სანდრო გოგბერაშვილის მკვლელობის საქმეში დამნაშავედ სცნეს მიმალვაში მყოფი მისივე მეგობარი, თორნიკე კაჭარავა და მას დაუსწრებლად, სასამართლომ 24 წლით თავისუფლების აღკვეთა მიუსაჯა. ზურა ტარყაშვილსა და ძმებ ჩიჩუებს, რომლებიც სანდრო გოგბერაშვილის მკვლელობის საქმეში დაზარალებულად სცნეს, ხულიგნობის ბრალდება წაუყენეს. სასამართლომ ტარყაშვილს 2, ლევან და დავით ჩიჩუებს კი 4-4 წელი მიუსაჯა. ზურა ტარყაშვილმა საპატიმრო დაწესებულება რამდენიმე თვით ადრე - 2011 წლის 4 ოქტომბერს დატოვა. ტარყაშვილის სადისტური მკვლელობიდან რამდენიმე დღეში პოლიციამ დავით რუსიშვილი დააკავა, მან თავდაპირველად დანაშაული აღიარა. მაშინ, რუსიშვილმა დეტალურად მოყვა თუ როგორ დაგეგმეს და განახორციელეს მკვლელობა მან, ივერი გოგბერაშვილმა, ირაკლი აგლაძემ და სხვებმა, თუმცა, მოგვიანებით ჩვენება შეცვალა და განაცხადა რომ უდანაშაულოა. ზურა ტარყაშვილის მკვლელობაში ნაფიცმა მსაჯულებმა დამნაშავედ სცნეს დავით რუსიშვილი, რომელიც მკვლელობიდან მესამე დღეს დაიჭირეს. მეტიც, ნაფიცმა მსაჯულებმა მოსამართლეს მიმართეს რეკომენდაციით და სასჯელის დამძიმება მოითხოვეს. რუსიშვილს სასამართლომ 21 წლით თავისუფლების აღკვეთა მიუსაჯა. ჯერჯერობით არ მომხდარა კიევში დაკავებული ივერი გოგბერაშვილის საქართველოში ექსტრადაცია. ხოლო ირაკლი აგლაძე კი, რომელიც ადრე შეიარაღებული თავდასხმისთვის იყო გასამართლებული (12 წელი აქვს პირობითი სასჯელი) დღემდე დაკავებული არაა. ამიტომ, მას, სასამართლო დაუსწრებლად გაასამართლებს.

კომენტარები

მსგავსი სიახლეები

  • 10:58

    ცოლ-ქმარს 13 შვილი სახლში გამომწყვდეული, ზოგიერთ...

    კალიფორნიის შტატის რივერსაიდის ოლქის პოლიციამ ცოლ-ქმარი დააკავა. 57 წლის დევიდ ალენ ტურპინსა და 49 წლის ლუიზა ანა ტურპინს  2-დან 29 წლამდე ასაკის 13 შვილი სახლშო გამომწყვდეული ჰყავდა, ზოგიერ...

  • 10:42

    ექიმებს საახალწლო მოლხენა, სამსახურის დაკარგვის ფ...

      მოსკოვის ერთ–ერთი  რეგიონული დისპანსერის ექიმებს,  საახალწლო სუფრა სამსახურის დაკარგვის ფასად დაუჯდათ. საქმე იმაშია, რომ მედიკოსებმა მოლხენა იმ დროს მოინდომეს, როცა საავადმყოფოს ...

  • 11:46

    "ყველაზე მაგარი მაიმუნი ჯუნგლებში" - რეკლამა, რომ...

        შვევდური კომპანია H&M-ი რასიზმში დაადანაშაულეს. ამის მიზეზი საბავშვო კოლექციის რეკლამა გახდა, რომელშიც ზედა, წარწერით "ყველაზე მაგარი მაიმუნი ჯუნგლებში" ფერადკანიან ბავშვს აცვია.&nbs...

  • 11:03

    პრინცესა შარლოტა ბაღში წავიდა, ქეითმა კი მისი ფოტ...

      კემბრიჯის ჰერცოგების უილიამისა და ქეითის ქალიშვილი შარლოტა საბავშო ბაღში წავიდა.ფოტოები სამეფო ოჯახის ყველაზე პატარა, 2 წლის წევრს დედამ კინსინგტონის სასახლის კიბეზე გადაუღო და ინტერნეტში ...

  • 10:44

    საჰარის უდაბნოში თოვლი მოვიდა...

     საჰარის უდაბნოში 40 წლის განმავლობაში მესამედ მოვიდა თოვლი. როგორც Daily Mail-ი წერს, დაახლოებით 40 სანტიმეტრამდე თოვლით არის ასევე დაფარული ქალაქი, სადაც უდაბნო მდებარობს  აღსანიშნავი...

  • 14:52

    რატომ უნდა იყოს შვეიცარია თქვენი ყველაზე სანუკვარი...

       თუ ზამთარში ზღაპრული დასვენება გადაწყვიტეთ, იცოდეთ, რომ შვეიცარიის კურორტებზე უფრო ჯადოსნურს ვერაფერს მიაგნებთ.. ლამაზი ბუნება, ჯადოსნური ფერები, ზღაპრული თოვლი – ანუ ყველაფერი იმისთვის, ...

  • 18:06

    "სპელაკიო" ანუ საცოდავი – ვენეციის მთავარ მოედან...

      ვენეციის მთავარ მოედანზე დადგმული ნაძვის ხე მსოფლიოს ყურადღების ცენტრში მოექცა, საქმე იმაშია,20 მეტრის სიმაღლის ნაძვის ხე ავსტრიის საზღვართან ახლოს მდებარე ტყეში მოჭრეს და მისი ტრანსპორტირებისთ...