რუსებმა ხერსონი დაბომბეს - დაზიანდა მინიმუმ 15 სა...
რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს. ხერსონის რეგიონული სამხედრ...
ილია ჭავჭავაძის ძეგლის რეაბილიტაცია 544997,95 ლარი დაჯდა
დიდი ქართველი მწერლისა და საზოგადო მოღვაწის ილია ჭავჭავაძის ძეგლის რეაბილიტაცია წინაპართა ხსოვნისადმი ჩვენი მთავრობის დამოკიდებულების კიდევ ერთი დადასტურებაა,-ამის შესახებ საქართველოს პრემიერ–მინისტრმა სოფელ წიწამურში ილია ჭავჭავაძის ძეგლის დათვალიერების შემდეგ განაცხადა. დღეს საქართველოს მთავრობის მეთაურმა, რეგიონული განვითარებისა და ინფრასტრუქტურის მინისტრთან და მცხეთა–მთიანეთის გუბერნატორთან ერთად, რეაბილიტირებული ძეგლი მოინახულა. „სამწუხაროდ, წლების განმავლობაში ჩვენი დიდი მამულიშვილის ძეგლი მიტოვებული და ნახევრად დანგრეული იყო. შარშან დაიწყო ძეგლის რეკონსტრუქცია და 4 თვეში დასრულდა. მინდა, მადლობა გადავუხადო ყველას, ვინც სარეაბილიტაციო სამუშაოებში მიიღო მონაწილეობა,“–აღნიშნა პრემიერმა. ილია ჭავჭავაძის ძეგლის რეაბილიტაცია, საქართველოს მთავრობის დავალებით, საქართველოს მუნიციპალური განვითარების ფონდმა განახორციელა. პროექტის ფარგლებში რეაბილიტაცია ჩაუტარდა კვარცხლბეკს, მოხდა მისასვლელი კიბის რეკონსტრუქცია , გაკეთდა ამფითეატრი, გარეგანათება და კეთილმოეწყო მიმდებარე ტერიტორია. სარეაბილიტაციო სამუშაოების პროექტი ძეგლის თავდაპირველმა ავტორმა, არქიტექტორმა თეიმურაზ ბოჭორიშვილმა შეიმუშავა. პროექტი სახელმწიფო ბიუჯეტიდან დაფინანსდა და მისი ღირებულება 544997,95 ლარია.
კომენტარები