1 2 : 4 1
 | 

მსოფლიო

Business Georgia მცხეთა-მთიანეთის ბიზნეს ფორუმს უმასპინძლებს

Business Georgia-ს ორგანიზებით მცხეთაში, გუჯარის საკონფერენციო დარბაზში მიმდინარე წლის 10 მარტს გაიმართება მცხეთა-მთიანეთის ბიზნეს ფორუმი, რომლის მთავარი მხარდამჭერი იქნება სახელმწიფო რწმუნებულის-გუბერნატორის ადმინისტრაცია დუშეთის, თიანეთის, მცხეთის, ყაზბეგის და ქალაქ მცხეთის მუნიციპალიტეტებში. ფორუმის მონაწილეები ისაუბრებენ როგორც ბიზნესის კეთების შესაძლებლობებსა და რეგიონალური განვითარების მნიშვნელობაზე, ასევე სახელმწიფოს როლზე ქვეყანაში ხელსაყრელი საინვესტიციო კლიმატის შექმნაში.

თავისი მნიშვნელობით Business Georgia-ს რეგიონული ფორუმი 2017 წლის წამყვან ღონისძიებას წარმოადგენს,  რომელიც უმასპინძლებს სამასამდე წარმატებულ ბიზნესმენს, მსხვილ ინვესტორებს, უცხო ქვეყნის საელჩოებისა და მთავრობის, საერთაშორისო და არასამთავრობო ორგანიზაციების წარმომადგენლებს.  ფორუმის მონაწილეები იმსჯელებენ შემდეგ თემებზე:  რეგიონალური განვითარება, მეწარმეობა, ინფრასტრუქტურა, ფინანსები, ტურიზმი, სტუმარ-მასპინძლობა, საინვესტიციო პოტენციალი.

Business Georgia-ს მთავარ ამოცანას წარმაოდგენს ადგილობრივი ბიზნესის წახალისება, რაც  გულისხმობს ინვესტიციების მოზიდვის ხელშეწყობასა და ახალი პროექტების შემუშავებას მცხეთა-მთიანეთის რეგიონის განვითარებისთვის. ვფიქრობთ, ის ცოდნა, რაც ადგილობრივი ბაზრის შესახებ გვაქვს, ასევე გლობალური ვაჭრობის ფართო ქსელი ის ფაქტორებია, რაც წარმოადგენს მნიშვნელოვან ღირებულებას ინვესტორთათვის, რომლებიც დაინეტერესებულნი არიან საქართველოს სავაჭრო თუ საინვესტიციო შესაძლებლობებით“- აღნიშნა Business Georgia-ს აღმასრულებელმა დირექტორმა ქ-ნ ანა გოგიშვილმა.

Business Georgia-ს ინიციატივა რეგიონალური განვითარების სტრატეგიის ნაწილია, რომლის მიზანია როგორც მთელი საქართველოს მასშტაბით რეგიონალური განვითარების ხარისხის გაზრდა, ასევე ბიზნესმენების დაინტერესება ინვესტიციების სხვადასხვა სექტორში სწორად დაბანდებისთვის, რათა მოხდეს ხელშეწყობა რეგიონის ეკონომიკური მაჩვენებლის ზრდას.

ანა გოგიშვილი: “რეგიონალური ბიზნეს ფორუმი ძალიან მნიშვნელოვან ინიციატივებსა და შესაძლებლობებს გვთავაზობს. ვიმედოვნებთ, ამ ღონისძიებით შეიქმნება ბიზნესისთვის ღია, მეგობრული და კონსტრუქციული პლატფორმა, რომელიც დაეხმარება მათ  რეგიონის ბაზრის პირობების უკეთ გაცნობაში, ერთმანეთთან იდეების გაცვლასა და პოტენციურ ბიზნეს პარტნიორებთან კომუნიკაციის დამყარებაში, რაც ასევე საშუალებას მისცემს მათ მიიღონ შესაბამისი სარგებელი ადგილობრივი მთავრობისა და რეგიონში მოქმედი კომპანიებისგან.“

ფორუმის მონაწილე მხარეები გაეცნობიან ბიზნესის კეთების განვითარების დინამიკასა და სტატისტიკას, ინფორმაციას მაღალი პოტენციალის მქონე გამოუყენებელი ბუნებრივი რესურსების შესახებ, გაეცნობიან სახელმწიფო მხარდაჭერისა და ფინანსური რესურსების სწორად გამოყენების მექანიზმებს, საკითხებს ინფრასტრუქტურული და ტექნიკური რესურსების, „მთის კანონისა“ და საგადასახადო ლიბერალიზაციის შესახებ, დამსწრე საზოგადოება უფრო მეტს გაიგებს საინვესტიციო გარემოზე, საერთაშორისო ფონდების საქამიანობასა და რეგიონის განვითარების წახალისებაზე საქართველოში.


ფორუმზე ასევე განიხილება საკითხები, დაკავშირებული როგორც მიმდინარე ადგილობრივი და რეგიონალური ეკონომიკის განვითარებასა და მასში ბიზნესის ჩართულობაზე, ასევე იმ შესაძლებლობებსა და გამოწვევებზე, რომლის წინაშეც დღეს რეგიონში მოქმედი კერძო სექტორი დგას.

ადგილი: რესტორან-მუზეუმი გუჯარი 
მისამართი: აღმაშენებლის ქ. #156, მცხეთა საქართველო 
თარიღი: 10 მარტი, 2017 წელი 
დრო: 11:00-14:00

კომენტარები

მსგავსი სიახლეები

  • 13:02

    ირანში ძლიერი მიწისძვრა მოხდა...

      სამხრეთ ირანის ტერიტორიაზე  5.5 მაგნიტუდის სიმძლავრის მიწისძვრა დაფიქსირდა. დაშავებულების შესახებ ინფორმაცია ჯერ არ ვრცელდება.  მიწისძვრა ბუშერის აღმოსავლეთით, ბუშერის ატომურ ელე...

  • 19:14

    ოპოზიციის მომხრეებმა სომხეთის მთავრობის ერთ-ერთი შ...

    ერევანში ოპოზიციის მომხრეებმა სომხეთის მთავრობის ერთ-ერთი შენობის ბლოკირება მოახდინეს, რომელშიც იუსტიციის, კულტურისა და განათლების სამინისტროებია განლაგებული.ნიკოლ ფაშინიანმა  საკუთარ მომხრე...

  • 17:56

    19 წის ბიჭისა და 72 წლის ქალის სიყვარულის ისტორია ...

    53 წლიანი სხვაობის მიუხედავად 19 წლის გარი ჰარდვისკი და  72 წლის ალმედია ძალიან ბედნიერი წყვილია. ისინი  ერთმანეთი 2016 წელს, ერთ-ერთ რესტორანში შეხვდენენ და ერთმანეთი ერთი ნახვით შეუყვ...

  • 13:17

    უგანდის პრეზიდენტს ორალური სექსის აკრძალვა სურს, რ...

    უგანდის პრეზიდენტს ორალური სექსის აკრძალვა სურს. ამის შესახებ იოვერი კაგუტა მუსევენიმ განაცხადა. ინფორმაციას dailymail-ი ავრცელებს.ქვეყნის პირველი პირის თქმით, გარე ძალები ცდილობენ უგან...

  • 12:38

    ვაშინგტონი ერევნის მოვლენებს ეხმაურება ...

     ვაშინგტონი ერევნის მოვლენებს ეხმაურება „ჩვენ ვიცით, რომ ერევანსა და სხვა ქალაქებში საპროტესტო აქციები მიმდინარეობს, ხალხი ქუჩაში გამოვიდა. ჩვენ ყურადღებიტ ვაკვირდებით მოვლენების განვითარება...

  • 17:07

    დაპირისპირება ერევანში - პოლიციელებსა და დემონსტრა...

    ერევანში პოლიციელებსა და დემონსტრანტებს შორის შეტაკება მოხდა. მომიტინგეებმა პოლიციის კორდონი გაარღვიეს და კონსტიტუციური სასამართლოს შენობამდე მივიდნენ, სადაც მათ პოლიციელებმა გზა მავთულხლართებით გადაუ...

  • 14:53

    რუსი ჟურნალისტი, რომელმაც სირიაში „ვაგნერის“ ჯარის...

    ეკატერინბურგში ჟურნალისტი, მაქსიმ ბოროდინი, რომელმაც სირიაში „ვაგნერის“ რუსი მებრძოლების დაღუპვის შესახებ პირველად დაწერა, ფანჯრიდან გადავარდა და გონზე მოუსვლელად გარდაიცვალა.შემთხვევა 13 აპრილს მოხდა...