მსოფლიო
„ჩვენ ვუჭერთ მხარს საქართველოს ევროკავშირთან დაახლოებას“ ზიგმარ გაბრიელი
2017-04-27 13:32:19
„ ბევრმა მოქალაქემ არ იცის, რომ ავღანეთში გერმანიის საკონსულოზე თავდასხმისას პირველი დახმარება ქართველმა ჯარისკაცებმა აღმოგვიჩინეს.“ –ამის შესახებ გერმანიის ფედერაციული რესპუბლიკის საგარეო საქმეთა მინისტრმა ზიგმარ გაბრიელმა საქართველო-გერმანიის გახსნის ცერემონიის წინ ქართველ კოლეგასთან გამართულ ერთობლივ პრესკონფერენციაზე განაცხადა.
ზიგმარ გაბრიელმა გამართულ პრესკონფერენციაზე მადლობა გადაუხადა საქართველოს საერთაშორისო სამშვიდობო მისიებში მონაწილეობისთვის და ისაუბრა ორი ქვეყნის სამომავლო თანამშრომლობაზე.
„გერმანია იყო პირველი, რომელმაც, 1992 წელს აღიარა საქართველოს დამოუკიდებლობა და პირველი საელჩო გახსნა თბილისში. მოხარული ვარ რომ მას შემდეგ საქართველო ორიენტირებულია ევროპულ ღირებულებებზე- განსხვავებით ზოგიერთი ევროპული ქვეყნისგან. ჩვენ მხარს ვუჭერთ საქართველოს ევროკავშირთან დაახლოებას და მივესალმებით აქ გატარებულ რეფორმებს.“
ზიგმარ გაბრიელმა დადებითად შეაფასა საქართველოსთვის უვიზოდ მიმოსვლის რეჟიმის ამოქმედება.
მინისტრმა ყურადღება გაამახვილა საქართველო-გერმანიის წლის ხანგრძლივობაზეც. მისი თქმით იგი 12 ის ნაცვლად 18 თვეს გასტანს და ამ პერიოდის განმავლობაში განხორციელდება 130 ღონისძიება და ერთობლივი პროექტი.
კომენტარები