1 2 : 0 4
სარეკლამო ადგილი - 21
620 x 80
 | 

მსოფლიო

"მომეცით ექვსი თვე და დაგიბრუნდებათ ძველი ლარი"

  დეპუტატი რომან გოცირიძე „ფეისბუქის" საკუთარ გვერდზე ლარის გაუფასურების შესახებ წერს. 

"მოხდა ის, რაც უნდა მომხდარიყო. 
რაც ლარს დამართეს, ამაში პირდაპირაა დამნაშევე მთავრობა და ეროვნული ბანკი. მთავრობა დაუბალანსებელი ბიუჯეტითა და ბანკებზე ნახევარი მილიარდი ლარის ოდენობის კრედიტის მიცემის ავანტურისტული ინიციატივის გამო, ეროვნული ბანკი კი ასევე ”იაფი ფულის” პოლიტიკის წარმოებისათვის. გუშინწინ მთავრობამ ისევ მისცა ბანკებს 50 მილიონი. დღევანდელ აუქციონზე არც ეროვნულმა ბანკმა შეამცირა რეფინანსირების სესხები. 
ძალიანაც უნდათ ამ მძიმე ვითარებაში დაკრედიტების შემცირება, მაგრამ არ შეუძლიათ. ბანკები ნარკოდამოკიდებული გახადეს. ლომკები დაეწყებათ.
სად გაგონილა, ეკონომიკა ოთხი პროცენტით იზრდებოდეს და ბანკების დაკრედიტება ხაზინიდან და ეროვნული ბანკიდან კი ასი პროცენტით?
მთავრობისა და ეროვნული ბანკის მიერ ძალდატანებითი და წარუმატებლად დამთავრებულ ლარიზაციას თავის წვლილი მიუძღვის ამ პროცესში. მან შვა ე. წ. ”ერთთვიანი ღია ბაზრის ინსტრუმენტი”-ეროვნული ბანკის 400 მილიონი ლარის რეფინანსირების სესხი. იგი ერთჯერადი უნდა ყოფილიყო და გალარების პროგრამის დამთავრებისთანავე უნდა დაბრუნებულიყო. ასე არ მოხდა. გაუტკბათ იაფი ფული ბანკებს. დღემდე ხდება ამ ”ინსტრუმენტით” დაკრედიტება. 
წლის ბოლომდე დარჩენილ თვენახევარში ბიუჯეტიდან დასახარჯია ორი მილიარდი ლარი. ესეც ძველი სენია. შეჭამა ქვეყანა ბიუროკრატიამ და უსარგებლო ხარჯებმა. 
ხელისუფლებამ ვერ დასვა სწორი დიაგნოზი ან შეგნებულად იტყუებოდა. ლარის დევალვაცია მოლოდინებით ახსნა. მასე რომ ყოფილიყო, მისი მოხსნა მარტივად შეიძლებოდა რამდენიმე ინტერვენციით. პრობლემა უფრო ღრმაა. თუნდაც ენერგეტიკა ავიღოთ: მზარდი სუბსიდირება, პოპულისტური სატარიფო პოლიტიკა და მთელი დარგის მიყვანა არარენტაბელობის ზღვრამდე. შუქის ფასს ჯერ კიდევ ”ძველი” დევალვაციის გამო გაზრდიან მალე, ლარის ახალ გაუფასურების ზარალს კი ისევ ენერგოკომოპანიებს აკიდებენ ან სუბსიდირებას გაზრდიან. აბა როგორ, პრეზიდენტის არჩევნები მოდის.
საპენსიო ინიციატივებიც უკვე სასაცილოდ გამოიყურება. ორი თვის შემდეგ რა მოუვა ლარს და ფასებს ეს არ ვიცით და ორმოცი წელი უნდა ვანდოთ ამათნაირებს ფული? იმედი, რომ ასეთები მუდამ არ იქნებიან, კარგი საქონელია. 
დაკარგა ქვეყნის ეკონომიკამ ის მოქნილობა, რომელიც მისი ლიბერალური მოწყობით ჰქონდა. გაიზარდა სახელმწიფოს ჩარევა, გაჩნდა მრავალი ახალი სახელმწიფო უწყება და რაც მთავარია, ქვეყანას მართავენ დაბალკვალფიცირებული ”ქართუს ბიჭები”( აქა-იქ გოგოებიც). 
ლარის როგორი გაცვლის კურსია სამართლიანი? იგი ორნაირი უნდა იყოს: ერთი იმათთვის, ვინც გულანთებული მომხრეა ქვეყნის ქართუზაციის, ჯიდიესიზაციის, კორკოტიზაციის და მეორე ყველა დანარჩენისათვის, მცირეოდენი კორექტირებით. ამ მცირე ნაწილს რუსულ რუბლზე დავსვამდი. 
მომეცით ექვსი თვე და დაგიბრუნდებათ ძველი ლარი!
არარეალუსტურია?გეთანხმებით. 
რეალისტური ისაა, რასაც ვხედავთ." - წერს რომან გოცირიძე

კომენტარები

მსგავსი სიახლეები

  • 11:06

    რუსებმა ხერსონი დაბომბეს - დაზიანდა მინიმუმ 15 სა...

    რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს.­ ხერსონის რეგიონული სამხედრ...

  • 14:56

    ,,არ იქნება დენი, საკვები, საწვავი" - ისრაელი ღაზი...

    ისრაელის თავდაცვის მინისტრის, იოავ გალანტის განცხადებით, ღაზის სექტორის სრული ბლოკადის განკარგულება გასცა. „ღაზის სექტორის სრული ბლოკადის განკარგულება გავეცი. არ იქნება ელექტროენერგია, საკვები, ...

  • 13:15

    რამზან კადიროვმა 24 წლის ქალიშვილი ჩეჩნეთის ვიცე-პ...

    ჩეჩნეთის ლიდერის, რამზან კადიროვის 24 წლის ქალიშვილი აიშატ კადიროვა ჩეჩნეთის რესპუბლიკის ვიცე-პრემიერი გახდა. ინიციატივა ჩეჩნეთის პარლამენტის თავმჯდომარეს ეკუთვნის, რომელმაც წინადადება გაფართოებუ...

  • 22:28

    27 წლის ქართველი გოგო გერმანიაში ჯგუფურად გააუპატი...

    გერმანიაში ქართველი ქალის ჯგუფური გაუპატიურების საქმე სასამართლოში გადაიგზავნა - გერმანელმა პროკურორებმა შემზარავი დანაშაულის ახალი გარემოებები დაადგინეს. 27 წლის ქართველი გოგო ჯგუფურად მეუღლის თვალწი...

  • 17:57

    ევროკავშირმა რუსეთის წინააღმდეგ დაწესებული სანქციე...

    ევროკავშირის განცხადებით, რუსეთის ფედერაციის წინააღმდეგ დაწესებული სანქციები კიდევ 6 თვით გახანგრძლივდა. განცხადებაში აღნიშნულია, რომ სანქციების მოქმედების გაგრძელების შესახებ გადაწყვეტილება უკრაინის ...

  • 13:41

    ვოლოდიმირ ზელენსკი - არის სიგნალი, რომ, შესაძლოა, ...

    არის სიგნალი, რომ, შესაძლოა, რუსეთში კიდევ ერთი ამბოხება, რევოლუცია მოხდეს, - ამის შესახებ უკრაინის პრეზიდენტმა, ვოლოდიმირ ზელენსკიმ ABC News-თან ინტერვიუში განაცხადა. მისი თქმით, ბევრი ადამიანია...

  • 12:17

    თეთრი სახლი - არ გვინახავს ნიშანი, ხმამაღალი რიტორ...

    შეერთებულ შტატებს არ მიაჩნია, რომ რუსული ძალების მიერ ზაპოროჟიეს ატომური ელექტროსადგურის აფეთქების საფრთხე „გარდაუვალია“, - ამის შესახებ თეთრი სახლის სტრატეგიული კომუნიკაციების კოორდი...