რუსებმა ხერსონი დაბომბეს - დაზიანდა მინიმუმ 15 სა...
რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს. ხერსონის რეგიონული სამხედრ...
თბილისის საკრებულომ 2018 წლის ბიუჯეტის პროექტი დაამტკიცა
თბილისის საკრებულომ 2018 წლის ბიუჯეტის პროექტი დაამტკიცა. დედაქალაქის მომავალი წლის მთავარ საფინანსო დოკუმენტს 38-მა დეპუტატმა დაუჭირა მხარი, 2 კი წინააღმდეგი იყო. სულ კენჭისყრაში 40 დეპუტატი მონაწილეობდა.
ბიუჯეტის დამტკიცების პროცესში საკრებულოს სხდომაზე ოპოზიციონერი დეპუტატები აღარ იმყოფებოდნენ. მათ განცხადებების გაკეთების შემდეგ სხდომა დატოვეს.
თბილისის 2018 წლის ბიუჯეტის მოცულობა 861 მილიონ ლარს შეადგენს და ის შესაძლოა, მომავალ წელს კიდევ გაიზარდოს. როგორც სხდომაზე ვიცე-მერმა ირაკლი ხმალაძემ განაცხადა, ბიუჯეტი გაიზარდება 14 მილიონ ლარიანი ტრანსფერისა და 8 მილიონი ლარის ეკონომიების ხარჯზე.
ბიუჯეტის დამტკიცებას სხდომაზე თბილისის მერი და მთავრობის წევრები ესწრებოდნენ. სხდომა ხმაურისა და სიტყვიერი დაპირისპირების ფონზე წარიმართა. თბილისის საკრებულოს ოპოზიციონერ წევრებს შესაძლებლობა ჰქონდათ მერისთვის შეკითხვებით მიემართათ, თუ რატომ არ მოხდა მათი ინიციატივების ბიუჯეტის პროექტში გათვალისწინება.
კომენტარები