1 9 : 1 1
სარეკლამო ადგილი - 21
620 x 80
 | 

მსოფლიო

„სიმსივნის იმუნოთერაპია - ახალი პარადიგმა სიმსივნის მკურნალობაში“

23 თებერვალს, 17:00 საათზე, სასტუმრო „თბილისი მერიოტ“-ში  გაიმართება  სამეცნიერო კონფერენცია თემაზე:  სიმსივნის იმუნოთერაპია - ახალი პარადიგმა სიმსივნის მკურნალობაში კონფერენცია  ფარმაცევტული კომპანია როშ ჯორჯიას ეგიდით ეწყობა და  საქართველოს ფარმაცევტულ ბაზარზე ახალი, ინოვაციური პრეპარატის - ტეცენტრიკის (ატეზოლიზუმაბი) შემოსვლას უკავშირდება.

კონფერენციაში მონაწილეობის მისაღებად სერბეთიდან მოწვეულია საპატიო მომხსენებელი -  ლაზარპოპოვიჩი - პროფესორი, მედიცინის  დოქტორი, ვოევოდინას ონკოლოგიის ინსტიტუტის სამედიცინო ონკოლოგიის დეპარტამენტის ხელმძღვანელი.  კონფერენციას ასევე დაესწრებიან საქართველოს  სამედიცინო სფეროსა და მედიის წარმომადგენლები.

ტეცენტრიკი  მსოფლიოში პირველი და ერთადერთი ნებადართული PD-L1-ის საწინააღმდეგოდ მიმართული სიმსივნის იმუნოთერაპიაა, რომელიც გამოიყენება წინასწარ ნამკურნალები ლოკალურად გავრცელებული ან მეტასტაზური შარდის ბუშტის და არაწვრილუჯრედოვანი ფილტვის კიბოს სამკურნალოდ.  

ტეცენტრიკი დამიზნებით მოქმედებს  PD-L1-ზე და უზრუნველყოფს  სიმსივნის საწინააღმდეგო იმუნური პასუხის აღდგენას, რომლის შედეგადაც ადამიანი საკუთარი იმუნური სისტემის მეშვეობით ებრძვის სიმსივნეს.

 „როში არის მსოფლიო ლიდერი ონკოლოგიის მიმართულებით და ერთ-ერთი ფუძემდებელი პერსონალიზებული მედიცინისა, რომლის მიზანია უზრუნველყოს თითოეული პაციენტი ინდივიდუალური, სწორედ ამ პაციენტისთვის შერჩეული საჭირო მკურნალობით.  ტეცენტრიკი პერსონალიზებული მედიცინის  ერთ-ერთი თვალსაჩინო წარმომადეგენლია“  -- განმარტავს როშ ჯორჯიას სამედიცინო დირექტორი ნინო განუგრავა. მისივე თქმით,  უკანასკნელი  წლების განმავლობაში სიმსივნეების მკურნალობამ რევოლუციური ცვლილებები განიცადა, რამაც განაპირობა სიცოცხლის ხანგრძლივობის და ცხოვრების ხარისხის მნიშნველოვანი გაუმჯობესება. თუმცა შარდის ბუშტის კიბოს მკურნალობის მიმართულებით უკანასკნელი 30 წლის განმავლობაში თვალსაჩინო ინოვაცია არ დაფიქსირებულა. „პაციენტებს ლოკალურად გავრცელებული ან მეტასტაზური შარდის ბუშტის კიბოთი პირველად ეძლევათ საშუალება ტრადიციული ქიმიოთერაპიის გარდა ჩაიტარონ მკურნალობა ახალი, ინოვაციური იმუნოთერაპიული პრეპარატით, ხოლო პაციენტებისათვის  ადგილობრივად გავრცელებული ან მეტასტაზური არაწვრილუჯრედოვანი ფილტვის კიბოს დროს ტეცენტრიკი წარმოადგენს მკურნალობის ახალ არჩევანს, რომელსაც თან სდევს საერთო გადარჩენადობის და ცხოვრების ხარისხის მნიშვნელოვანი გაუმჯობესება“ 

ცნობები შარდის ბუშტის კიბოს შესახებ

მეტასტაზური შარდის ბუშტის კიბო ასოცირებულია ცუდ პროგნოზთან და სამკურნალო პრეპარატების მწირ არჩევანთან.  შარდის ბუშტის კიბოს მკურნალობის მიმართულებით უკანასკნელი 30 წლის განმავლობაში თვალსაჩინო ინოვაცია არ დაფიქსირებულა. შარდის ბუშტის კიბო გავრცელების მიხედვით მსოფლიოში  მე-9 ადგილზეა სიმსივნეებს შორის. 2012 წელს მსოფლიოში დაფიქსირდა 430 000 ახალი შემთხვევა, საიდანაც 165 000 შემთხვევა სიკვდილით დასრულდა ერთი წლის განმავლობაში.  მამაკაცები სამჯერ მეტად ავადდებიან შარტის ბუშტის კიბოთი, ვიდრე ქალები.

ცნობები არაწვრილუჯრედოვანი ფილტვის კიბოს შესახებ

ფილტვის კიბო სიმსივნეებით გამოწვეული სიკვდილობის წამყვანი მიზეზია.  ყოველწლიურად 1.59 მილიონი ადამიანი იღუპება ფილტვის კიბოს მიზეზით, რაც ნიშნავს იმას, რომ მსოფლიოში ყოველდღიურად 4 350 ადამიანი იღუპება აღნიშნული დაავადებით. არსებობს ფილტვის კიბოს ორი ძირითადი ფორმა: არაწვრილუჯრედოვანი და წვრილუჯრედოვანი კიბო. ფილტვის კიბოს შემთხვევათა 85% არაწვრილუჯრედოვან ფორმაზე მოდის.

ტეცენტრიკის (ატეზოლიზუმაბი) შესახებ

ტეცენტრიკი  მსოფლიოში პირველი და ერთადერთი ნებადართული PD-L1-ის საწინააღმდეგოდ მიმართული სიმსივნის იმუნოთერაპიაა, რომელიც გამოიყენება წინასწარ ნამკურნალები ლოკალურად გავრცელებული ან მეტასტაზური შარდის ბუშტის და არაწვრილუჯრედოვანი ფილტვის კიბოს სამკურნალოდ.  ტეცენტრიკის ეფექტურობა და უსაფრთხოება  დამტკიცდა ფართომასშტაბიანი კლინიკური კვლევებით (IMvigor211, IMvigor210, OAK, POPLAR). ტეცენტრიკმა აჩვენა საერთო გადარჩენადობის და ცხოვრების ხარისხის მნიშვნელოვანი გაუმჯობესების დადასტურებული ეფექტი.

კომპანია როშის შესახებ

როში მსოფლიოში უდიდესი ბიოტექნოლოგიური კომპანიაა, რომელიც აერთიანებს ფარმაცევტულ და დიაგნოსტიკურ მიმართულებებს.   ამ ორი მიმართულების გაერთიანებამ ერთი კომპანიის ქვეშ  როშს საშუალება მისცა ყოფილიყო ფუძემდებელი პერსონალიზებული მედიცინისა, რომლის მიზანია უზრუნველყოს თითოეული პაციენტი  ინდივიდუალრი, სწორედ ამ პაციენტისთვის შერჩეული საჭირო მკურნალობით.  

კომენტარები

მსგავსი სიახლეები

  • 11:06

    რუსებმა ხერსონი დაბომბეს - დაზიანდა მინიმუმ 15 სა...

    რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს.­ ხერსონის რეგიონული სამხედრ...

  • 14:56

    ,,არ იქნება დენი, საკვები, საწვავი" - ისრაელი ღაზი...

    ისრაელის თავდაცვის მინისტრის, იოავ გალანტის განცხადებით, ღაზის სექტორის სრული ბლოკადის განკარგულება გასცა. „ღაზის სექტორის სრული ბლოკადის განკარგულება გავეცი. არ იქნება ელექტროენერგია, საკვები, ...

  • 13:15

    რამზან კადიროვმა 24 წლის ქალიშვილი ჩეჩნეთის ვიცე-პ...

    ჩეჩნეთის ლიდერის, რამზან კადიროვის 24 წლის ქალიშვილი აიშატ კადიროვა ჩეჩნეთის რესპუბლიკის ვიცე-პრემიერი გახდა. ინიციატივა ჩეჩნეთის პარლამენტის თავმჯდომარეს ეკუთვნის, რომელმაც წინადადება გაფართოებუ...

  • 22:28

    27 წლის ქართველი გოგო გერმანიაში ჯგუფურად გააუპატი...

    გერმანიაში ქართველი ქალის ჯგუფური გაუპატიურების საქმე სასამართლოში გადაიგზავნა - გერმანელმა პროკურორებმა შემზარავი დანაშაულის ახალი გარემოებები დაადგინეს. 27 წლის ქართველი გოგო ჯგუფურად მეუღლის თვალწი...

  • 17:57

    ევროკავშირმა რუსეთის წინააღმდეგ დაწესებული სანქციე...

    ევროკავშირის განცხადებით, რუსეთის ფედერაციის წინააღმდეგ დაწესებული სანქციები კიდევ 6 თვით გახანგრძლივდა. განცხადებაში აღნიშნულია, რომ სანქციების მოქმედების გაგრძელების შესახებ გადაწყვეტილება უკრაინის ...

  • 13:41

    ვოლოდიმირ ზელენსკი - არის სიგნალი, რომ, შესაძლოა, ...

    არის სიგნალი, რომ, შესაძლოა, რუსეთში კიდევ ერთი ამბოხება, რევოლუცია მოხდეს, - ამის შესახებ უკრაინის პრეზიდენტმა, ვოლოდიმირ ზელენსკიმ ABC News-თან ინტერვიუში განაცხადა. მისი თქმით, ბევრი ადამიანია...

  • 12:17

    თეთრი სახლი - არ გვინახავს ნიშანი, ხმამაღალი რიტორ...

    შეერთებულ შტატებს არ მიაჩნია, რომ რუსული ძალების მიერ ზაპოროჟიეს ატომური ელექტროსადგურის აფეთქების საფრთხე „გარდაუვალია“, - ამის შესახებ თეთრი სახლის სტრატეგიული კომუნიკაციების კოორდი...