რუსებმა ხერსონი დაბომბეს - დაზიანდა მინიმუმ 15 სა...
რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს. ხერსონის რეგიონული სამხედრ...
კონსტანტინე გამსახურდია ზვიად გამსახურდიას მკვლელობის საქმეზე ხანდაზმულობის ვადის გაუქმებას ითხოვს
საქართველოს პირველი პრეზიდენტის ზვიად გამსახურდიას შვილი, კონსტანტინე გამსახურდია საქართველოს პრეზიდენტის მკვლელობის საქმეზე ხანდაზმულობის ვადის გაუქმებას ითხოვს.
ეს ვადა წლის ბოლოს იწურება, გამსახურდიას ვაჟი კი ამბობს, რომ რადგან საქმე ქვეყნის პრეზიდენტს ეხება, უნდა შეიცვალოს კანონი, რაც საქმეზე 25 წლიანი გამოძიების ხანდაზმულობას მოხსნის.
კოკო გამსახურდია სალომე ზურაბიშვილის განცხადებას გამოეხმაურა, სადაც საპრეზიდენტო კანდიდატმა თქვა რომ ზვიად გამსახურდიას მკვლელობის საქმეს გამოიძიებს.
„რაც მეტი პოლიტიკოსი გააკეთებს ასეთ განცხადებას, მით უკეთესი. რამდენადაც ზვიად გამსახურდიას საქმე წარმოადგენს მაღალ საზოგადოებრივ და პოლიტიკურ ინტერესს.
ჩვენ მოვითხოვთ, შევიდეს ცვლილება კანონში, რომლის მიხედვითაც არამხოლოდ დანაშაული კაცობრიობის წინაშე, არამედ განსაკუთრებულად მძიმე დანაშაული, როგორიც არის ქვეყნის უმაღლესი პირველი პირის მკვლელობა ასევე არ დაექვემდებაროს არანაირ ხანდაზმულობის ვადას,“-ამბობს კონსტანტინე გამსახურდია
კომენტარები