ქალაქ ანაკლიაში ჩერქეზი ხალხის გენოციდის მსხვერპლთა მემორიალი დაიდგმება, ამის შესახებ დღეს დიასპორის საკითხებში სახელმწიფო მინისტრმა პაპუნა დავითაიამ განაცხადა.
რუსეთის იმპერიის მიერ ჩერქეზი ხალხის მიმართ განხორციელებული გენოციდის მსხვერპლთა ხსოვნის უკვდავსაყოფად, მემორიალის შექმნის გადაწყვეტილება, 2011 წლის 1 ივლისს, საქართველოს პარლამენტმა მიიღო. ესკიზურ პროექტზე შერჩევა ოქტომბრის თვეში გამოცხადდა. საერთაშორისო კონკურსში მონაწილეობა 29 მსურველმა მიიღო. საუკეთესო მემორიალის ავტორი დღეს გამოვლინდა.