ახალი ამბები
ვინ არიან ისანში, ბუნებრივი აირის გაჟონვის შედეგად გარდაცვლილი ადამიანები
2019-01-31 16:12:05
უბედური შემთხვევა ქეთევან წამებულის ქუჩაზე - ბუნებრივი აირის გაჟონვის შედეგად 7 ახალგაზრდა მამაკაცი გარდაიცვალა.
დაღუპულები იმავე ქუჩაზე მდებარე "ლიბერთი ბანკში" მუშებად მუშაობდნენ.
ადგილობრივების თქმით, გარდაცვლილებს შორის არიან ძმები და მამა-შვილი.ისინი ბინაში ქირით ცხოვრობდნენ.
"ყაზტრანსგაზ თბილისის" ინფორმაციით, ბინაში წყლის გამაცხელებელი ჩახსნილი იყო და მაცხოვრებლებმა ის თვითნებურად ჩართეს.
"7 ადამიანს ერთი ოთახი ჰქონდა ნაქირავებელი. ამბობენ, რომ სახლში ღია წვის გამათბობელი ჰქონდათ დამონტაჟებული.
მათ პოვნა დღის 11 საათზე მოხდა. მუშების მოსაძებნად მათი თანამშრომელი მოვიდა. უკაკუნებდათ და კარს არავინ აღებდა. მერე ტელეფონზე ურეკავდათ და ზარის ხმა სახლიდან რომ ისმოდა დავეჭვდით. კარი შევანგრიეთ და 7 კაცი გარადაცვლილი საწოლში ვნახეთ. ოთახში იყო საშინელი გაზის სუნი. გარეთაც ცუდი სუნი იდგა. გვეგონა ვიღაცას საჭმელი დაეწვა. თურმე ეს საცოდავები გარდაცვლილან.
ამბობენ, რომ ორი მამა-შვილი არიან და ძმები, დანარჩენი მემგონი ერთი სოფლიდან უნდა იყვნენ. 6 ახალგაზრდა და ერთი შუახნის მამაკაცი იყო“,-აცხადებს ადგილობრივი მაცხოვრებელი გივი მამიაშვილი „რეზონანსთან“.
კომენტარები