|
A კატეგორიის ტაქსის მფლობელებს, პირველი ნოემბრიდან ინტერიერის ქიმიური წმენდის ვაუჩერის მიღება შეეძლებათ, – ამის შესახებ თბილისის მერმა კახა კალაძემ დედაქალაქის მთავრობის დღევანდელ სხდომაზე განაცხადა.
მისივე თქმით, მძღოლები მერიისგან მიიღებენ შეტყობინებას, თუ რომელ სერვისცენტრს მიმართონ მომსახურებისთვის.
„მინდა, ერთი სიახლე შევატყობინო ტაქსის მფლობელებს, რომლებიც A კატეგორიით ჩაერთვნენ მომსახურების მიწოდებაში. პირველი ნოემბრიდან, მათ შეეძლებათ, მიიღონ ინტერიერის ქიმიური წმენდის ვაუჩერი, რომელსაც მერია კონკურსში გამარჯვებულ კერძო კომპანიასთან ერთად სთავაზობს A კატეგორიის ტაქსებს. ვაუჩერების დარიგების პირველი ეტაპისგან განსხვავებით, მძღოლებს არ დასჭირდებათ ვაუჩერის მიღება რაიმე მისამართზე, ჩვენ მათ შევატყობინებთ, რომელ სერვისცენტრებში იქნება ეს მომსახურება და პირდაპირ შეძლებენ მისვლას“,- განაცხადა კალაძემ.
თბილისის მერის განმარტებით, ავტომობილის მფლობელს, რომელიც ამ ვაუჩერით ისარგებლებს, გადაეცემა 20%-იანი ფასდაკლების ბარათი სატრანსპორტო საშუალებათა ტექნიკური მომსახურების ერთ-ერთ ქსელში.
„ეს შეთავაზება და ფასდაკლების ბარათი არის უშუალოდ ჩვენს კონკურსში გამარჯვებული კომპანიის. აღნიშნულზე მერია არ გასწევს ხარჯს ბიუჯეტიდან.
პირველ ეტაპზე, როდესაც ჩვენ ინტერიერის ქიმიური წმენდის ვაუჩერები დავაანონსეთ, ძალიან დაბალი იყო აქტივობა და პრაქტიკულად არც მომხდარა მათი გამოყენება, ამიტომ, გადავწყვიტეთ მეორე ეტაპი შეგვეთავაზებინა მძღოლებისთვის. ჩვენი გუნდი ყველაფერს ვაკეთებთ იმისათვის, რომ ტაქსის მომსახურება იყოს სარგებლიანი და კომფორტული როგორც ტაქსის მძღოლებისთვის, ასევე, მისი მომხმარებლებისთვის“,- განაცხადა კალაძემ.
ამასთან, კახა კალაძემ დედაქალაქის მთავრობის დღევანდელ სხდომაზე განაცხადა, რომ ტაქსების რეფორმა საკმაოდ პოზიტიური და შედეგიანი გამოდგა.
„მეორე ეტაპი, როგორც ყველამ ნახეთ, ითვალისწინებს თეთრ ფერს და მანათობლის სტანდარტს, რომელიც მუნიციპალიტეტმა დაურიგა სატრანსპორტო საშუალებების მფლობელებს.8 000-ზე მეტი სატრანსპორტო საშუალება უკვე ჩართულია მომსახურების მიწოდებაში“,- აღნიშნა კახა კალაძემ.
კალაძე ასევე შეეხო ტაქსების რეფორმის მესამე ეტაპსაც, რომლის შესახებ ინფორმაციაც, მისივე განმარტებით, საზოგადოებას ახლო მომავალში წარედგინება.
მისი განცხადებით, რეფორმის თითოეული ეტაპი, როგორც უსაფრთხოებას, ისე მომსახურების ხარისხს უკავშირდება.
„მნიშვნელოვანია, რომ იქნება რეფორმის მესამე ეტაპი, რომელსაც ახლო მომავალში წარვუდგენთ საზოგადოებას. რა თქმა უნდა, რეფორმის თითოეული ეტაპი უკავშირდება, როგორც უსაფრთხოებას, ასევე, მომსახურების ხარისხს, ტაქსის ბაზარზე სტაბილური ეკონომიკური პირობების შექმნას და ვიზუალური სტანდარტის გაუმჯობესებას“,-აღნიშნა კახა კალაძემ.
13:38
“ბატონი ალეკოს შემთხვევაზე მინდა ორი სიტყვით ვთქვა, ძალიან ცუდია რომ ეს მოხდა, გამოძიება დაწყებულია. მე არ მინდა შეფასებები გავაკეთო, ან ეს იყო, ასე მოუვიდა, ისე მოუვიდა, იმან გადაამეტა, ამან გ...
13:37
“ოცნების” პარლამენტმა ივანიშვილის ოფშორების კანონპროექტი მიიღო.კანონპროექტი ხელმოწერისთვის პრეზიდენტს გადაეგზავნება. იმ შემთხვევაში თუ სალომე ზურაბიშვილი მას ვეტოს დაადებს და “...
13:35
“ძვირფასო კობახიძე, მინდა დაგარწმუნოთ, რომ გერმანიის ელჩმა კანცლერის სწორი ციტირება გააკეთა. მინდა დაგამშვიდოთ, რომ ბუნდესტაგის აბსოლუტური უმრავლესობა მკაცრად ეწინააღმდეგება “უცხოელი აგენ...
13:34
“დღეს მიღებული ოფშორების კანონი, რუსულ კანონთან კომბინაციაში, პირდაპირი გზაა ცივილიზაციურ ჯოჯოხეთში. ევროკავშირს კი არა, ყველანაირ დასავლეთს დაგვავიწყებენ. არც ვიზალიბერალიზაცია შეგვრჩება, გამო...
14:41
"ხომ ვთქვი მე გავაკეთებ გასაკეთებელს, უწი-პუწის დრო არ არის, რუსეთში მიგვათრევენ გაქანებით, ეს კანონი ტ*აკში უნდა გავუკეთოთ, ბოდიში ყველასთან.. ან ქართველები ვართ ან მონები ვართ, არ ვართ მოენები! რა მ...
14:36
იურიდიული კომიტეტის სხდომაზე, „მოქალაქეების“ ლიდერი ალეკო ელისაშვილი საპარლამენტო უმრავლესობის ლიდერ მამუკა მდინარაძეს ფიზიკურად დაუპირისპირდა. ელისაშვილმა მდინარაძეს, რომელიც დეპუტატ...
21:13
პრეზიდენტმა ლაზარეს შეწყალება "ტვ პირველის" ეთერში დააანონსა. "ხელი ჯერ არ მაქვს მოწერილი მაგრამ ეს გადაწყვეტილება მე მივიღე დილის 10-საათზე"- თქვა სალომე ზურაბიშვილმა ინგა გრიგოლიას...
|
კომენტარები