1 5 : 4 8
სარეკლამო ადგილი - 21
620 x 80
 | 

პოლიტიკა

გახარია: ჩვენი მენეჯმენტი შეიძლება ყოფილიყო უფრო ეფექტური

"ნაბიჯები შეიძლებოდა უფრო ეფექტური ყოფილიყო, "- ამის შესახებ პრემიერ-მინისტრმა გიორგი გახარიამ „იმედის“ ეთერში განაცხადა. ამასთანავე, მისივე თქმით, ნაბიჯები იყო დროული. 

„ხანდახან ისმის კითხვა - როგორ ვახერხებთ ჩვენ, დღეს ამ ეტაპზე ამ გარემოცვაში ჩვენს რეგიონში.. მარტივად.. პასუხი თვალსაჩინოა ის, ვინც დროში დინამიკაში შეხედავს ამას ყველაფერს. უწყებათაშორისი საბჭო შეიქმნა ჯერ კიდევ იანვრის ბოლოს, მაშინ როდესაც ჯანდაცვის მინისტრმა პირველად შემოჰკრა განგაშის ზარი და თქვა, რომ ჩინეთში მიმდინარე პროცესები, მაშინ ამას არ ერქვა კოვიდ-19, მაშინ ამას ერქვა გაზრდილი პნევმონიების რაოდენობა... ჯანდაცვის მინისტრმა მაშინ აბსოლუტურად მკაფიოდ დააფიქსირდა პოზიცია, რომ ეს იყო ყურადღების მისაქცევი და სწორედ ეს იყო ძირითადი „ტრიგერი“, რის გამოც ჩვენ ეს საბჭო შევქმენით. ხაგზასმით მინდა აღვნიშნო, რომ ამ საბჭოს შექმნიდან დაახლოებით ერთი თვის თავზე გვქონდა უკვე ინფიცირების პირველი შემთხვევა და ამ ერთი თვის განმავლობაში ჩვენ ბევრი რამ გავაკეთეთ. ეს არის ჩვენი მენეჯმენტის ძირითადი კომპონენტი.. სწრაფი დროული ნაბიჯები... თუმცა, ასევე შემიძლია გითხრათ, რომ გაკრვეულწილად ეს ნაბიჯები შეიძლებოდა ყოფილიყო უფრო ეფექტური..“, - განაცხადა გახარიამ. 

პრემიერმა აღნიშნა რომ მთავრობის ნაბიჯები იყო დროული და „ჩვენ აქ უბრალოდ დროს არ ვკარგავდით“. 

„მაგრამ როდესაც ჩვენ ვამბობთ ეფექტურობაზე, ჩვენ მაშინვე ვთქვით, რომ თუ ჩვენ ამ ღონისძიებების გატარებაში ვიქნებით უფრო ეფექტურები, თუ ჩვენი ნაბიჯები იქნება უფრო ხარისხიანი, ეს ჩვენ მოგვცემს საშუალებას ნაკლებად გადავუჭიროთ ეკონომიკას. არ დაგვჭირდება საგანგებო მდგომარეობის გამოცხადება, ფაქტობრივად კომენდანტის და კარანტინის მდგომარეობის გამოცხადება. ამიტომ იყო რომ ჩვენ მოქალაქეებს მოვუწოდებდით, რომ მოდით ვითანამშრომლოთ. ხშირი იყო შემთხვევები, როდესაც სამწუხაროდ ჩვენ გვესმის, რომ აქ არის ადამიანური ფაქტორი. ხშირი იყო შემთხვევები, როდესაც ჩვენივე მოქალაქეები არ ეუბნებოდნენ სიმართლეს ჩამოფრენის დროს ჯანდაცვის სამინისტროს წარმომადგენლებს, ხშირი იყო შემთხვევები, როდესაც იღებდნენ სპეციალურ პრეპარატებს იმისათვის, რომ ტემპერატურა დაეგდოთ. ხშირი იყო შემთხვევები, როდესაც გამოფრენის ლოკაციას იცვლიდნენ, რამეთუ იცოდნენ რომ თუ ჩამოფრინდებოდნენ რომიდან, კონტროლის ერთი ხარისხი იყო და სხვა ქალაქიდან მეორე ხარისხი. ეს არის ის, რაც ალბათ შეიძლებოდა უკეთესად გაგვეკეთებინა“, - განაცხადა გიორგი გახარიამ.

 

კომენტარები

მსგავსი სიახლეები