1 6 : 1 0
სარეკლამო ადგილი - 21
620 x 80
 | 

პოლიტიკა

“მასმედიით მოხდა მონაზვნის იდენტიფიცირება,რაც ამორალურობისა და დაუნდობლობის მაგალითია”–საპატრიარქო

საქართველოს საპატრიარქო განცხადებას ავრცელებს ხაშურში ცხრამუხის მონასტრის გაძარცვისა და მონაზონის გაუპატიურების ფაქტთან დაკავშირებით. საპატრიარქო წერს, რომ  მასმედიით მოხდა მონაზვნის იდენტიფიცირება, მისი სურათის გამოქვეყნება და ამ დანაშაულზე უხეში ფორმით საუბარი, ადგილი ჰქონდა ცინიზმსაც… რაც, თავის მხრივ, ამორალურობისა და დაუნდობლობის მაგალითია:

“ა.წ. 26 ნოემბრის ღამეს ხაშურში ჩადენილი შემაძრწუნებელი ფაქტი როგორც ჩვენგან, ისე საზოგადოებისგან უმკაცრეს შეფასებასა და რეაგირებას საჭიროებს.

სამწუხაროა, რომ მასმედიით მოხდა მონაზვნის იდენტიფიცირება, მისი სურათის გამოქვეყნება და ამ დანაშაულზე უხეში ფორმით საუბარი, ადგილი ჰქონდა ცინიზმსაც… რაც, თავის მხრივ, ამორალურობისა და დაუნდობლობის მაგალითია.

ამავე დროს გვინდა, მადლობა გადავუხადოთ საქართველოს მოსახლეობის უდიდეს ნაწილს აღნიშნულ ტრაგედიასთან დაკავშირებით დიდი გულისტკივილის გამოხატვისა და ჩვენი მწუხარების გაზიარებისათვის.

ვიმედოვნებთ, ობიექტური გამოძიების შედეგები მალე გახდება ცნობილი“ – წერს საპატრიარქო.

 

კომენტარები

მსგავსი სიახლეები