0 9 : 0 8
სარეკლამო ადგილი - 21
620 x 80
 | 

მსოფლიო

ლეგენდარული თურქული ანსამბლი „ანატოლიის ცეცხლი“ საქართველოში ცეცხლოვან შოუს გამართავს

2017 წლის მიწურულს  ლეგენდარული თურქული ანსამბლი „ანატოლიის ცეცხლი“ (Anadolu Ateşi) საქართველოში ჩამოდის. ცეცხლოვანი შოუ 13-14 დეკემბერს, ბათუმის ხელოვნების  ცენტრში და 16-17 დეკემბერს თბილისის ფილარმონიის საკონცერტო დარბაზში გაიმართება. მნიშვნელოვანია, რომ ანსამბლის გასტროლი საქართველო-თურქეთს შორის დიპლომატიური ურთიერთობის  25 წლის იუბილეს ეძღვნება. "ანატოლიის ცეცხლი" ქართულ სცენაზე მრავალსაუკუნოვან ისტორიას გააცოცხლებს!


ჯგუფი მსოფლიოს სხვადასხვა ქვეყნიდან 120 მოცეკვავეს აერთიანებს. „ანატოლიის ცეცხლი“ მსოფლიოს ყველაზე საუკეთესო სცენებსა და არენებზე იყო  წარმოდგენილი. კონცერტები მსოფლიოს 97 ქვეყანაში გაიმართა და  დღემდე მათი შოუ  40 მილიონმა მაყურებელმა ნახა.

 „ანატოლიას თურქეთის აზიურ ნაწილს ეძახიან, ამ პროექტის წყაროც, სწორედ, ანატოლიის ანტიკური მითოლოგიაა. პროექტი აერთიანებს ასობით ფოლკლორულ ცეკვასა და მუსიკას სხვადასხვა რეგიონიდან, რაც მას კიდევ უფრო უნიკალურს ხდის. შეიძლება ითქვას, რომ “ანატოლიის ცეცხლის“ მთავარი მიზანია დაანახოს სამყაროს სიყვარულის, კულტურის ისტორიისა და მშვიდობის ანატოლიური ანტიკური მოზაიკა,“ - ლეგენდარული თურქული ანსამბლის  უნიკალურობაზე, წარმატებებსა და  მის საქართველოში დაგეგმილ გასტროლებზე, კომპანია „SA Organization“-ის წარმატებულ საქმიანობაზე  გვესაუბრება    პროექტის ხელმძღვანელი სელაჰატინ ატალაი.

SA Organization საუკეთესოდ ასრულებს საკუთარ საქმიანობას და არაერთი წარმატებული პროექტი აქვს განხორციელებული - 200-ზე მეტი პროექტი 20 წლის განმავლობაში.  კომპანიამ საქმისადმი პროფესიონალური დამოკიდებულებით უკვე დაიმკვიდრა თავისი ნიშა. Selahattin Atalay-ს მიერ დაარსებულმა ორგანიზაციამ ამ წლების განმავლობაში წარმატებით განახორციელა დიდი საკონცერტო პროექტები. კერძოდ, კომპანიამ უკრაინაში, რუსეთში, ყაზახეთში, აზერბაიჯანში, კვიპროსი და სხვა ქვეყნებში დაუვიწყარი საკონცერტო პროექტები განახორციელა,   ისეთი  ცნობილი შემსრულებლებისათვის, როგორებიც არიან: İbrahim Tatlıses, Nilufer, Ajda Pekkan, Alişan, İngrid Alberini, İmagination, Anna Marria, Ruslana, Kayahan, Rafet El Roman, Grigori Leops, Kenan Dogulu, “Tararam”, “Shaman”, Celtic Legends და ა.შ. „ანატოლიის ცეცხლი“ კი   ერთ-ერთ საუკეთესო საცეკვაო ჯგუფია, რომელსაც  მსოფლიოს სხვადასხვა ქვეყნების სცენებსა და  აქტივობებში მიუღია მონაწილეობა. ეს არის ჯგუფი, რომელმაც დაიმსახურა აღფრთოვანება მსოფლიოს საუკეთესო სცენებზე, როგორიც არის Madison Square Garden (ნიუ-იორკი), Chicago Theater (ჩიკაგო), Palais des congrès და Bercy Arena (პარიზი) Forest National (ბრიუსელი) და ა.შ.  

-         საკმაოდ რთულია დაგეგმო ასეთი გრანდიოზული კონცერტები უცხო ქვეყნებში,  მით უფრო რთულია ის წარმატებით განახორციელო, რაც კომპანიის მხრიდან საკმაოდ დიდ გამოცდილებასა და ძალისხმევას მოითხოვს...

-         თითოეული კონცერტისა და ფესტივალის წარმატება დამოკიდებულია არა მხოლოდ წარდგენილ შოუზე, არამედ კონცერტის დაგეგმვაზეც. დეკორაციები, ხმის ხარისხი და ლოკაცია კონცერტისთვის და ფესტივალისთვის ძალიან მნიშვნელოვანია. კონცერტის ორგანიზებისთვის ერთ ადამიანს არ შეუძლია პირობების შექმნა. ამის გასაკეთებლად საჭიროა პროფესიონალი გუნდი. ყველა თავის საქმეზე უნდა იყოს პასუხისმგებელი, რადგან ბევრი მუშაობაა საჭირო. საუკეთესო შედეგების მისაღწევად კი აუცილებელია, დაგეგმილი სამუშაოები ზედმიწვენით შეასრულო. "SA Organization“-მა  წარმატებული კონცერტების ყველა საიდუმლო იცის. ჩვენ კარგი ურთიერთობა გვაქვს მსოფლიოს ცნობილ მომღერლებთან და უზრუნველვყოფთ სრულ ტექნიკურ მხარდაჭერას. ამიტომაც ცნობილი ვარსკვლავები დსთ-ს ქვეყნებიდან, ევროპიდან და თურქეთიდან ამჯობინებენ იმუშაონ ჩვენთან.  ჩვენ რეალობად ვაქცევთ  ყოველ ოცნებასა და იდეას, ჩვენს მიერ ორგანიზებული კონცერტები და ფესტივალები მაყურებელს დიდი ხნის განმავლობაში ემახსოვრება.

-         დავუბრუნდეთ საქართველოში დაგეგმილ შოუს, მოგვიყევით უფრო მეტი „ანატოლიის ცეცხლის“ შესახებ, საიდან წამოვიდა ჯგუფის შექმნის კონცეფცია?

-         დიდი საცეკვაო ჯგუფის კონცეფცია, რომელიც ანატოლიის ცეკვებს, თანამედროვე ცეკვასა და ბალეტს შეასრულებდა, მუსტაფა ერდოღანის დიდი ხნის ოცნება იყო. ერდოღანი ხელმძღვანელობდა ხალხური ცეკვის სტუდიას ბილკენტის უნივერსიტეტში (ანკარა). 1999 წელს მან ჩაუყარა საფუძველი ჯგუფს, მოცეკვავეების მიღების შესახებ განცხადებას, რომელიც ადგილობრივ გაზეთში გამოქვეყნდა და 750 ადამიანი გამოეხმაურა. მუსტაფამ 90 ადამიანი შეარჩია, რომლებმაც საკუთარ ფიზიკურ და საცეკვაო შესაძლებლობაზე მუშაობა მკაცრი ზედამხედველობის ქვეშ დაიწყეს. კოლექტივის პირველი წარმოდგენა 2001 წელს გაიმართა და ერთი წლის შემდეგ მსოფლიო საგასტროლო ტური სახელწოდებით "ანატოლიის ცეხლი" დაიწყო და დღემდე აგრძელებენ მწვერვალების დაპყრობას. მოცეკვავეთა შრომისმოყვარეობამ (8-16 საათი დღეში) შედეგი გამოიღო და ახლა ანატოლიის ცეცხლი მთელს მსოფლიოშია ცნობილი. პირველი მსოფლიო ტურნე  2002 წელს მოაწყვეს, იყვნენ ძალიან ბევრ ქვეყანაში.  ანატოლიის ცეცხლი არის პირველი საცეკვაო ჯგუფი, რომელმაც გამოსვლა ჩინეთის პარლამენტის შენობაში მოაწყო.

-         რამ განაპირობა წელს ჯგუფის საქართველოში სტუმრობა?

-         ჯგუფი, რომლის შესრულებამ მთელი მსოფლიო აღაფრთოვანა, წელს ბათუმსა და თბილისში კონცერტებს გამართავს.  ანსამბლის გასტროლი საქართველო-თურქეთს შორის დიპლომატიური ურთიერთობის  25 წლის იუბილეს უკავშირდება. თურქეთის ელჩმა საქართველოში ზექი ლევენთ გუმრუქჩუმ მოგვიწვია. მათი დიდი სურვილია საქართველოში ამ იუბილესთან დაკავშირებით მოაწყონ ზეიმი და ეს ჯგუფი იყოს  მთავარი მონაწილე. შესაბამისად, კონცერტები თბილისში თურქეთის საელჩოს მხარდაჭერით გაიმართება. მოგეხსენებათ საქართველო, თურქეთი და აზერბაიჯანი ეს არის სამი მეგობრული ქვეყანა, გარდა პოლიტიკური და კულტურული ურთიერთობებისა მათ წარსულიც  აკავშირებს. ერთ-ერთ წარმატებულ და მნიშვნელოვან პროექტად შესაძლოა დავასახელოთ  ბაქო-თბილისი-ჯეიჰანის ნავთობსადენის პროექტი. მსგავსი ღონისძიებებით ეს ქვეყნები კიდევ  უფრო დაუახლოვდებიან ერთმანეთს. აუცილებელია ქვეყნებს შორის დიპლომატიური და მეგობრული ურთიერთობები კიდევ უფრო ჩამოყალიბდეს და გამყარდეს.

-         რატომ მაინცდამაინც მოცეკვავეთა ჯგუფი „ანატოლიის ცეცხლი“ ?

-         კავკასიელებს ცეკვა უყვართ ძალიან. ცეკვას ენა არ გააჩნია. გარდა ამისა, ჯგუფში ქართველი მოცეკვავეებიც მონაწილეობენ, ისინი დღეს ჩვენი მეგობრები არიან.  შესაბამისად, აღნიშნული პროექტი ქართველებისთვის საინტერესო იქნება.

-         თქვენ როგორც საპროდიუსერო კომპანიას, საქართველოში თუ გაქვთ გრძელვადიანი გეგმები?

-         ზაფხულში, „ბლექ სი არენაზე“ დაგეგმილი გვაქვს 2 უზარმაზარი პროექტი. ამ ეტაპზე დეტალებს ვერ გაგაცნობთ. ჯერჯერობით საიდუმლოა. საქართველოში უყვართ მუსიკა, ხელოვნება. თითოეული ქართველი პროფესიონალი მაყურებელია, ისინი უმაღლეს დონეზე აფასებენ, მათ გენებშია კულტურა. ჩვენთვის მათი აზრი მნიშვნელოვანია.  ქართული ცეკვა ძლიერია. ჩვენი პროექტი კი არის  მიქსი, რომელშიც შერწყმულია სხვადასხვა კავკასიური ცეკვები, შესაბამისად, შოუ უფრო ფერადი და მრავალფეროვანი გამოდის.

კომენტარები

მსგავსი სიახლეები

  • 11:06

    რუსებმა ხერსონი დაბომბეს - დაზიანდა მინიმუმ 15 სა...

    რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს.­ ხერსონის რეგიონული სამხედრ...

  • 14:56

    ,,არ იქნება დენი, საკვები, საწვავი" - ისრაელი ღაზი...

    ისრაელის თავდაცვის მინისტრის, იოავ გალანტის განცხადებით, ღაზის სექტორის სრული ბლოკადის განკარგულება გასცა. „ღაზის სექტორის სრული ბლოკადის განკარგულება გავეცი. არ იქნება ელექტროენერგია, საკვები, ...

  • 13:15

    რამზან კადიროვმა 24 წლის ქალიშვილი ჩეჩნეთის ვიცე-პ...

    ჩეჩნეთის ლიდერის, რამზან კადიროვის 24 წლის ქალიშვილი აიშატ კადიროვა ჩეჩნეთის რესპუბლიკის ვიცე-პრემიერი გახდა. ინიციატივა ჩეჩნეთის პარლამენტის თავმჯდომარეს ეკუთვნის, რომელმაც წინადადება გაფართოებუ...

  • 22:28

    27 წლის ქართველი გოგო გერმანიაში ჯგუფურად გააუპატი...

    გერმანიაში ქართველი ქალის ჯგუფური გაუპატიურების საქმე სასამართლოში გადაიგზავნა - გერმანელმა პროკურორებმა შემზარავი დანაშაულის ახალი გარემოებები დაადგინეს. 27 წლის ქართველი გოგო ჯგუფურად მეუღლის თვალწი...

  • 17:57

    ევროკავშირმა რუსეთის წინააღმდეგ დაწესებული სანქციე...

    ევროკავშირის განცხადებით, რუსეთის ფედერაციის წინააღმდეგ დაწესებული სანქციები კიდევ 6 თვით გახანგრძლივდა. განცხადებაში აღნიშნულია, რომ სანქციების მოქმედების გაგრძელების შესახებ გადაწყვეტილება უკრაინის ...

  • 13:41

    ვოლოდიმირ ზელენსკი - არის სიგნალი, რომ, შესაძლოა, ...

    არის სიგნალი, რომ, შესაძლოა, რუსეთში კიდევ ერთი ამბოხება, რევოლუცია მოხდეს, - ამის შესახებ უკრაინის პრეზიდენტმა, ვოლოდიმირ ზელენსკიმ ABC News-თან ინტერვიუში განაცხადა. მისი თქმით, ბევრი ადამიანია...

  • 12:17

    თეთრი სახლი - არ გვინახავს ნიშანი, ხმამაღალი რიტორ...

    შეერთებულ შტატებს არ მიაჩნია, რომ რუსული ძალების მიერ ზაპოროჟიეს ატომური ელექტროსადგურის აფეთქების საფრთხე „გარდაუვალია“, - ამის შესახებ თეთრი სახლის სტრატეგიული კომუნიკაციების კოორდი...