2 3 : 5 2
სარეკლამო ადგილი - 21
620 x 80
 | 

მსოფლიო

"მე დავუშვი შეცდომები, თუმცა ვიმედოვნებ, რომ ჩემი სიყვარული ამერიკისადმი გადაწონის ამას" - წერილი, რომელიც მაკკეინმა გარდაცვალებამდე დაწერა

ჯონ მაკკეინის თანაშემწემ ამერიკელი რესპუბლიკელი სენატორის გამოსამშვიდობებელი წერილი გამოაქვეყნა, რომელსაც CNN ავრცელებს:

„ჩემო თანამემამულე ამერიკელებო, რომლებსაც მე მადლიერებით ვემსახურე სამოცი წლის განმავლობაში და განსაკუთრებით, ჩემო თანამემამულე არიზონელებო – მადლობა, რომ მომანიჭეთ პრივილეგია, გემსახუროთ და იმ სასარგებლო ცხოვრებისთვის, რომელიც სამხედრო ფორმაში სამსახურმა და სახელმწიფო სამსახურმა მომცა. ვეცადე, მემსახურა ქვეყანას ღირსებით. მე დავუშვი შეცდომები, თუმცა ვიმედოვნებ, რომ ჩემი სიყვარული ამერიკისადმი გადაწონის ამას.

ხშირად ვაცნობიერებდი, რომ დედამიწაზე ყველაზე იღბლიანი პიროვნება ვარ. ამას ვგრძნობ ახლაც, როდესაც სიცოცხლის დასრულებისთვის ვემზადები. მე მიყვარდა ჩემი ცხოვრება, მთლიანად. მე გავიარე გამოცდილებები, თავგადასავლები და მეგობრობა, რომელიც საკმარისია ათი ცხოვრებისთვის და ამისთვის უზომოდ მადლობელი ვარ. როგორც ადამიანების უმრავლესობას, მე სინანულს ვგრძნობ. თუმცა მე არ გავცვლიდი ჩემი ცხოვრების არც ერთ დღეს, იქნება ეს კარგი თუ ცუდი პერიოდი, სხვა ადამიანის საუკეთესო დღეზე.

ამ კმაყოფილებას ჩემი ოჯახს სიყვარულს უნდა ვუმადლოდე. არც ერთ მამაკაცს ჰყოლია უფრო მოსიყვარულე ცოლი და არავინ ყოფილა უფრო ამაყი თავისი შვილებით, ვიდრე მე ვარ ჩემებით. ამის გამო, ამერიკის წინაშე ვალში ვარ. კავშირს ამერიკის საფუძვლებთან – თავისუფლებასთან, თანასწორ უფლებებთან, ყველა ადამიანის ღირსების პატივისცემასთან – მოაქვს გაცილებით დიდი ბედნიერება, ვიდრე ცხოვრების სწრაფად წარმავალ სიამოვნებებს. ჩვენი იდენტობა და ღირსების გრძნობა არა შეზღუდული, არამედ გაფართოებულია კარგი მიზნებისთვის მსახურებით.

თანამემამულე ამერიკელები – ეს კავშირი ნიშნავდა ჩემთვის გაცილებით ბევრს, ვიდრე ნებისმიერი სხვა რამ. ვიცხოვრე და მოვკვდი ამაყ ამერიკელად. ჩვენ მსოფლიოს უდიდესი რესპუბლიკის მოქალაქეები ვართ, იდეალების და არა სისხლისა და მიწის ერი ვართ. ჩვენ დალოცვილი ვართ და მოგვაქვს სიკეთე კაცობრიობისთვის, როდესაც სახლში და მსოფლიოში ამ იდეალებს მხარს ვუჭერთ და ვაძლიერებთ. ჩვენ დავეხმარეთ ტირანიისგან და სიღარიბისგან გათავისუფლებაში ყველაზე მეტ ადამიანს დავეხმარეთ, ვიდრე ოდესმე ისტორიაში. ამ პროცესში ჩვენ მოვიპოვეთ კეთილდღეობა და სიძლიერე.

ჩვენ ვასუსტებთ ჩვენს სიდიადეს, როდესაც პატრიოტიზმს ტომთა დაპირისპირებაში ვურევთ, რამაც დედამიწის ყველა კუთხეში ბრაზი, სიძულვილი და ძალადობა დათესა. ჩვენ ვასუსტებთ მას, როდესაც ვიმალები კედლებს მიღმა, მათი დანგრევის ნაცვლად, როდესაც ეჭვი შეგვაქვს ჩვენი იდეალების ძალაში, იმის ნაცვლად, რომ ვენდოთ მათ როგორც ცვლილებების უდიდეს ძალას.

ჩვენ 325 მილიონი ჯიუტი და მრავალხმიანი ინდივიდი ვართ. ვკამათობთ და ვმეტოქეობთ, ზოგჯერ კი შევურაცხყოფთ ერთმანეთს ჩვენს ხმაურიან საჯარო დებატებში. თუმც ერთმანეთთან ბევრად მეტი საერთო გვაქვს, ვიდრე უთანხმოება. მხოლოდ მაშინ, თუკი ეს გვახსოვს და გამოვდივართ იქიდან, რომ გვიყვარს ეს ქვეყანა, გადავლახავთ ამ გამოწვევებით სავსე პერიოდს. გადავიტანთ ამას და გამოვალთ უფრო ძლიერები, ვიდრე ადრე. როგორც ეს ადრე იყო.

ათი წლის წინ, მე მქონდა პრივილეგია საპრეზიდენტო არჩევნებში დამარცხება მეღიარებინა. მე მინდა დავამთავროო ჩემი გამოსამშვიდობებელი წერილი ამერიკელებისადმი იმ გულწრფელი რწმენით, რომელიც ასე ძლიერად ვიგრძენი იმ საღამოს.

ჩემში დღემდე ძლიერია ეს გრძნობა. ნუ იქნებით სასოწარკვეთილნი ჩვენი ამჟამინდელი სირთულეების გამო, არამედ ყოველთვის გჯეროდეთ ამერიკის შესაძლებლობებისა და დიდების, რადგან არაფერია მარადიული. ამერიკელები არასდროს ნებდებიან. ჩვენ არასდროს ვნებდებით. ჩვენ არასდროს ვემალებით ისტორიას. ჩვენ ვქმნით ისტორიას.

მშვიდობით, თანამემამულე ამერიკელებო. ღმერთი გფარავდეთ და ღმერთი ფარავდეს ამერიკას“, – აღნიშნულია ჯონ მაკკეინის მიმართვაში.

კომენტარები

მსგავსი სიახლეები

  • 22:40

    ჯანმო: არ არსებობს იმის მტკიცებულება, რომ კორონავი...

     ჯანდაცვის მსოფლიო ორგანიზაციის მაღალი რანგის ოფიციალურმა პირებმა განაცხადეს, რომ არ არსებობს იმის მტკიცებულება, რომ კორონავირუსი მუტაციას განიცდის.  მარია ვან კერხოვემ ჟურნალისტებს განუცხად...

  • 23:12

    მეწყერს 20 ადამიანი ემსხვერპლა...

    ჩრდილო-აღმოსავლეთ ინდოეთში, ასამის შტატში მეწყერს, სულ მცირე, 20 ადამიანის სიცოცხლე ემსხვერპლა,  გარდაცვლილთა შორის შვიდი ადამიანი ერთი ოჯახის წევრია. ოფიციალური უწყებების ცნობით, შესაძლოა, მსხვ...

  • 23:11

    დონალდ ტრამპი ამბობს, რომ კორონავირუსის საწინააღმდ...

     აშშ-ის პრეზიდენტის, დონალდ ტრამპის განცხადებით, კორონავირუსის საწინააღმდეგო ვაქცინა მოსალოდნელზე უფრო მალე შეიქმნება.  „ვაქცინებთან და მედიკამენტთან დაკავშირებით პროცესი კარგად მიმდინ...

  • 21:17

    სომხეთში შესაძლოა საგანგებო მდგომარეობა მეორედ გამ...

     სომხეთის პრემიერმინისტრი, ნიკოლ ფაშინიანი აცხადებს, რომ შეზღუდვების განახლება ეკონომიკური მდგომარეობის კიდევ უფრო გამწვავებას გამოიწვევს, თუმცა თუ ინფიცირების დინამიკა შენარჩუნდება, ქვეყნის ხელი...

  • 21:05

    იტალიაში დღე-ღამეში 55 კოვიდინფიცირებული გარდაიცვა...

    იტალიაში 24 საათის განმავლობაში ახალი კორონავირუსი კიდევ 318 ადამიანს დაუდგინდა, 55 კი გარდაიცვალა,  სულ ქვეყანაში ვირუსი 233 515 ადამიანს დაუდგინდა, 160 092 გამოჯანმრთელდა, 33 530 კი ვირუსს ემსხ...

  • 11:04

    თუ გუბერნატორები საკუთარი მოქალაქეების დაცვაზე უარ...

    ამერიკის შეერთებული შტატების პრეზიდენტის, დონალდ ტრამპის თქმით, თუ შტატების გუბერნატორები და მერები უარს იტყვიან საკუთარი მოქალაქეების დასაცავად საჭირო ნაბიჯების გადადგმაზე, მაშინ ის სამხედროებს გამოი...

  • 08:35

    არეულობა ამერიკაში - ტრამპის გადაწყვეტილებით მთელ ...

    თეთრი სახლის ინფორმაციით, აშშ-ის პრეზიდენტის, დონალდ ტრამპის გადაწყვეტილებით, ქვეყანაში არეულობის აღსაკვეთად დამატებით ფედერალური ძალებს გაგზავნიან. ამის შესახებ ინფორმაცია დონალდ ტრამპის პრესმდივანმა...