1 8 : 4 3
სარეკლამო ადგილი - 21
620 x 80
 | 

მსოფლიო

"თუ განათლების დაფინანსება მინიმუმ არ გახუთმაგდა, რაც გინდათ აუქმეთ, რაც გინდათ დაადგინეთ, შედეგი იქნება მხოლოდ გაუარესება"

რუსთავი 2-ის გენერალური დირექტორი და განათლების ყოფილი მინისტრი, ნიკა გვარამია ბატიაშვილის ინიციატივას სკოლაში გამოსაშვები გამოცდების გაუქმების შესახებ, ვრცელი და ძალიან საინტერესო პოსტით ეხმაურება:

„ბევრის დაწერა მომიწევს, არ შეგეშინდეთ…

სკოლის გამოსაშვები გამოცდები უნდა ტარდებოდეს გამოცდების ცენტრის მიერ, ცენტრალიზებულად. უნდა დგებოდეს GPA, რაც იქნება მთავარი ფუნდამენტი უნივერსიტეტში მიღების. 

რომელ საგანს რა წონას მისცემს უნივერსიტეტი, GPA-ის საშუალოს - რა წონას, ეს მათი საქმეა, მაგრამ ეს უნდა ხდებოდეს აუცილებლად ცენტრალიზებულად. 

დღეს სკოლები ისეთ დღეშია, მათი დაწერილი ნიშნების სანდოობა და მათ მიერ მოცემული GPA არარელევანტური რომაა, მგონი არც უნდა მტკიცება. 

სასკოლო კორუფციის აყვავებაღა გვაკლია. ამიტომაც, ცენტრალიზებული და უნიფიცირებული შეფასება ერთიანი გამოცდებით უპირობოდ აუცილებელია.

დღევანდელი გამოსაშვები გამოცდები უსარგებლოა და შედეგი არ მოაქვს. ვერც განათლების მიღების ფუნქციას ასრულებს, ვერც სასკოლო შეფასების უნიფიკაციის. 

შესაბამისად, ფუჭი სტრესია (ზოგადად, განათლებაში სტრესი განვითარების უმნიშვნელოვანესი დრაივერია, მაგრამ როცა საჭიროა). თან ტარდება სკოლების მნიშვნელოვანი ჩართულობით და არის კორუფციის და ნეპოტიზმის ბუდე. მათი გაუქმება სწორი იყო და საერთოდ, შემოღება იყო არასწორი.

სასკოლო გამოცდები უნდა იყოს სკოლის ბოლო საფეხურზე (9-12 კლასი), საგნის პროგრამული დასრულების კვლადაკვალ. გადაბარება უნდა იყოს შესაძლებელი.
დეტალებშია ეშმაკი, მაგრამ ამაზე ახლა აღარ განვევრცობი. ბევრი რეგულაციაა საჭირო.

სკოლის შემდგომი უნიფიცირებული გამოცდა უნდა იყოს ერთადერთი - დღეს გაუქმებული უნარები. ის უნდა იღებდეს მონაწილეობას როგორც უნივერსიტეტში მოსახვედრ, ასევე გრანტის გაცემის პროცესში. 

ამ გამოცდის გაუქმება, ერთდროულადაა უცოდინრობა, პოპულიზმი, კლანური შურისძიება მაია მიმინოშვილის აჩრდილზე და 9 წლის მონაპოვარის (ერთერთი უმთავრესის) შეგნებულად გაბითურება. 

მოკლედ, პოლიტიკური გადაწყვეტილებაა და პარალელურად უგუნური და სამარცხვინო.
რაც შეეხებათ რეპეტიტორებს. ისინი იმიტომ კი არ არსებობენ, რომ გამოცდები არსებობს, არამედ იმიტომ, რომ სკოლა არ ვარგა. გამოცდები ცოდნის მიღების დამატებითი მოტივაცია ყველგანაა და რეპეტიტორები ყველგან (აშშ-ს ჩათვლით) ავსებენ სასკოლო განათლების დეფიციტს, სრულიად ყველგან. 

რეპეტიტორების როლის შემცირება გამოცდების გაუქმებით კი არა, სკოლის გაძლიერებით უნდა მოხდეს.

რაც შეეხებათ უნარების რეპეტიტორებს. რეპეტიტორი ვერ მოგცემს უნარებს, მან შეიძლება ტესტის ამოხსნის ტექნოლოგია გასწავლოს. ასეა ყველგან (ისევ აშშ-ს ჩათვლით). 

ყველგან ისწავლება TOEFL-ის თუ სხვა ბევრად რთული ტესტების ამოხსნის ტექნიკა. და ყველა ეს სატესტო სისტემა იმას კი არ ებრძვის, რომ ისწავლება, არამედ იმას, რომ ტესტი მაქსიმალურად ადეკვატური და ნაკლებად სწავლადი და ამოხსნადი გახადოს. 

მაგალითად, ტოეფლი ვერ ჩააბაროს ჩინელმა, რომელიც ფორმულებით და დაზუთხვით ყევლაფერს სწორად იზამს, მაგრამ ინგლისურად უბრალოდ ვერ ლაპარაკობს (ასეთი კურსელი არაერთი მყავდა ემორიში. ერთი ტანჯვა იყო მათთან ჯგუფური პრეზენტაციის გაკეთება).

ამიტომაც, ტოეფლმა შემოიღო რა? - ლაპარაკის აუდიო ჩაწერა. ანუ ტესტი გახდა უფრო ადეკვატური, მისი სწავლება და მით უფრო ჩაბარება კი არ აიკრძალა. 

უნარების ტესტის სწავლებას მე პირადად ვემხრობი. სკოლაში, მეთორმეტე კლასში, სპეცმომზადებას. რისთვის? - იმისთვის, რომ მოსწავლემ პირველად გამოცდაზე არ ნახოს ტესტი და ამ სტრესის გამო უფრო ნაკლები ქულა არ მიიღოს, ვიდრე რეალურად ეკუთვნის. 
ვინც ამბობს, რომ უნარების ტესტი არ ისწავლება, ის ან არაფრის აზრზე არაა, ან იტყუება. 

არ ისწავლება რეპეტიტორთან უნარები, თორემ ტესტის ამოხსნის ტექნიკა - მშვენივრად. 
ხოდა ჩვენ თვითონ ვასწავლოთ სკოლებში ეს ტექნიკა, რატომ ვუშვებთ გარეთ ბავშვებს? აა, ფული ჯდება და ბევრი მუშაობა უნდა? ხო, კარგი, მაშინ გავაუქმოთ ჩვენი განათლების სისტემის ერთადერთი მსოფლიო კლასის მიღწევა.

მერიტოკრატიული გრანტები და სოციალური გრანტები უნდა იყოს 50%/50% და არა 90%/10%. ასეთია უღარიბესი ქვეყნის საჭიროება. ან იყოს ასივე პროცენტი მერიტოკრატიული, ოღონდ იმ დათქმით, რომ ვინც სოციალურად შეჭირვებულია (და აქ დაბალი ქულა არ უნდა იყოს, რაც შეიძლება მაღალი - 200.000 მინიმუმ), ყველა ის სტუდენტი უნდა ფინანსდებოდეს სრულად ვაუჩერის მაქსიმუმის ფარგლებში (რომლის ნომინალიც ასევე უნდა გაიზარდოს).

და მთავარი, თუ განათლების დაფინანსება მინიმუმ არ გახუთმაგდა, რაც გინდათ აუქმეთ, რაც გინდათ დაადგინეთ, შედეგი იქნება მხოლოდ გაუარესება.

ერთ დროს, მინისტრი რომ ვიყავი, ამ ყველაფრის გაკეთება მინდოდა. ვამაყობ, რომ მოვასწარი არაქართულენოვანების ქართულ საუნივერსიტეტო სივრცეში მოხვედრის პროგრამის შემოტანა (პირადად მოვიგონე სისტემა სააკაშვილის თხოვნით და მაია მიმინოშვილის და მისი ცენტრის ჩართულობით). 

ასევე ვამაყობ, რომ მაგისტრატურაში მიღების უნიფიცირება შევძელი ერთიანი ტესტის შემოღებით (მთავარი აქტორი, ცხადია, გამოცდების ეროვნული ცენტრი იყო). 
ყველაფერი, რაც ზემოთ დავწერე, ასევე მინდოდა, რომ გამეკეთებინა. პლიუს სკოლის ვაუჩერიზაციის შეცვლა.

განათლების მინისტრობისას ეს ყველაფერი ვერ გავაკეთე, იმიტომ რომ ფინანსები არ მომცეს. სხვა პრიორიტეტები იყო. რასაც ასევე არ ვიზიარებდი - მაგალითად ქალაქების მშენებლობას სახელმწიფოს ხარჯზე. შეიძლება (?) ეს კარგია და შედეგი უცებ ჩანს, მაგრამ განათლება გადამწყვეტია და შედეგი წლების მერე მოაქვს. თან ხელს რომ ვერ მოკიდებ, ისეთი. 

სამაგიეროდ ის მოგკიდებს ქეჩოში ხელს და წუმპიდან ამოგათრევს. ეს უნდა გესმოდეს. კარგად უნდა გესმოდეს. ჩემ დროს კარგად არ ესმოდათ, სამწუხაროდ. ახლა ხომ საერთოდ - არ შეიძლება გაუნათლებლების მთავრობას განათლების ფასი ესმოდეს, თეორიული დაშვების დონეზეც კი აბსურდია.

მინისტრობა, როგორც კარიერული მიღწევა, ნამდვილად არ მაინტერესებდა. მანამდეც ვყოფილვარ. 

იმ პირობებში, როცა საბიუჯეტო ჭერი იმგვარ შუშის ჭერად გადაიქცევა, რომელსაც თავს ვერ აარტყამ და ვერ გაარღვევ, მე არც მინისტრობა მაინტერესებს და არც მეტი. მე გარღვევების კაცი ვარ და ჩემი როლის შესრულება მინდა, თუ გნებავთ, ამბიციურად ვიტყვი - ისტორიაში კვალის დატოვება.

ხოდა, ვერ გავაკეთე ეს ყველაფერი, სწორად რომ ვთქვათ, საშუალება არ მომეცა. ჩემი ბრალიცაა, ალბათ ვერ დავარწმუნე კოლეგები. ხოდა, როგორც იყო და როგორც არა, მე თვითონ წავედი განათლების გასაღრმავებლად.

გმადლობთ ყურადღებისთვის“, - წერს ნიკა გვარამია სოციალურ ქსელში.

მსგავსი სიახლეები

  • 11:06

    რუსებმა ხერსონი დაბომბეს - დაზიანდა მინიმუმ 15 სა...

    რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს.­ ხერსონის რეგიონული სამხედრ...

  • 14:56

    ,,არ იქნება დენი, საკვები, საწვავი" - ისრაელი ღაზი...

    ისრაელის თავდაცვის მინისტრის, იოავ გალანტის განცხადებით, ღაზის სექტორის სრული ბლოკადის განკარგულება გასცა. „ღაზის სექტორის სრული ბლოკადის განკარგულება გავეცი. არ იქნება ელექტროენერგია, საკვები, ...

  • 13:15

    რამზან კადიროვმა 24 წლის ქალიშვილი ჩეჩნეთის ვიცე-პ...

    ჩეჩნეთის ლიდერის, რამზან კადიროვის 24 წლის ქალიშვილი აიშატ კადიროვა ჩეჩნეთის რესპუბლიკის ვიცე-პრემიერი გახდა. ინიციატივა ჩეჩნეთის პარლამენტის თავმჯდომარეს ეკუთვნის, რომელმაც წინადადება გაფართოებუ...

  • 22:28

    27 წლის ქართველი გოგო გერმანიაში ჯგუფურად გააუპატი...

    გერმანიაში ქართველი ქალის ჯგუფური გაუპატიურების საქმე სასამართლოში გადაიგზავნა - გერმანელმა პროკურორებმა შემზარავი დანაშაულის ახალი გარემოებები დაადგინეს. 27 წლის ქართველი გოგო ჯგუფურად მეუღლის თვალწი...

  • 17:57

    ევროკავშირმა რუსეთის წინააღმდეგ დაწესებული სანქციე...

    ევროკავშირის განცხადებით, რუსეთის ფედერაციის წინააღმდეგ დაწესებული სანქციები კიდევ 6 თვით გახანგრძლივდა. განცხადებაში აღნიშნულია, რომ სანქციების მოქმედების გაგრძელების შესახებ გადაწყვეტილება უკრაინის ...

  • 13:41

    ვოლოდიმირ ზელენსკი - არის სიგნალი, რომ, შესაძლოა, ...

    არის სიგნალი, რომ, შესაძლოა, რუსეთში კიდევ ერთი ამბოხება, რევოლუცია მოხდეს, - ამის შესახებ უკრაინის პრეზიდენტმა, ვოლოდიმირ ზელენსკიმ ABC News-თან ინტერვიუში განაცხადა. მისი თქმით, ბევრი ადამიანია...

  • 12:17

    თეთრი სახლი - არ გვინახავს ნიშანი, ხმამაღალი რიტორ...

    შეერთებულ შტატებს არ მიაჩნია, რომ რუსული ძალების მიერ ზაპოროჟიეს ატომური ელექტროსადგურის აფეთქების საფრთხე „გარდაუვალია“, - ამის შესახებ თეთრი სახლის სტრატეგიული კომუნიკაციების კოორდი...