0 0 : 0 3
სარეკლამო ადგილი - 21
620 x 80
 | 

მსოფლიო

ნიკა ობოლაძე: საქართველო აზერბაიჯანის გარეშე იქცევა 1995-1999 წლის საქართველოდ

გირჩის ყოფილი წევრი და ჟურნალისტი ნიკა ობოლაძე დავით გარეჯში მიმდინარე აქციას სოციალურ მედიაში ვრცელი პოსტით ეხმაურება. ობოლაძე წერს, რომ აზერბაიჯანის გარეშე არ იარსებებს საქართველოს სუვერენიტეტი და კეთილდღეობა. მისივე თქმით, არ უნდა დავუშვათ საქართველოს და აზერბაიჯანის დაპირისპირების შეუქცევად რეჟიმში გადაყვანა, რადგან ეს ქვეყნის დასასრული იქნება.

„არ არსებობს აზერბაიჯანის სუვერენიტეტი, საქართველოს სუვერენიტეტის და კეთილდღეობის გარეშე და პირიქით, არ არსებობს საქართველოს სუვერენიტეტი და კეთილდღეობა აზერბაიჯანის გარეშე.

დავით გარეჯი საქართველოა - მანამ სანამ საქართველო არსებობს.

აზერბაიჯანის გარეშე:

ა) საქართველო დარჩება ბუნებრივი აირის გარეშე, ანუ უბრალოდ ზამთარში ვეღარ გავთბებით, გაჩერდება საწარმოები, არ გვექნება ელექტროენერგია რომელსაც თბოსადგურები აწარმოებენ აზერბაიჯანიდან მიღებული გაზით.

აქ საუბარი არ არის ფასზე, ფიზიკურად არ გვექნება.

რაც გვაქვს, ის ეკონომიკაც განახევრდება.

თუ რუსეთმა ჩაანაცვლა ენერგეტიკული კუთხით აზერბაიჯანი, ეს იმ 26 მაისის და დამოუკიდებლობის გაუქმებას ნიშნავს, რაც რამდენიმე დღის წინ აღვნიშნეთ, ეს იქნება ბელორუსი, და არა საქართველო.

ბ) საქართველოში ინვესტიციების სახით ყველაზე მეტი ფული აზერბაიჯანიდან შემოდის - შეწყდება.

გ) საქართველოში ყველაზე მეტი ტურისტი აზერბაიჯანიდან შემოდის - შეწყდება.

დ) აზერბაიჯანი ჩვენთვის ნომერი 2 საექსპორტო ბაზარია (ნომერი 1 რუსეთია, ესეც ძალიან ცუდი) - შეწყდება.

საქართველოს და აზერბაიჯანის მტრულ რეჟიმში გადაყვანა გამოიწვევს საქართველოს ვენესუელიზაციას.

1$ გახდება 7,8, 10 ლარი - არ ვაჭარბებ.

აზერბაიჯანი საქართველოს გარეშე მოექცევა იზოლაციაში და იქცევა ბელორუსად.

საქართველო აზერბაიჯანის გარეშე იქცევა 1995-1999 წლის საქართველოდ.

გაყინულ, ჩაბნელებულ, კრიმინალით სავსე, ჰიპერინფლაციის მქონე ე.წ ქვეყნად. ეკონომიკა მინიმუმ განახევრდება. მართლა 90 იანებს მივიღებთ აზერბაიჯანთან სრულმასშტაბიანი დაპირისპირებით.

ეს დასასრული იქნება, ბევრი ჩვენგანის ცხოვრებისთვის და დასასრული იქნება ჩვენი სახელმწიფოსთვის.

ვინ მიიყვანა საქმე აქამდე ? - სალომე ზურაბიშვილმა ?

თქვენ თამაზ მეჭიაური გახსოვთ ? აი სისულელეებს რომ ამბობდა კომიტეტის თავმჯდომარე კაცი და ჟურნალისტებიც რომ ერთობოდნენ ამით ?

რაღაც მომენტში მივხვდი, რომ იმ სიგიჟეზე პასუხისმგებელი, რასაც ტელევიზორით ვუყურებდი, მეჭიაური კი არა, თუნდაც ჟურნალისტები და ხალხი იყო, ვინც ამას სერიოზულად ვუყურებდით - მეც.

მომინდა მეთქვა, კაი ხო, უჭირს და დაცინი? აი ისე, ვიდეო რომ არის - „სარგებლობთ თუ რა ფეისბუქით“

ხოდა, სალომე ზურაბიშვილის კრიტიკა არ მოსულა.

გიჟია და არ უნდა შევიმჩნიოთ, ისე უნდა მოვიქცეთ, რომ ქვეყანა გადავარჩინოთ.

ალიევსაც, ტრამპსაც, ერდოღანსაც და პაშინიანსაც უნდა ვუთხრათ, რომ არ მოუსმინონ, ასეთი დრო გვიდგას და ჩვენც გვრცხვენია ამის გამო.

არ უნდა დავუშვათ საქართველოს და აზერბაიჯანის დაპირისპირების შეუქცევად რეჟიმში გადაყვანა - ეს მართლა ქვეყნის დასასრულია.

დავით გარეჯი, ცხინვალი, სოხუმი, სოჭი, ჰერეთი და რიზე საქართველოა თუ არა, კი მნიშვნელოვანი და საინტერესო თემებია, მაგრამ, ისე არ ვქნათ, რომ გარეჯისთვის ვიბრძოდეთ და საქართველო დავკარგოთ.

მითუმეტეს, რა არის საბრძოლველი

ათწლეულებია დავით გარეჯი დე ფაქტო საქართველოა და იქ საქართველოს მოქალაქეები გადაადგილდებიან, მერეც შევლენ, თუ წესიერად ვითანამშრომლებთ იმ ხალხთან.

თუ კომუნისტების დროს, რაღაც მომენტში, საზღვარი ისე არ გაივლო, როგორც საჭირო იყო, ეგეც ყველაზე ნაკლებად აზერბაიჯანელების ბრალია, ალბათ, ხომ ? და მეტად - ქართველების.

ნუ დავაყენებთ სუვერენიტეტს და დამოუკიდებლობას კითხვის ნიშნის ქვეშ.

არ არსებობს საქართველოს სუვერენიტეტი აზერბაიჯანის გარეშე და არ არსებობს აზერბაიჯანის სუვერენიტეტი საქართველოს გარეშე.

მართლა არ არსებობს.

ზურაბიშვილის ნათქვამი: „საქართველომ დაიწყო ომი“ და აზერბაიჯანთან პრობლემების შექმნა რუსული ინტერესების გასატარებლად გააზრებულად ხდება, თუ, უბრალოდ, მხოლოდ იმიტომ, რომ ბრიყვია, არაა საინტერესო.

მთავარია, ამ ქალის უსახიფათოესი ქმედებები დავაბალანსოთ და გამოვძვრეთ მნიშვნელოვანი ზიანის გარეშე.

ვულოცავ საქართველოსაც და აზერბაიჯანსაც აზერბაიჯანის დამოუკიდებლობას. მისალოცია,“ - წერს ნიკა ობოლაძე.

კომენტარები

მსგავსი სიახლეები

  • 11:06

    რუსებმა ხერსონი დაბომბეს - დაზიანდა მინიმუმ 15 სა...

    რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს.­ ხერსონის რეგიონული სამხედრ...

  • 14:56

    ,,არ იქნება დენი, საკვები, საწვავი" - ისრაელი ღაზი...

    ისრაელის თავდაცვის მინისტრის, იოავ გალანტის განცხადებით, ღაზის სექტორის სრული ბლოკადის განკარგულება გასცა. „ღაზის სექტორის სრული ბლოკადის განკარგულება გავეცი. არ იქნება ელექტროენერგია, საკვები, ...

  • 13:15

    რამზან კადიროვმა 24 წლის ქალიშვილი ჩეჩნეთის ვიცე-პ...

    ჩეჩნეთის ლიდერის, რამზან კადიროვის 24 წლის ქალიშვილი აიშატ კადიროვა ჩეჩნეთის რესპუბლიკის ვიცე-პრემიერი გახდა. ინიციატივა ჩეჩნეთის პარლამენტის თავმჯდომარეს ეკუთვნის, რომელმაც წინადადება გაფართოებუ...

  • 22:28

    27 წლის ქართველი გოგო გერმანიაში ჯგუფურად გააუპატი...

    გერმანიაში ქართველი ქალის ჯგუფური გაუპატიურების საქმე სასამართლოში გადაიგზავნა - გერმანელმა პროკურორებმა შემზარავი დანაშაულის ახალი გარემოებები დაადგინეს. 27 წლის ქართველი გოგო ჯგუფურად მეუღლის თვალწი...

  • 17:57

    ევროკავშირმა რუსეთის წინააღმდეგ დაწესებული სანქციე...

    ევროკავშირის განცხადებით, რუსეთის ფედერაციის წინააღმდეგ დაწესებული სანქციები კიდევ 6 თვით გახანგრძლივდა. განცხადებაში აღნიშნულია, რომ სანქციების მოქმედების გაგრძელების შესახებ გადაწყვეტილება უკრაინის ...

  • 13:41

    ვოლოდიმირ ზელენსკი - არის სიგნალი, რომ, შესაძლოა, ...

    არის სიგნალი, რომ, შესაძლოა, რუსეთში კიდევ ერთი ამბოხება, რევოლუცია მოხდეს, - ამის შესახებ უკრაინის პრეზიდენტმა, ვოლოდიმირ ზელენსკიმ ABC News-თან ინტერვიუში განაცხადა. მისი თქმით, ბევრი ადამიანია...

  • 12:17

    თეთრი სახლი - არ გვინახავს ნიშანი, ხმამაღალი რიტორ...

    შეერთებულ შტატებს არ მიაჩნია, რომ რუსული ძალების მიერ ზაპოროჟიეს ატომური ელექტროსადგურის აფეთქების საფრთხე „გარდაუვალია“, - ამის შესახებ თეთრი სახლის სტრატეგიული კომუნიკაციების კოორდი...