მსოფლიო

კომპანია HUAWEI-მ ახალი ღია უნაკლო და უსაფრთხო სისტემა HarmonyOS წარადგინა

კომპანია HUAWEI-მ ახალი, მიკროკერნელზე დაფუძნებული, ოპერაციული სისტემა HarmonyOS წარადგინა. მნიშვნელოვანია, რომ ახალი სისტემა არის ღია პლატფორმა ნებისმიერი მოწყობილობისათვის და შექმნილია მომხმარებლის მაქსიმალური კომფორტისთვის, ყველა შესაძლო სიტუაციაში.

 მნიშვნელოვანია, რომ HarmonyOS-ს 4 განსხვავებული ტექნიკური მახასიათებელი გააჩნია. ის არის უწყვეტი, უნაკლო, უსაფრთხო და ერთიანი სისტემა. HarmonyOS არის პირველი ოპერაციული სისტემა განაწილებული, დაცული და საიმედო არქიტექტურით, რომელიც უნაკლო გამოცდილებას სთავაზობს მომხმარებლებს: 

უწყვეტი კავშირი - გაფართოებული არქიტექტურული სისტემით და მოწყობილობებს შორის უწყვეტი კავშირის ტექნოლოგიით HarmonyOS გვთავაზობს საერთო საკომუნიკაციო პლატფორმას, გაუმჯობესებულ მონაცემთა მენეჯმენტს და დავალებების დაგეგმვის გამარტივებულ მიდგომას. ახალი ოპერაციული სისტემის გამოყენებით, დეველოპერებს აღარ დასჭირდებათ ზედმეტი ძალისხმევა აპლიაკციების შექმნისას, ამასთან HarmonyOS-ის ბაზაზე შექმნილი აპლიკაციები შეუფერხელბად იმუშავებენ სხვადასხვა მოწყობილობაზე და უზრუნველყოფენ უნაკლო შესაძლებლობებს ნებისმიერ სიტუციაში.

 * უნაკლო - HarmonyOS გადაჭრის არაეფექტიანობის ყველანაირ გამოწვევას დეტერმინისტული ლატენტური ძრავისა და მაღალი ხარისხის ინტერპროცესული კომუნიკაციის (IPC) დახმარებით. ახალი ძრავი დავალებებს პრიორიტეტულობის მიხედვით ახარისხებს და წინასწარ ადგენს შესრულების გეგმას. მიკროკერნელი, უზრუნველყოფს 5-ჯერ მეტად გაუმჯობესებულ ინტერპროცესულ კომუნიკაციას, ვიდრე სხვა უკვე არსებული სისტემა. 

 * უსაფრთხო - მიკოკერნელის წყალობით HUAWEI-ს ახალი ოპერაციული სისტემა უფრო საიმედო და უსაფრთხოა. მიკროკერნელზე დაფუძნებული ეს ახალი სისტემა შეიქმნა რაც შეიძლება მეტი სისტემური სერვისის განსახორციელებლად, რაც შეიძლება ნაკლები დატვირთვით და დამატებითი უსაფრთხოებისთვის. HarmonyOS პირველი OS სისტემაა, რომელიც იყენებს ოფიციალური გადამოწმების მიდგომას მოწყობილობებში (TEE-Trusted Execution Environment), რაც უსაფრთხოების დონეს მნიშვნელოვნად ზრდის. 

* უწყვეტი - აპლიკაციების ზედმეტი ძლაისხმევის გარეშე შექმნის და სვადასხვა მოწყობილობაში შეუფერხებლად მუშაობის შესაძლებლობა. პროგრამული უზრუნველყოფის შემუშავების ყოვლისმომცველი შესაძლებლობებით, ენათა მრავალფეროვანი კომპლექტით და გაუმჯობესებული არქიტექტურით HarmonyOS-ს შეუძლია ავტომატურად მოერგოს ეკრანის მართვის სხვადასხვა ელემენტს, რაც ეხმარება დეველოპერებს, სხვადასხვა მოწყობილობებისთვის, აპლიკაციები უფრო ეფექტურად შექმნან. ახალი ოპერაციული სისტემის საშუალებით დეველოპერებს შეუძლიათ მხოლოდ ერთხელ დაწერონ აპლიკაციის კოდი და გადაიტანონ ის ნებისმიერ მოწყობილობაში. ამ ყველაფერზე დაყრდნობით, შესაძლებელი ხდება ინტეგრირებული ეკოსისტემის შექმნა ყველა მოწყობილობისთვის. 

HUAWEI-ის პროდუქტები და სერვისები ხელმისაწვდომია 170-ზე მეტ ქვეყანაში და გამოიყენება მსოფლიოს მოსახლეობის მესამედის მიერ. მსოფლიოს მასშტაბით მოქმედებს თექვსმეტი კვლევისა და განვითარების ცენტრი აშშ-ში, გერმანიაში, შვედეთში, რუსეთში, ინდოეთსა და ჩინეთში. HUAWEI Consumer BG არის HUAWEI სამი ბიზნეს ერთეულიდან ერთ-ერთი, მათ ძირითად მიმართულებას სმარტფონების, პერსონალური კომპიუტერების, ტაბლეტებისა და ქლაუდ სერვისების წარმოება წარმოადგენს. HUAWEI-ის გლობალური ქსელი ეყრდნობა ტელეკომუნიკაციის ბიზნესში 20 წლიან გამოცდილებას და ემსახურება მომხმარებლისთვის ინოვაციური ტექნოლოგიების შეთავაზებას მთელი მსოფლიოს მასშტაბით.