0 4 : 3 7
 | 

მსოფლიო

ინაშვილი: კრამერი არის მატყუარა, თავხედი და უზრდელი ადამიანი, ჩაშლა რომ მდომოდა 10 ათას კაცთან ერთად მივიდოდი

ის, რომ დევიდ კრამერი არ მიცნობდა, არის დიდი ტყუილი, – ამის შესახებ საქართველოს პარლამენტის ვიცე-სპიკერმა, „პატრიოტთა ალიანსის“ ერთ-ერთმა ლიდერმა, ირმა ინაშვილმა პრესკონფერენციაზე განაცხადა.

„რა მოხდა და რატომ მოხდა გუშინ. პირველ რიგში, მინდა, დავიწყო დევიდ კრამერის დიდი ტყუილიდან, თითქოს ის მე არ მიცნობდა და წარმოგიდგინოთ ფოტო. მე და ბატონი კრამერი ერთმანეთს ვიცნობთ ჯერ კიდევ 2010 წლიდან. ფოტო გადაღებულია ვაშინგტონში, მის ოფისში. ჩვენ შევხვდით მას ჯერ კიდევ სააკაშვილის რეჟიმის პერიოდში. საუბარი იყო იმ ძალადობრივ ფაქტებზე, რასაც სააკაშვილის რეჟიმის დროს ადგილი ჰქონდა საქართველოში. თუმცა, ეს იყო ძალიან მძიმე შეხვედრა. მაშინვე ცხადი გახდა ჩემთვის, რომ ბატონი კრამერი იყო სააკაშვილ-ბოკერიას რეჟიმის ძალიან აქტიური მხარდამჭერი. ის, რომ კრამერი არ მიცნობდა, არის დიდი ტყუილი. ძალიან კარგად მიცნობდა და კარგად იცის, რომ ვარ საქართველოს პარლამენტის თავმჯდომარის მოადგილე და პატრიოტთა ალიანსის გენერალური მდივანი. დასკვნა არის მარტივი – კრამერი არის მატყუარა და გარდა იმისა, რომ არის მატყუარა, არის თავხედი და უზრდელი ადამიანი“, – განაცხადა ირმა ინაშვილმა.

მისივე თქმით, გუშინდელ კონფერენციაზე მარტო მივიდა და განზრახული არ ჰქონია ღონისძიების ჩაშლა.

„მისი ჩაშლა რომ ყოფილიყო ჩემი მიზანი, მოგეხსენებათ, ჩვენს პარტიას მრავალი ათასი მხარდამჭერი ჰყავს და მე ამ 10 000 კაცთან ერთად მივიდოდი ბელინსკის ქუჩაზე, საერთოდ გადაიკეტებოდა მოძრაობა იმ ტერიტორიაზე. არავითარი ჩაშლა ამ კონფერენციის განზრახული არ გვქონდა. მეტსაც გეტყვით, საერთოდ არ მივიდოდი ამ კონფერენციაზე, ერთ-ერთი მთავარი თემა რომ არ ყოფილიყო ბოკერიას მოხსენებაში „პატრიოტთა ალიანსი“ და ჩვენთან მიმართებით რომ არ გავრცელებულიყო უამრავი ტყუილი. მივედი კონფერენციაზე, რათა ჩვენი საერთაშორისო პარტნიორებისთვის მიმეწოდებინა ობიექტური ინფორმაცია ჩვენთან დაკავშირებით. საერთოდ, ძალიან ცუდია, როდესაც ასეთი ტიპის კონფერენციები ტარდება ცალმხრივად, მიკერძოებულად და არ გაქვს საშუალება, პასუხი გასცე ოპონენტს, პასუხი გასცე ბოკერიას, რომელმაც ჩვენთან მიმართებით ის დარბაზი გაჟღინთა ტყუილით, სიცრუით და ცილისწამებით“, – აღნიშნა ირმა ინაშვილმა.

​მისივე თქმით, ასევე სიცრუეა, თითქოს მან ე.წ. რუსულ პანელს დაამთხვია კონფერენციაზე მისვლა.

„მოგეხსენებათ, კონფერენცია იხილავდა რუსულ პროპაგანდასთან დაკავშირებულ საკითხებს. ამ კონფერენციის მთავარი თემა ძირითადად იყო რუსეთი და რა დღესაც არ უნდა მივსულიყავი, მივიდოდი იმ მომენტში, როდესაც რუსეთთან დაკავშირებული თემატიკა იხილება. არავითარი დამთხვევა არ ყოფილა კონფერენციაზე ჩემს მისვლასა და კონფერენციის თემას შორის, რადგან მთავარი თემა ისედაც რუსეთი იყო“, – განაცხადა ირმა ინაშვილმა.

მისივე თქმით, ძალიან ცუდია, როდესაც დევიდ კრამერი თავს უფლებას აძლევს, ხელით შეეხოს საქართველოს მოქალაქეს.

„მიზანმიმართულად არ ვუსვამ ხაზს იმას, რომ მაქვს სტატუსი, ვარ საქართველოს პარლამენტის თავმჯდომარის მოადგილე და პარლამენტის წევრი. თუმცა, რა თქმა უნდა, ესეც მნიშვნელოვანია. ის შეეხო ჩემი სახით იმ ამომრჩეველს, ქართველი ხალხის იმ ნაწილს, რომლის სახელითაც მე ვარ წარდგენილი პარლამენტში. ორმაგად სამწუხაროა, როდესაც ყველა დუმილშია, საქართველოს სამარცხვინო მთავრობა და საქართველოს სამარცხვინო პარლამენტი“, – დასძინა ირმა ინაშვილმა.

კომენტარები

მსგავსი სიახლეები

  • 18:50

    5.4 მილიონ ფუნტად შეფასებულ სასახლე - პრინცი ჰარი ...

    პრინც ჰარის და მეგან მარკლი სულ მალე საცხოვრებლად შტატებში გადავლენ. წყვილი სავარაუდოდ, 5.4 მილიონ ფუნტად შეფასებულ სასახლეში იცხოვრებს. სასახლე, რომელიც მალიბუში მდებარეობს, პეტრა მეინორის სახე...

  • 13:57

    კანადაში მასშტაბურ ავტოკატასტროფას მსხვერპლი მოჰყვ...

    კანადაში მასშტაბური ავტოკატასტროფა მოხდა, 200- მდე ავტომობილი ერთმანეთს შეეჯახა,  დაიღუპა 2 ადამიანი, 69 კი დაშავდა. 2 მათგანის მდგომარეობა კრიტიკულია. ინციდენტი მონრეალში მოხდა . ...

  • 16:56

    ელტონ ჯონმა კონცერტზე ხმა დაკარგა...

    ცნობილმა მომღერალმა ელტონ ჯონმა ახალ ზელანდიაში თავის კონცერტზე ხმა დაკარგა „ძალიან მინდოდა თქვენთვის საუკეთესო წარმოდგენა მომეწყო. ვმღეროდი და ვუკრავდი, სანამ ხმა უბრალოდ არ გამიქრა. ძალიან იმედგაცრ...

  • 16:36

    პელეს ჯანმრთელობის მდგომარეობა გაუარესდა...

    ლე­გენ­და­რული ბრა­ზი­ლი­ელი ფეხ­ბურ­თელის, პე­ლეს ჯან­მრთე­ლო­ბის მდგომარება გაუარესდა, მას სი­ა­რუ­ლი აღარ შე­უძ­ლია და მძი­მე დეპ­რე­სიაშია.მსოფ­ლი­ოს სამ­გზის ჩემ­პი­ო­ნი, რო­მელ­საც ყვე­ლა დ...

  • 15:20

    ორიენტაციის ნიადაგზე დისკრიმინაციისთვის სასჯელი გა...

    შვეიცარიაში ჰომოფობიის წინააღმდეგ  სასჯერლი გამკაცრდა,  ჩატარდა რეფერენდუმი, მოსახლეობამ ამ გზით მხარი დაუჭირა  ორიენტაციის ნიადაგზე დისკრიმინაციის  სასჯელის გამკაცრებას. საკანონმ...

  • 23:34

    ექიმი, რომელმაც კორონა ვირუსის შესახებ მსოფლიო პირ...

    ჩინელი ექიმი, ლი ვენლიანი, რომელიც საზოგადოებას კორონა ვირუსის შესახებ ჯერ კიდევ დეკემბერში აფრთხილებდა კორონა ვირუსით გარდაიცვალა, ამის შესახებ ინფორმაციას CNN ავრცელებს.შეგახსენებთ, რომ ექიმმა სოცია...

  • 12:32

    23 წლის გოგონა, რომელიც პრინცესა დაიანას ასლია, Th...

    2020 წლის დეკემბერში პოპულარული სერიალის, The Crown-ის მეოთხე სეზონი გამოვა.  ლედი დის როლის შემსრულებელმა მსახიობმა დიდი ინტერსი გამოიწვია, როგორც ფოტოებიდან ჩანს, ის ძალიან ჰგავს პრინცესას. პრ...