რუსებმა ხერსონი დაბომბეს - დაზიანდა მინიმუმ 15 სა...
რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს. ხერსონის რეგიონული სამხედრ...
“უკანასკნელ გზაზე გააცილეს ბატონი რეზო ესაძე...ზურაბიშვილმა ვერ გაბედა სამებაში მისვლა, აჰ, ვირუსი რომ არ გადასდებოდა? ეს ადამიანებიც რომ იგივენაირად მოქცეულიყვნენ, მაშინ რას იტყოდით მღვდელმსახურთა მუდმივად მაგინებელნო?”
ზვიად გოგოაშვილი ფეისბუქის საკუთარ გვერდზე შემდეგი სახის ინფორმაციას ავრცელებს
"სამშაბათს, 21 აპრილს უკანასკნელ გზაზე გააცილეს ბატონი რეზო ესაძე... გააცილეს-თქო ვამბობ, რადგან არცერთ ჩვენგანს არ გაგვიცილებია და მხოლოდ ამ ადამიანებმა, მხოლოდ სასულიერო პირებმა ბოლომდე შეასრულეს ის, რასაც მათ მიერ ცხოვრებაში არჩეული გზა ავალდებულებდა!...
თქვენ გგონიათ სამღვდელო შესამოსელის ქვეშ ადამიანის ჩვეულებრივი სხეული არაა დაფარული? თავადვე არ ამტკიცებდით, იტალიაში 30-ზე მეტი მღვდელია გარდაცვლილიო? თუ ეს ისტერია მრევლის და სამღვდელოების კი არა, მხოლოდ საკუთარი სიცოცხლის დასაცავად გქონდათ ატეხილი და მათი სიცოცხლე ფეხებზე გეკიდათ? 🤬 ეს ფოტო სალომე ზურაბიშვილის პირადი გვერდიდან წამოვიღე - წუხდა პრეზიდენტი, ვერ მივაგეთ სათანადო პატივიო...
ვერ გაბედა სამებაში მისვლა და მხოლოდ ყვავილების თაიგული გააგზავნა? რატომ? აჰ, ვირუსი რომ არ გადასდებოდა? და ეს ადამიანებიც რომ იგივენაირად მოქცეულიყვნენ და უარი ეთქვათ ვირუსის შიშით ბატონი რეზოს სულის საცხოვნებლად პანაშვიდის გადახდაზე, მაშინ რას იტყოდით მღვდელმსახურთა მუდმივად მაგინებლებო? გაამტყუნებდით თუ გაამართლებდით მათ ქმედებას? რა თქმა უნდა, გაამტყუნებდით! და ახლა რატომ სდუმხართ, რატომ არ ამბობთ, რომ ეს ადამიანებიც გმირები არიან - დამცირებული, შეურაცხყოფილი, მართლა ბნელი ბრბოს ცნობიერების მქონე სნობების მიერ ნაგვემ-ნათრევი, მაგრამ გაუტეხელი, შეუდრეკელი და საკუთარი მრწამსის ერთგული გმირები?!
ბოლო დღეებში, "გმირებად შერაცხული" ჩვენი ექიმების ქმედებებმა ძალიან ბევრი ადამიანი გააღიზიანა... რატომ, ბატონებო და ქალბატონებო? თქვენს პირად ინტერესებს შეეხო მათი რიტორიკა და აღარ მოგეწონათ? აჰ, ხელისუფლების დაკვეთა დაინახეთ და პოლიტიკურ თამაშებში მათი ჩაბმის მცდელობა? და მძიმე მარხვის პერიოდში იგივეს არ აკეთებდნენ თუ მაშინ ასე გაწყობდათ?
ჩვენი საზოგადოების ყველაზე დიდი მანკიერება სწორედ ეგოიზმია და ამიტომაა ის დაპირისპირებული ეკლესიასთან, რწმენასთან და ღმერთთან, რადგან უფალი საკუთარი თავის უარყოფისა და პირველ რიგში მოყვასის სიყვარულისკენ მოგვიწოდებს, რაც არის ღმერთისადმი სიყვარულის გამოხატვის ის გზა, რომელსაც ძალიან ცოტა თუ გაივლის..."
კომენტარები