1 2 : 5 1
სარეკლამო ადგილი - 21
620 x 80
 | 

მსოფლიო

თამარ ბაჩალიაშვილის დედა - შეიძლება, ისეთ სისტემაში შეაღწია, სადაც არ უნდა შეეღწია და მიხვდა, რომ არ აცოცხლებდნენ

23 წლის თამარ ბაჩალიაშვილის დედა, თეონა თამაზაშვილი მისი შვილის თვითმკვლელობას გამორიცხავს, თუმცა, აცხადებს, რომ შესაძლოა, ის თვითმკვლელობამდე მიიყვანეს.

როგორც მან ჟურნალისტებს განუცხადა, შესაძლოა, მისი შვილის გარდაცვალება მის საქმიანობასაც უკავშირდებოდეს.

თეონა თამაზაშვილის თქმით, შესაძლოა, მან ისეთ სისტემაში შეაღწია, სადაც არ უნდა შეეღწია და მიხვდა, რომ არ აცოცხლებდნენ.

„ის ვიცი, რომ ჩემი შვილი თავს არ მოიკლავდა. ჩემს შვილს იმხელა ამბიციური გეგმები, იმხელა პოტენციალი ჰქონდა, რომ თავს არ მოიკლავდა, ქვეყანას უნდა გამოდგომოდა. როგორც ძებნა შეაფერხეს, ახლა გამოძიებაც ტაატით მიჰყავთ, არავინ მიკავშირდება, არავინ არაფრის საქმის კურსში არ მაყენებს, რა ვერსიებზეა ლაპარაკი. ვეჭვობ, რაღაცების მიწეპება, მიტყეპება უნდათ და ასე უბრალოდ დახურვა, მაგრამ მაინც უკანასკნელ ამოსუნთქვამდე არ მოვისვენებ. სტრასბურგშიც გავასაჩივრებ, ჰააგაშიც და სადაც კი რამე მოიძიება, ყველგან. არ გავჩერდები. თვითმკვლელობამდე მიყვანას არ გამოვრიცხავ, მაგრამ უაზროდ რომ თავი მოეკლა ჩემს შვილს, ამას სასტიკად გამოვრიცხავ. თვითმკვლელობამდე მიყვანას ვაღიარებ მეც იმიტომ, რომ ისე იყო მოწყენილი, სულ რაღაცას ჩაჰკირკიტებდა ბოლო ერთი თვის მანძილზე, არ ვიცი რას. ფაქტია, რომ კომპიუტერულ რაღაცას უკავშირდება. არ ვიცი, სამსახურიდან იყო თუ სხვა რაღაც, შეიძლება ისეთ სისტემაში შეაღწია, სადაც არ უნდა შეეღწია და მიხვდა, რომ არ აცოცხლებდნენ“, - აცხადებს ბაჩალიაშვილის დედა.

მისი თქმით, ბოლო პერიოდში თამარ ბაჩალიაშვილი კომპანიაში „ზეგ“ დისტანციურად მუშაობდა, თუმცა, დედისთვის უცნობია, კონკრეტულად რა იყო მისი მეორე სამსახური.

„ვიცი, რომ ავსტრიელებთან მუშაობდა, მაგრამ იქედან 2 თვის წინ წამოსულა. ეს მისმა მეგობარმა ბრძანა, რომ იქედან 2 თვის წინ წამოვიდაო. მე კიდევ მეგონა რომ სულ იღლებოდა, ამიტომ ვეჩხუბებოდი, ერთ-ერთი სამსახური დათმე- მეთქი. ეტყობა, ასე ძალიან იღლები და ამიტომაც ხარ გაღიზიანებული - მეთქი. მითხრა, არ ვიცი, რომელი სამსახური დავტოვო, ვერ გადამიწყვეტიაო. ის თუ 2 თვის წინ დატოვა, მაშინ ახლა რაღას ნერვიულობდა და ეს სამსახურიც რატომ დატოვა?“, - აცხადებს თეონა თამაზაშვილი.

მისი თქმით, თამარ ბაჩალიაშვილი თავის კომპიუტერს სახლში არასდროს ტოვებდა, თუნდაც სახლიდან 4-5 საათით გასულიყო. დედა ვარაუდობს, რომ შესაძლოა, მისი შვილი ვიღაცამ გაიტყუა.

„ვიღაცას გატყუებული ჰყავს. არ არის ეს გოგონა იმ მხარეში ნამყოფი და რანაირად მივიდოდა?“, - აცხადებს დედა.

თეონა თამაზაშვილის თქმით, თამარ ბაჩალიაშვილი წარჩინებული მოსწავლე და სტუდენტი იყო, რომელსაც ცხოვრებაში საკუთარი მიზნები ჰქონდა.

„წარჩინებული მოსწავლე იყო, ვერცხლის მედალზე დაამთავრა სკოლა, პირველ წელს ჩააბარა და 70 %-იანი გრანტი აიღო. არ დაისვენა, სანამ მეორედ არ ჩააბარა და 100%-იანი გრანტი არ აიღო. სულ მეცადინეობდა, ავტობუსშიც კი წიგნს კითხულობდა. ერთ წელში ისწავლა ფრანგული და საფრანგეთში წავიდა, რომ ლექციები ფრანგულად მოესმინა. ისეთი მონდომებული და ცხოვრებას მოწყურებული იყო, რატომ მოიკლავდა თავს? რაში სჭირდებოდა თავის მოკვლა, ყველაფერი ჰქონდა“, - აცხადებს დედა.

ცნობისთვის, 23 წლის თამარ ბაჩალიაშვილი, რამდენიმე დღიანი გაუჩინარების შემდეგ, 22 ივლისს საკუთარ ავტომობილში გარდაცვლილი იპოვეს.

კომენტარები

მსგავსი სიახლეები

  • 11:06

    რუსებმა ხერსონი დაბომბეს - დაზიანდა მინიმუმ 15 სა...

    რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს.­ ხერსონის რეგიონული სამხედრ...

  • 14:56

    ,,არ იქნება დენი, საკვები, საწვავი" - ისრაელი ღაზი...

    ისრაელის თავდაცვის მინისტრის, იოავ გალანტის განცხადებით, ღაზის სექტორის სრული ბლოკადის განკარგულება გასცა. „ღაზის სექტორის სრული ბლოკადის განკარგულება გავეცი. არ იქნება ელექტროენერგია, საკვები, ...

  • 13:15

    რამზან კადიროვმა 24 წლის ქალიშვილი ჩეჩნეთის ვიცე-პ...

    ჩეჩნეთის ლიდერის, რამზან კადიროვის 24 წლის ქალიშვილი აიშატ კადიროვა ჩეჩნეთის რესპუბლიკის ვიცე-პრემიერი გახდა. ინიციატივა ჩეჩნეთის პარლამენტის თავმჯდომარეს ეკუთვნის, რომელმაც წინადადება გაფართოებუ...

  • 22:28

    27 წლის ქართველი გოგო გერმანიაში ჯგუფურად გააუპატი...

    გერმანიაში ქართველი ქალის ჯგუფური გაუპატიურების საქმე სასამართლოში გადაიგზავნა - გერმანელმა პროკურორებმა შემზარავი დანაშაულის ახალი გარემოებები დაადგინეს. 27 წლის ქართველი გოგო ჯგუფურად მეუღლის თვალწი...

  • 17:57

    ევროკავშირმა რუსეთის წინააღმდეგ დაწესებული სანქციე...

    ევროკავშირის განცხადებით, რუსეთის ფედერაციის წინააღმდეგ დაწესებული სანქციები კიდევ 6 თვით გახანგრძლივდა. განცხადებაში აღნიშნულია, რომ სანქციების მოქმედების გაგრძელების შესახებ გადაწყვეტილება უკრაინის ...

  • 13:41

    ვოლოდიმირ ზელენსკი - არის სიგნალი, რომ, შესაძლოა, ...

    არის სიგნალი, რომ, შესაძლოა, რუსეთში კიდევ ერთი ამბოხება, რევოლუცია მოხდეს, - ამის შესახებ უკრაინის პრეზიდენტმა, ვოლოდიმირ ზელენსკიმ ABC News-თან ინტერვიუში განაცხადა. მისი თქმით, ბევრი ადამიანია...

  • 12:17

    თეთრი სახლი - არ გვინახავს ნიშანი, ხმამაღალი რიტორ...

    შეერთებულ შტატებს არ მიაჩნია, რომ რუსული ძალების მიერ ზაპოროჟიეს ატომური ელექტროსადგურის აფეთქების საფრთხე „გარდაუვალია“, - ამის შესახებ თეთრი სახლის სტრატეგიული კომუნიკაციების კოორდი...