0 5 : 2 6
 | 

ბიზნესი

კომპანია GWS ბაროკოს სტილში გრანდიოზულ ღონისძიებას The Garden of Delights გამართავს

23 ივნისს, 18:00 საათზე ცნობილი ღვინისა და ალკოჰოლური სასმელების მწარმოებელი კომპანია GWS თელავში, აჩინებულში მდებარე ერთ-ერთ უძველესი ღვინის ქარხნის ეზოში ბაროკოს სტილში გრანდიოზულ ღონისძიებას სახელწოდებით,  „ტკბობის ბაღი“/“The Garden of Delights”  გამართავს და  მოწვეულ სტუმრებს საკულტო ღვინოების ახალ კოლექციას წარუდგენს.

ღონისძიებას  დაესწრებიან  კომპანია GWS-ის კომპანიის უცხოეული პარტნიორები, დიპლომატიური კორპუსისა და სავაჭროს პალატის  წარმომადგენლები, მათ შორის, საფრანგეთის ელჩი, მისი აღმატებულება ბატონი პასკალ მენიე, ღვინის ეროვნული ასოციაციის წევრები,  თელავის მერი,  ადგილობრივი მუნიციპალიტეტის, ხელისუფლებისა და ბიზნეს სექტორის  წარმომადგენლები, სხვა ოფიციალური პირები და მედია. ღონისძიებაზე   ასევე მოწვეულები არიან ღვინის ბიზნესის  წარმომადგენლები საფრანგეთიდან, ჩინეთიდან, უკრაინიდან და რუსეთიდან. ამასთან, ჩამობრძანდებიან მაღალჩინოსნები ჩინეთიდან. სტუმრებს უმაპინძლებს კომპანიის აღმსარულებელი დირექტორი ფილიპ ლეპსი.

The Garden of Delights   თეატრალიზებულ და ფერად გარემოს მუსიკალურად გააფორმებენ კამერული ანსაბლი, მარიკო ებრალიძე და  ლევან მასპინძელაშვილი. საღამოს ენერგიულად გააგრძელებს DJ.

GWS, როგორც პირველი ბოთლირებული ღვინის მწარმოებელი კომპანია სტუმრებს ბაროკოს ინსპირაციით შექმნილ გარემოში „ტკბობის ბაღი“ უმასპინძლებს. ღონისძიების მსვლელობისას სტუმრები საკულტო ღვინოების  კოლექციას ექსკლუზიურად გაეცნობიან და დააგემოვნებენ.

შეგახსენებთ, რომ GWS უკვე მესამე წელია, რაც პარტნიორებსა და ერთგულ მომხმარებლებს  თელავის ღვინის ქარხანის ტერიტორიააზე ღია ცის ქვეშ გამართულ ღონისძიებაზე  მასპინძლობს, სადაც კომპანია წლის ახალი პროდუქტის პირველად წარდგენასაც უკავშირებს. 2016 წელს, კომპანიამ ქარხნის 40 წლის იუბილე აღნიშნა, სადაც წარმოდგენილი იყო ბრენდი „ვისმინო“. ღონისძიების ფარგლებში ასევე მოეწყო ტური და პროდუქტის დეგუსტაცია. შარშან კი სტუმრები „ბახუსის ზეიმზე“ იხმო და „თამადას დიდებული რეზერვი და ქვევრი“ დააგემოვნებინა. ღონისძიების მიზანს სწორედ, დროსტარების, ღვინით თრობისა და მისგან სიამოვნების მიღების ტრადიციის აღდგენა - გაცოცხლება და გათანამედროება წარმოადგენდა - როგორ ზეიმობდნენ ბახუსს ჩვენს წელთაღრიცხვამდე და როგორ აღნიშნავენ ზეიმს 21- საუკუნეში. 

GWS - ერთ-ერთი უძველესი და ცნობილი ღვინის საწარმოა საქართველოში, რომელიც  1993 წელს  თელავში, აჩინებულში მდებარე, ჯერ კიდევ, 1976 წელს დაარსებული უძველესი ღვინის საწარმოს „თელავი 2“ -ის ბაზაზე შეიქმნა. დღესდღეობით, “GWS”-ის მფლობელობაში  350 ჰექტარი ვენახია. ვენახების უმრავლესობა 15-25 წლისაა. მათგან 280-ს წითელი ყურძნის სახეობები იკავებს, დანარჩენი 120  კი, თეთრ ჯიშებს ეკუთვნის.  70%  ქართული ტრადიციული ყურძნის ჯიშები წარმოადგებს, 30% კი, საერთაშორისო ცნობილი სახეობებია.  კომპანია აწარმოებს წყნარი ღვინის, ცქრიალა ღვინოსა და მაღალ ალკოჰოლურ პროდუქტებს, რომელიც თამადას, ძველი თბილისის, ადამანტი, ვისმინოსა და ელიბოს სახითაა ცნობილი. სულ მალე კი მომხმარებელს საკუთარი ვენახებიდან ბიო-ტექნოლოგიის გამოყენებით შექმნილ ღვინოს წარუდგენს.

კომენტარები

მსგავსი სიახლეები

  • 17:13

    თიბისი ბანკის ერთგული ბარათების აქცია დაიწყო...

    თიბისი ბანკმა  „ერთგული“  ბარათის მომხმარებლებისთვის სპეციალური აქცია - „10=10=10“ დაიწყო.  აქციის ფარგლებში, ყველა მომხმარებელი, ვინც 7 ნოემბრიდან 31 დეკემბრის ჩათვლით ”ერთგ...

  • 13:36

    საქართველოს ფოლკლორის სახელმწიფო ცენტრი ცაგერში 2...

    ფოლკლორის სახელმწიფო  ცენტრი სალოტბარო სკოლების გახსნის პროცესს განაგრძობს. 15 ნოემბერს,  15:00 საათზე, ცაგერის კულტურის ცენტრში,  სალოტბარო სკოლა  საზეიმოდ გაიხსნება. მნიშვნელოვან...

  • 12:07

    “სოკარი” კომპანიის CSR სტრატეგიას წარადგენს...

    16 ნოემბერს  „სოკარ ჯორჯია პეტროლიუმის“ დირექტორი ლევან გიორგაძე  არასამთავრობო ორგანიზაციების, ხელისუფლებისა და მედიის წარმომადგენლებს „სოკარის“ კორპორაციული სოციალური პასუხისმგებლობის ახალ...

  • 11:37

    თიბისი ბანკის ბიზნესდაჯილდოება 2018-ის ფინალისტები...

    თიბისი ბანკის ბიზნესდაჯილდოება 2018-ის ფინალისტი კომპანიების ვინაობა ცნობილია. 6 ნომინაციის 18 ფინალისტის სია ასე გამოიყურება:წლის ბიზნესი:1.      „კენარი“2.      „გროს ე...

  • 17:46

    თიბისი ლიზინგი 15 წლისაა...

    თიბისი ბანკის შვილობილი კომპანია თიბისი ლიზინგი დღეს 15 წლის იუბილეს აღნიშნავს. კომპანია რომლის ჯამური პორტფელიც დღეს უკვე 235 მლნ ლარამდეა და ბაზრის 70%-ზე მეტი წილი უკავია, ერთ ერთი პირველი იყ...

  • 13:57

    რა განაპირობებს HUAWEI Mate 20 სერიის უპირობო ლიდე...

    როდესაც HUAWEI -მ გაყიდვებით Apple-ს გადაუსწრო და მეორე ადგილი დაიკავა, ეს ყველასთვის მოულოდნელი აღმოჩნდა, ყოველშემთხვევაში ამას ხაზს უსვამდნენ ექსპერტები. თუმცა ახლა, განსაკუთრებით კი,  ახალი Ma...

  • 11:34

    ჩაერთე RC COLA-ს გრანდიოზულ საახალწლო გათამაშებაში...

    RC COLA-მ ყველას დაასწრო და გრანდიოზული საახალწლო გათამაშება დაიწყო. გინდა მოიგო ყურსასმენი, ჰოვერი, ტელევიზორი, ველოსიპედი, მობილური ან სუპერ პრიზი - ბინა?  - მაშინ შეუერთდი RC COLA-ს გათამ...