0 0 : 2 8
 | 

ბიზნესი

გიორგი კეპულაძე როსნეფტის საქართველოში შემოსვლაზე: მთავრობას უნდა ჰქონდეს ბერკეტი, ასეთი გადაწყვეტილებები დაბლოკოს

კომპანია „როსნეფტი“, რომლის დევიზია „რუსეთის სასარგებლოდ“, შესაძლოა ქართულ ბაზარზე ვიხილოთ. საქმე ისაა, რომ გავრცელდა ინფორმაცია, თითქოს ქართული კომპანია „ვისოლი ჯგუფი“ და როსნეფტი მოლაპარაკებებს აწარმოებენ. შესაძლოა, კომპანია, რომლის 95% წილის მფლობელი რუსეთის ფედერაციაა, ქართულ ბაზარზე ვიხილოთ, რასაც საქართველოში საკმაოდ მწვავე შეფასება მოჰყვა.

კითხვას „რამდენად საფრთხის შემცველია „როსნეფტის“ გაძლიერება საქართველოში და  იქნება თუ არა ეს კიდევ ერთი ბერკეტი რუსეთის ხელში, ექსპერტი ეკონომიკურ საკითხებში, „საზოგადოება და ბანკების“ ერთ-ერთი დამფუძნებელი, გიორგი კეპულაძე პასუხობს და განმარტავს:

„რა თქმა უნდა, შემაშფოთებელია ის ინფორმაცია. პირდაპირ პუტინის შექმნილი კომპანია ცდილობს, საქართველოში ერთ-ერთი უდიდესი ქსელის მქონე ბენზინგასამართი კომპანიის შეძენას თუმცა, ამ ქართული კომპანიის განცხადებაში ვერ დავინახე ვერც უარყოფა და ვერც დადასტურება,  მაგრამ, კომპანია არ უარყოფს რომ ისინი გეგმავენ. აქ უნდა გავითვალისწინოთ, რომ „როსტნეფტს“ უკვე აქვს საქართველოში თავისი ინტერესები. მისი ერთ-ერთი ქვეკომპანია უკვე ფლობს ქართულ ნავთობკომპანიას, შესაბამისად, უფრო გაძლიერდება რუსული კომპანია საქათველოში, რაც საფრთხეა ჩვენი ეროვნული ინტერესებისთვის, რადგან ენერგომატარებლები არის  სტრატეგიული მიმართულება. მითუმეტეს,  ეს არ არის ჩვეულებრივი ბიზნესი და რუსეთის სახელმწიფო კომპანიის ზედმეტად ჩარევა ქართულ ეკონომიკაში, შესაძლოა, იყოს საფრთხე ეროვნული ინტერესებისთვის. ამიტომ, ძალიან კარგად უნდა დაფიქრდეს კერძო კომპანია, თუ გეგმავს რუსეთის სახელმწიფო კომპანიასთან გაერთიანებას და, ამავე დროს, სახელმწიფოს უნდა ჰქონდეს ბერკეტები, თუნდაც ოკუპაციის კანონიდან გამომდინარე. თუ დაინახავს მთავრობა, რომ ამ შეთანხმებით პრობლემა შეექმნება ქვეყნის ეროვნულ და ეკონომიკურ უსაფრთხოებას, მთავრობას უნდა ჰქონდეს ბერკეტი, მსგავსი გადაწყვეტილებები დაბლოკოს,“ - აცხადებს გიორგი კეპულაძე.  

მისი თქმით, როდესაც ქვეყნის 20% ოკუპირებულია და ჰყავს მტრულად განწყობილი სახელმწიფო, მისი ზედმეტი ეკონომიკური ექსპანსია არის ჰიბრიდული ომის ნაწილი. კეპულაძე განმარტავს, რომ ახლა რუსეთი ცდილობს ეკონომიკურ გაძლიერებას სამხრეთ კავკასიაში, არა ტანკებით, არამედ სწორედ ეკონომიკური მეთოდებით.

„ძალიან კარგად ვიცით, რომ რუსეთში ეს ყველაფერი ერთი მმართველობის ქვეშაა. იქ არ არის განსხვავება კერძოსა და სახელმწიფოს შორის. ფაქტობრივად, კერძო კომპანიები, პირველ რიგში, მუშაობენ რუსეთის სტრატეგიული ინტერესებისთვის. კარგად უნდა დავფიქრდეთ, სანამ ამ ნაბიჯს გადავდგამთ და არ უნდა შევაძლებინოთ ოკუპანტ ქვეყანას, ჰიბრიდულ ომში ეკონომიკური ექსპანსია გამოიყენოს, როგორც ომის წარმოების ერთ-ერთი საშუალება“, - განაცხადა გიორგი კეპულაძემ. 

კომენტარები

მსგავსი სიახლეები

  • 21:47

    სანამ სპორტი გაჩერებული იყო აჭარაბეთმა კვლევა ჩაატ...

    გამოკითხვაში მონაწილეობა 500-მდე ადამიანმა მიიღო. მონაწილეთა უმრავლესობა (38%) 18-25 წლის გახლდათ, ხოლო 66% კი მდედრობითი სქესის წარმომადგენელი. გამოკითხულთა 66% მუშაობს, 11% თვითდასაქმებულ...

  • 21:30

    “COANTE”-ს ბრენდის კვარცის სამზარეულოს ზედაპირების...

    სამზარეულო ის ადგილია, სადაც ყოფნა ბედნიერებას უნდა იწვევდეს. მეცნიერულად კი დამტკიცებულია, რომ ვიზუალურად ლამაზი ნივთები ბედნიერების ჰორმონების გამომუშავებას უწყობს ხელს. „ზოდი“ უკვე 12 წ...

  • 14:11

    თიბისის ინტერნეტ და მობაილბანკში სესხის მიღების პრ...

    მომხმარებლების ცხოვრების გასამარტივებლად, აქ, თიბისის ინტერნეტ და მობაილბანკში, ახლა, სამომხმარებლო სესხის მიღება კიდევ უფრო მარტივადაა შესაძლებელი.  სიახლით სარგებლობისთვის მომხმარებლებმა სასურვ...

  • 13:26

    Tegeta Rent a Car გახდა Europcar-ის ექსკლუზიური წა...

    თეგეტა ჯგუფის შვილობილი კომპანია Tegeta Rent a Car გახდა Europcar-ის ექსკლუზიური წარმომადგენელი საქართველოში. Tegeta Rent a Car 2018 წლიდან ოპერირებს ქართულ ბაზარზე, მისი ბიზნეს პროფილი გახლავთ ავტომ...

  • 12:26

    თბილისსა და ბათუმში, თიბისის მხარდაჭერით, კომპანია...

    თბილისსა და ბათუმში კომპანია „ნოვას“ სამშენებლო და სარემონტო მასალების 2 ახალი მეგაცენტრი გაიხსნა. პროექტი თიბისის მხარდაჭერით განხორციელდა. თანამედროვე სტანდარტების შესაბამისი მეგაცენტრე...

  • 09:07

    სილამაზის დღეები „ავერსში“...

    „ავერსის“ აფთიაქებში სასიამოვნო სიახლეა - ყოველ შაბათ-კვირას 30%-იანი ფასდაკლებით შეიძენთ სხვადასხვა ექსკლუზიური კოსმეტიკური ბრენდის პროდუქციას.  6 და 7 ივნისს 30%-იანი ფასდაკლება გა...

  • 16:30

    თიბისი სესხების გადავადების მეორე ტალღას 13 ივნისი...

    ქვეყანაში შექმნილი მდგომარეობიდან გამომდინარე თიბისი სესხების სამთვიან გადავადებას სთავაზობს პანდემიის შედეგად დაზარალებულ იმ მომხმარებლებს, რომელთაც დაკარგეს სამსახური ან შეუმცირდათ შემოსავალი. 10 ი...