0 3 : 1 1
 | 

ბიზნესი

ინოვაციებისა და რეფორმების ცენტრი (IRC) „ოჯახში ძალადობის მსხვერპლთა სოციალური ინტეგრაციის ხელშეწყობის პროექტის“ ანგარიშს წარადგენს

17 მაისს, 09:30 საათზე, სასტუმრო „შერატონ გრანდ თბილისი მეტეხი პალასში“ (მის: თელავის #20) ინოვაციებისა და რეფორმების ცენტრი (IRC)  ქალთა მიმართ ძალადობის და ოჯახში ძალადობის მსხვერპლთა სოციალური რეაბილიტაციისა და ინტეგრაციის პროგრამისა და მისი განხორცილების შედეგების პრეზენტაციას გამართავს. მნიშვნელოვანია, რომ  პროგრამა  „ოჯახში ძალადობის მსხვერპლთა სოციალური ინტეგრაციის ხელშეწყობის პროექტის“ ფარგლებში შემუშავდა და ევროკავშირის მხარდაჭერით ხორციელდება.

ინოვაციებისა და რეფორმების ცენტრის (IRC) დირექტორი, გიორგი გაბრიელაშვილი  მოწვეულ სტუმრებს ქალთა მიმართ ძალადობისა და ოჯახში ძალადობის სფეროში არსებულ მიღწევებსა და  გამოწვევებს გააცნობს. 

შეხვედრაზე ასევე ისაუბრებენ ქალთა მიმართ ძალადობისა და ოჯახში ძალადობის სფეროში არსებულ ინტერვენციის საჭიროებებზე, მსხვერპლთა რეაბილიტაციისა და ინტეგრაციის შესაძლებლობებზე, მათთვის ხელმისაწვდომი მომსახურებების ხელმისაწვდომობასა  და პროექტის წარმატებულ ისტორიებზე. 

ღონისძიებაზე მოწვეულნი არიან საქართველოს სახალხო დამცველის აპარატის, გენდერული თანასწორობის დეპარტამენტის, საქართველოს შინაგან საქმეთა სამინისტროს ადამიანის უფლებათა დაცვის დეპარტამენტის, ადამიანით ვაჭრობის (ტრეფიკინგის) მსხვერპლთა, დაზარალებულთა დაცვისა და დახმარების სახელმწიფო ფონდისა“ და  ძალადობის დაცვის ეროვნული ქსელის წარმომადგენლები, რომლებიც სფეროში არსებულ პრობლემებსა და მის გადაჭრის გზებზე იმსჯელებენ. 

ღონისძიებაზე გაიმართება პროექტის ფარგლებში მომზადებული ვიდეო რგოლის ჩვენება. 

„ოჯახში ძალადობის მსხვერპლთა სოციალური ინტერგრაციის ხელშეწყობის“ პროექტი  ინოვაციებისა და რეფორმების ცენტრის (IRC) მიერ ევროკავშირის მხარდაჭერით ხორციელდება. ცენტრის პარტნიორები არიან კახეთის რეგიონალური განვითარების ფონდი (KRDF) და ევროპული სამართლისა და ადამიანის უფლებათა საერთაშორისო სამართლის ინსტიტუტი (ELHRILI). პროექტი მიზნად ისახავდა  ქალთა მიმართ ძალადობისა და ოჯახში ძალადობის მსხვერპლი ქალების სრულფასოვან სოციალურ რეაბილიტაციას და ინტეგრაციის ხელშეწყობას. აღნიშნული მიზნის მისაღწევად მოეწყო თავშესაფარი, სადაც ბენეფიციარები უსაფრთხო გარემოსთან ერთად სარგებლობენ სარეაბილიტაციო-საინტეგრაციო პროგრამით, რომელიც მორგებულია ბენეფიციარებისა და მათზე დამოკიდებული არასრულწლოვან პირთა საჭიროებებზე. აღნიშნული პროგრამა მოიცავს: თავშესაფრის ბენეფიციარის შესაძლებლობების გამოვლენა-განვითარებასა და მიზნის განსაზღვრას, საჭირო უნარებითა და ცოდნით აღჭურვას, პროფესიულ გადამზადებას, დასაქმებაში ხელშეწყობას, ბინით ან/და სხვა საცხოვრებელი პირობებით უზრუნველყოფას, დამოუკიდებელი და ღირსეული ცხოვრების დაწყების ხელშეწყობას. აღნიშნული სარეაბილიტაციო-საინტეგრაციო პროგრამა სწორედ პროექტის ფარგლებში შემუშავდა და მისი სრულყოფა პილოტირების პროცესში მოხდა.

კომენტარები

მსგავსი სიახლეები

  • 18:24

    „თელიანი ველის“ კიდევ ერთი გამარჯვება ოქროს თასი, ...

    „თელიანი ველის“ საერთაშორისო კონკურს „International Wine Challenge 2019“ -ზე მოპოვებული მედლები და უმაღლესი ჯილდო ოქროს თასი საერთაშორისო კონკურს „International Wine Challenge 2019“ წარმოდგენილმა...

  • 17:19

    „თელიანი ველი“ საერთაშორისო გამოფენა Vinexpo Borde...

    საფრანგეთის ქალაქ ბორდოში 13-16 მაისს ღვინის საერთაშორისო გამოფენა VinExpo Bordeaux 2019 გაიმართა. გამოფენაში ქართული ღვინის მწარმოებელმა კომპანიებმა ღვინის ეროვნული სააგენტოს მხარდაჭერით მონაწილეობა ...

  • 15:23

    B COM - ახალი სივრცე ბიზნესსაზოგადოებისთვის...

    თიბისი ბიზნესი ბიზნესსაზოგადოებისთვის ახალ სივრცეს ქმნის.  B COM  არის  ბიზნესკომუნიკაციის პლატფორმა, რომელიც მასში გაწევრიანებულ ბიზნესებს სხვადასხვა სახის ბენეფიტებს სთავაზობს.  ...

  • 13:44

    #ბორჯომიბუნებისგულშემატკივარის ფარგლებში პლატოს ტ...

    ბორჯომის ტყის აღდგენის პროექტი გრძელდება კომპანია  IDS ბორჯომი საქართველოს ინიციატივით, ბორჯომში, პლატოს ტერიტორიაზე 2500 ნერგი დარგო. აქცია  ბორჯომის ტყის აღდგენის პროექტის ფარგლებში განხო...

  • 12:34

    „ყაზტრანსგაზ-თბილისმა“ 25 000 აბონენტს ძველი მრიცხ...

    გაზგამანაწილებელი კომპანიის 15-მილიონიანი სოციალური პროექტი - თბილისის 25 000 აბონენტის ექსპლუატაციიდან გამოსული გაზის მრიცხველი ახლით ჩანაცვლდა. „ყაზტრანსგაზ-თბილისის“ ტექნიკურმა სამსახურმა დედაქალა...

  • 16:28

    ავტო ლომბარდი

    ავტო ლომბარდი საუკეთესო გამოსავალია იმ შემთხვევაში, როდესაც გესაჭიროებათ თანხა, მაგრამ საკმარისი დრო არ გაქვთ დოკუმენტაციების შესაგროვებლად და სხვა ტიპის კრედიტის ასაღებად. როგორც წესი, საფინანსო ორგა...

  • 14:37

    "დინო" - სასმელი ვისაც ენერგია სჭირდება...

    ენერგეტიკული სასმელების ბაზარზე კიდევ ერთი ბრენდი გამოჩნდა. ქართული ენერგეტიკული სასმელი „დინო“, რომელიც სს "ქართული ლუდის კომპანიის" მიერაა წარმოებული უკვე საცალო ქსელში იყიდება. „დინო“ საკუთარ ...

×