0 4 : 0 6
 | 

ბიზნესი

Volvo Cars-მა და Varjo–მ ავტომობილების განვითარებისთვის გამოუშვეს პირველი „შერეული რეალობის“ აპლიკაცია

Volvo Cars-ის და Varjo-ს (ვირტუალური რეალობის აღსაქმელი მოწყობილობების მწარმოებელი ფინური კომპანია) თანამშრომლობით შეიქმნა მსოფლიოში პირველი შერეული რეალობის მოწყობილობა უსაფრთხოების ტექნოლოგიების გაუმჯობესების მიზნით. აღნიშნული კოლაბორაცია გამყარებული იქნება Volvo Cars -ის ტექნიკური ფონდის მიერ. ვოლვოს ტექ. ფონდი არის კაპიტალური ფონდი, რომელიც ინვესტიციებს აკეთებს მაღალი პოტენციის მქონე ტექნოლოგიურ სტარტაპებში.

Volvo Cars-მა და Varjo-მ შესაძლებელი გახადა, რომ ატარო ნამდვილი ავტომობილი და თან გეკეთოს შერეული რეალობის მოწყობილობა, რომელიც ერთდროულად მატებს ვირტუალურ ელემენტებს შენს გამოცდილებას და გინარჩუნებს რეალობის აღქმას. აღსანიშნავია, რომ ამ დრომდე ვერცერთმა ავტომწარმოებელმა ვერ შეძლო ამის გაკეთება.

Varjo XR-1არის შერეული რეალობის სათვალე, რომელიც უზრუნველყოფს ცდისპირისთვის ფოტორეალისტური გამოსახულებების და ვირტუალური გამოსახულებების უმაღლეს ხარისხში მიწოდებას. XR-1- ს წინამორბედისგან განსხვავებით შეუძლია რადიკალურად შეამციროს ნიშნების და დიზაინების სწრაფი ამოცნობის პერიოდი. მოწყობილობას დამატებული აქვს მაღალი გაფართოების კამერები, რაც ე.წ. შერეული რეალობის მიღების საშუალებას იძლევა. ეს ფაქტი ვოლვოს დიზაინერებს და ინჟინრებს საშუალებას აძლევთ მართონ მომავლის ავტომობილები და შეაფასონ მართვის გამოცდილება ჯერ კიდევ მრავალი წლით ადრე, რეალური ავტომობილის შექმნამდე.

„შერეული რეალობის მოწყობილობის წყალობით, ჩვენ შეგვიძლია შევაფასოთ ავტომობილის დიზანი და ტექნოლოგიები ჯერ კიდევ მაშინ, როდესაც ავტომობილი მხოლოდ დაფაზეა.  სტანდარტული შეფასების ნაცვლად, ახლა ჩვენ შეგვიძლია ჯერ არარსებული პროდუქტი შევაფასოთ გზაზე. ეს ტექნოლოგია გვეხმარება პოტენციური ხარჯების დაზოგვაში, ასევე პრიორიტეტების და პრობლემების აღმოჩენაში პროდუქტის შექმნის ადრეულ სტადიაზე“ - ამბობს ჰენრიკ გრინი, Volvo Cars -ის ტექნოლოგიების ხელმძღვანელი.

XR-1-ი Volvo Cars - ის ინჟინრებს ეხმარება უსაფრთხოების სისტემების დახვეწაში. უსაფრთხოების ექსპერტებს შეუძლიათ მართონ ავტომობილი აღნიშნული მოწყობილობის გამოყენებით და მიიღონ ვირტუალური შედეგები რეალურ გარემოში. XR-1 - ში ჩამონტაჟებული მაღალი ხარისხის თვალის აღმქმნელი ტექნოლოგია, გვაძლევს ინფორმაციას მძღოლის აღქმის შესახებ, რამდენად მარტივად თუ რთულად უმკლავდება ცდისპირი ავტომობილის მართვას, ხოლო შედეგად ვიღებთ კვლევის შედეგებს ზედმეტი ძალისხმევის და დაკვირვებების გარეშე.

„დასაწყისშივე ჩვენი ხედვა იყო, რომ შეგვექმნა პროდუქტი რომელიც იქნებოდა რეალობის და ვირტუალობის შერწყმა. იმ შესანიშნავი გზის მეშვეობით, რა გზითაც ვოლვო იყენებს ჩვენს პროდუქტს, შესაძლებელი ხდება რაც აქამდე შეუძლებლად მიგვაჩნდა. ჩვენ ვოლვოსთან ერთად შევქმენით პროფესიონალური შერეული რეალობის ახალი ერა“ - აცხადებს ნიკო აიდენი, Varjo-ს დამფუძნებელი და CEO.

Volvo Cars არის ავტომობილების ინდუსტრიაში ნოვატორი ვირტუალური რეალობის გამოყენების მხრივ და Varjo-სთან თანამშრომლობა არის ამ მხრივ ყველაზე მნიშვნელოვანი. წარმატება ყოველთვის მიიღწევა ძლიერი და მოაზროვნე პარტნიორების თანამშრომლობის შედეგად.
„Varjo არის ერთპიროვნული ლიდერი ამ ინდუსტრიაში, კომპანიის ტექნოლოგიური მდგომარეობა გვპირდება დიდ ზრდას და ამავდროულად შემოაქვს დიდი კონტრიბუცია ჩვენთან თანამშრომლობაში. Varjo არის მაგალითი იმისა თუ როგორ კომპანიებთან ვითანამშრომლებთ მომავალში“ - ამბობს ზაკი ფასიჰუდინი, Volvo Cars-ის  ტექნიკური  ფონდის CEO.

კომენტარები

მსგავსი სიახლეები

  • 13:34

    „თეგეტა მოტორსის“ სპეციალური შეთავაზებები...

    „თეგეტა მოტორსი“ მომხმარებელს სპეციალურ შეთავაზებას სთავაზობს საცხებ-საპოხ მასალებსა და ფილტრებზე. შეთავაზების ფარგლებში პრემიუმ კლასის ბრენდის Shell-ის Helix Ultra,  HX8 ან HX7 საავტომობილო ძრავ...

  • 12:21

    ბიზნესდაჯილდოება 2019 იწყება...

    ბიზნესდაჯილდოება 2019 განახლებული ნომინაციებითა და ახალი ფორმატით ბრუნდება. უკვე მეოთხე წელია, თიბისი ქვეყანაში ყველაზე მასშტაბურ ბიზნესდაჯილდოებას წარმატებით ატარებს, რომლის მიზანიც ქვეყანაში ბიზნესს...

  • 15:46

    რე|ბანკი Tbilisi Mural Fest-ის სპონსორია...

    17-25 სექტემბერს, თბილისისა და ბერლინის მერიების ინიციატივით, თბილისში პირველად ჩატარდება საერთაშორისო ფესტივალი TBILISI MURAL FEST, რომლის ფარგლებშიც სტრიტ არტის საერთაშორისო ვარსკვლავების მიერ მოი...

  • 10:38

    მაგთიკომმა ახალი აქცია შესთავაზა მომხმარებელს - „უ...

    მაგთიკომმა ახალი აქცია შესთავაზა მომხმარებელს - „ულიმიტო ინტერნეტ დღე-ღამე“ახალი მობილური ინტერნეტპაკეტი საშუალებას გაძლევთ, აქტივაციიდან 24 საათის განმავლობაში ისარგებლოთ მაღალსიჩქარიანი ულიმიტო ინტე...

  • 14:56

    ვოლვო თქვენი უსაფრთხოებისთვის...

    ვოლვომ მსოფლიოს მასშტაბით დაიწყო სოციალური კამპანია #selfieforsafety, რომლის მიზანიც მეტი სიცოცხლის გადარჩენაა, კამპანიას მხარს უჭერს და უერთდება ვოლვო საქართველოს წარმომადგენლობა. ყოველდღიურად დედამი...

  • 00:25

    თბილისში ახალი მულტიფუნქციური სივრცე “მონოჰოლი” იხ...

    მულტიფუნქციური სივრცე „მონოჰოლი“, რომელიც 2000 ადამიანს იტევს,  28 სექტემბერს პირველ სტუმრებს უმასპინძლებს. სწორედ 28 სექტემბერს ივენთების სერია DCBL „MONO HALL“-ში, რომელიც ბაქრაძის 2 ნომერში მდ...

  • 18:03

    „adjarabet.com“-ის მასშტაბური ფილმის „არენას“ გადა...

    adjarabet.com-ის ფილმის გადაღებები დასრულდა.  „არენას“  გადაღებები  ივლისის ბოლოს  წყალტუბოში დაიწყო   და თბილსში დასრულდა.გადაღებებს ‘’მეტრო ფროდაქშენი’’უძღვებოდა. ფილმშ...