თიბისიმ და EBRD-იმ “ლოპოტა სპა რეზორტის” ინფრასტრუ...
თიბისიმ და ევროპის რეკონსტრუქციისა და განვითარების ბანკმა - EBRD, “ლოპოტა სპა რეზორტის” ახალი პროექტები 9 400 000 ევროთი დააფინანსეს, რომლის ფარგლებშიც, ივნისში ახალი ობიექტები გაიხსნება:...
ლუდი „ნატახტრის“ „ვეფხისტყაოსნის“სერია საერთაშორისო კონკურსის ფინალისტი გახდა
„ნატახტრის“ „ვეფხისტყაოსნის“ სერია საერთაშორისო კონკურსის „მსოფლიოს ინოვაციური სასმელები 2020“ ფინალისტი გახდა.
შეგახსენებთ, რომ “წლის საუკეთესო ქილა“ (Cans of The Year Awards) და „მსოფლიოს ინოვაციური სასმელები 2020“ (World Beverage Innovation Awards 2020) ის საერთაშორისო კონკურსებია, რომლებშიც „ნატახტარი“ “ვეფხისტყაოსნის“ სერიით მონაწილეობს.
„ეფეს საქართველომ“ სექტემბერის ბოლოს, მისი წამყვანი ლუდის ბრენდის „ნატახტრის“ ახალი სერია წარმოადგინა. ახალი სერიის შეფუთვა თანამედროვე ქართველი მხატვრის, დავით მაჭავარიანის, ხელით გაცოცხლებული „ვეფხისტყაოსნის“ სცენებითაა შემკული. პროექტი დავით მაჭავარიანთან ერთად დაიწყო. ის 4 წლის განმავლობაში მუშაობდა გრაფიკული რომანი „ვეფხისტყაოსნის“ ილუსტრაციებზე. ამჯერად, ამ ულამაზესი ნამუშევრის 4 მნიშვნელოვანი სცენის ხილვა შესაძლებელია მაღაზიის თაროებზე „ნატახტრის“ შეფუთვების საშუალებით, შეზღუდული დროით. თანასწორობა, მეგობრობა, სიყვარული, სიკეთე - ეს ღირებულებები ვიზუალურად და აფორიზმით გადმოცემულია 4 სხვადასხვა შეფუთვაზე, რომელიც უკვე გაყიდვაშია.
„ჩვენ ვამაყობთ, რომ ჩვენი საყვარელი პროექტი საერთაშორისო კონკურსებზეა წარდგენილი და „ვეფხისტყაოსნის“ თანამედროვე ილუსტრაციებით გაფორმებულ „ნატახტრის“ ქილას მსოფლიოს ცნობილი ბრენდების გვერდით ვიხილავთ. ჩვენთვის, როგორც ლუდის ბაზრის ლიდერისთვის, ყოველთვის მნიშვნელოვანია, ჩავდოთ ინვესტიცია ინოვაციაში, მომხმარებლის საჭიროებებსა და, ასევე, ქართულ კულტურაში. - განაცხადა „ეფეს საქართველოს“ კომერციულმა დირექტორმა ალფან აკპეჩემ.
კომენტარები