1 5 : 4 5
სარეკლამო ადგილი - 21
620 x 80
 | 

მთავარი თემა

"ვაფრთხილებ, ზღვარს ნუ გადადის" - ბესელია სარალიძეზე

ეკა ბესელია ზაზა სარალიძის განცხადებას ,  რომელიც "ტვ პირეველის" ეთერში გააკეთა, "ფეისბუქით" ეხმაურება და წერს:

„უპასუხოდ ვერ დავტოვებ ტვ1-ში ზაზა სარალიძის დღეს გაკეთებულ ცილისმწამებლურ განცხადებას. ეს ცდება არა მხოლოდ კანონის ფარგლებს, არამედ მორალურ ზღვარსაც. სწორედ მორალური ბოჭვის გამო სამართლებრივად არ მოვთხოვ პასუხს, მაგრამ უპასუხოდაც არ დავტოვებ. ამ სისაძაგლეს ხომ სხვებიც უსმენენ და ამიტომაც ვპასუხობ. შემიძლია გავიგო სხვისი განცდა და ტკივილი, ვუთანაგრძნო, მესმოდეს რას გრძნობს ამ ტკივილის დროს და ადამიანურად ვუთანაგრძნო, მაგრამ სწორედ იმიტომ, რომ შვილის ტკივილი იცი რა არის, სხვის შვილებს არ უნდა დაესხა თავს.

უკვე გასაგებია „ძველი დრო“ დღეს რატომ ინატრა ზაზა სარალიძემ (ანგარიშსწორებისთვის), მაგრამ იმ ძველ დროში რომ არ დარჩენილიყო ჩვენი ქვეყანა, ამას ვეწირებოდით ჩვენც და ჩვენი ოჯახებიც. ჩემს შვილს რომ ახსენებს სარალიძე, კითხოს მის პოლიტიკურ მეგობრებს, დღეს რომ ახლოს ჰყავს, რისთვის დააპატიმრეს ჩემი სკოლის მოსწავლე შვილი და ძმა 2009 წელს? არ ახსოვს? შევახსენებ, ჩემთან ანგარიშსწორებისთვის და მხოლოდ პოლიტიკური შურისძიების გამო. და იცის რომელი მუხლით? იმ მუხლით, თავად რომ ბევრჯერ დაარღვია უკვე, (საზოგადოებრივი წესრიგის დარღვევა და პოლიციისთვის წინააღმდეგობის გაწევა) მაშინ, როდესაც ამ ორი უდანაშაულო ადამიანის საქმე სასამართლოში იხილებოდა და პირველად სასამართლოს ისტორიაში, სკოლის მოსწავლეს, არასრულწლოვანს ამ მუხლით, რომ თავისუფლების აღკვეთა მიუსაჯეს სად იყო ზაზა სარალიძე? აქციები რომ იმართებოდა უმარავი უკანონო პატიმრის გასათავისუფლებლად, მაშინ სად იდგა, ნეტა? რაც შეეხება პროკურორ ფხაკაძეს, არასოდეს დავიცავ პროკურორ ფხაკაძეს! არასოდეს! მის დაკითხვაზე არ ვიყავი, რადგან საქართველოში არ ვიყავი.

დიახ, ის იყო ერთ-ერთი პროკურორი ჩემი ოჯახის პოლიტიკურ სასამართლო პროცესზე და იმ სასამართლომ და შემდეგმა ყველა სასამართლომ თავისუფლების აღკვეთა შეუფარდა ჩემს უდანაშაულო შვილს და ძმას. პოლიტიკური სასჯელი დაადეს ჩემს გამო. არ დათანხმდნენ საპროცესო შეთანხმებას და არ დაიბრალეს ის, რაც არ ჩაუდენიათ. ჩემი უდანაშაულო ძმა ერთი წელი უმძიმეს პირობებში ყავდათ ციხეში და ჩემი სკოლის მოსწავლე შვილი ორი წელი დევნაში და ტერორში. მათი გათავისუფლება მოხდა საერთაშორისო ზეწოლით ორი წლის მერე. ერთი დოკუმენტი დადოს ვინმემ საწინააღმდეგო! განაჩენი ამოიღოს სარალიძემ, ყველგან დევს ეს ინფორმაცია და ჩაიხედოს. წაიკითხოს და მერე ინატროს ძველი დრო. ეს საქმე ყველამ იცის ვინც მაშინ მიშას მზეს არ იფიცებდა! ვაფრთხილებ, ზღვარს ნუ გადადის. ყველაფერს აქვს საზღვარი“, – წერს ეკა ბესელია სოციალურ ქსელში.

კომენტარები

მსგავსი სიახლეები

  • 20:17

    4-11 მაისი უქმედ ცხადდება – მთავრობა დამსაქმებლებს...

    მთავრობის უწყებათაშორისი საკოორდინაციო საბჭო დამსაქმებლებს თანამშრომელთა დისტანციურ სამუშაო რეჟიმში გადაყვანის რეკომენდაციით მიმართავს, 4-11 მაისი კი საქართველოს მასშტაბით უქმე დღეებად ცხადდება, &ndas...

  • 00:11

    ვლადიმერ პოზნერი ყოველგვარი რეგულაციებისა და შეზღუ...

    ვლადიმერ პუტინთან დაახლოებული,რუსი ჟურნალისტი ვლადიმერ პოზნერი ყოველგვარი რეგულაციებისა და შეზღუდვების გარეშე, რუსეთიდან  საქართველოში ჩამოფრინდა.პოზნერს ხვალ დაბადების დღე აქვს და იუბილეს სავარა...

  • 09:06

    კახაბერ საბანაძემ თანამდებობა დატოვა...

    "“მსურს, გამოვეხმაურო ბოლო პერიოდში მედიაში გასულ სიუჟეტებს და ხაზგასმით აღვნიშნო, რომ წლების განმავლობაში ვემსახურებოდი სახელმწიფოს და ვიცავდი კანონს, რომლის ზედმიწევნით აღსრულებაც იყო, არის და...

  • 11:51

    თავდაცვის მინისტრის მოადგილემ ქართველ მესაზღვრეებ...

    ❗ თავდაცვის მინისტრის მოადგილემ ქართველ მესაზღვრეებს პროფესიული დღე რუსი ჯარისკაცის ფოტოთი მიულოცა  დავით სუჯაშვილმა მოგვიანებით ბოდიშიც მოიხადა და თქვა, რომ შეც-დომა სოციალური ქსელს ადმინისტრატო...

  • 11:09

    გამაგრებით სამუშაოებს აზრი აღარ აქვს! მასა მოწყვეტ...

    💬 „იგივე საფრთხეებია, რაც ვერაზე იყო. დინამიკაში პროცესი მოსულია, მასა მოწყვეტილია. ის, შეიძლება, აჩქარებით წამოვიდეს ხელშემწყობი პირობების შემთხვევაში," - თეა გოდოლაძე, გეოლოგი    🔻 შ...

  • 11:00

    შსს:“მელიას საქმეზე დაგეგმილი ღონისძიება დროებით გ...

    შსს-მ ცოტა ხნის წინ, მელის დაკვებასთან დაკავშირებით განცხადება გაავრცელა: "პრემიერ-მინისტრის გადადგომასთან დაკავშირებით, შინაგან საქმეთა სამინისტრომ ნიკანორ მელიას საქმეზე დაგეგმილი ღონისძიება დროებით...

  • 10:39

    გიორგი გახარია გადადგა...

    გიორგი გახარია პოსტიდან გადადგა. განცხადება მან ამ წუთებში მთავრობის ადმინისტრაციაში გააკეთა. "ერთი კონკრეტული ადამიანის მიმართ თუნდაც კანონიერი მართლმსაჯულებით განსაზღვრული ღონისძების აღსრულება, თუ ე...