,,ვარ ქიმიოთერაპიის პროცესში, დარწმუნებული ვარ ამ ...
პარლამენტის ოპოზიციონერი დეპუტატი, ხათუნა სამნიძე მძიმე სენს ებრძვის. ის ახლა ქიმიოთერაპიის კურსს გადის, რაზეც ტელეკომპანია “ფორმულაზე” თავად ისაუბრა. "ქალ დეპუტატებთან ერთად ამ მძიმე ბრძო...
ვანიკო თარხნიშვილს მთავარ არხზე ვიხილავთ – რა გადაცემას წაიყვანს ტელეწამყვანი?
“მთავარი არხის” დამფუძნებელი და გენერალური დირექტორი ნიკა გვარამია “სარკესთან” არხის ბადესა და ახალ გადაცემებზე საუბრობს.
“ახალი არხის აწყობას თან ახლდა დიდი სიჩქარე, დიდი სტრესი და ეს იყო უმძიმესი ერთი თვე. ცხოვრებაში ასეთი მძიმე პერიოდი არ მქონია. ძალიან ბევრი ღამე არ მეძინა და ახლაც გამოფიტული ვარ.
სამსახურში ვზივარ მთელი დღე და მე და ეკა კვესიტაძე ეთერს ვავსებთ პოლიტიკური თოქშოუებით. მალე აღარ იქნება ამდენი პოლიტიკა, მაგრამ ჯერჯერობით ასეა, სანამ ორშაბათის შოუ დაიწყება, რომელსაც წაიყვანს ილო ბეროშვილი , ნიკა გრიგოლია და ვანიკო თარხნიშვილი. მხოლოდ ქართულიც იქნება წელს სიურპრიზად და ბოლო ლურსმანს ჩავაჭედებთ ზოგიერთის არ ვიცი რაში მაგრამ მაინც.
სამშაბათს იქნება ეკა კვესიტაძის პოლიტიკური თოქ შოუ, ოთხშაბათს არის ნანუკა. ხუთშაბათს ჯერჯერობით მე ვზივარ, მაგრამ მალე ამ დღეს იქნება ნანუკას პროდიუსინგით ფანტასტიკური გადაცემა, რომელიც მე მიყვარს, ჩემი მოგონილი ფორმატია და რ2-ზე მქონდა დანერგილი . ამ გადაცემას წაიყვანენ ნატია ტრაპაიძე და მიშა სესიაშვილი. ვორქ შოპები რომ გვქონდა, ისეთი იქნება. გახდება ყოველკვირეული გადაცემა, სადაც ყოველი კვირის აქტუალური თემა გაშუქდება.
პარასკევს ვანო ჯავახიშვილია და ვანოს შემდეგ გვინდა რამე საინტერესო ჩავუშვათ. შაბათი კომედი ჯგუფისაა და როგორც დალაგდება სიტუაცია, ნოდარ მელაძის შაბათის კურიერიც აღდგება. კვირას მე და ეკა ვართ, გაბუნიას “პოსტ ფაქტუმის” შემდეგ.
დილა გვექნება არაჩვეულებრივი და ასევე “სხვა შუაღამე”, რომელიც ისევდაისევ ჩემი მოგონილი ფორმატია. გვექნება “შუადღეც” მხოლოდ შაბათ-კვირას, რომელიც იქნება ძალიან მაგარი. პირველი იქნება მწერლების-მეორე შოუ კი კულტურას მიეძღვნება, სადაც იჯდება მარინა ბერიძე და სხვები.
მაგარი იდეები გვაქვს და მალე დღის მეორე ნახევარში ყველაფრით დაიტვირთება ტელევიზია, მათ შორის სერიალებით და მერე უყურეთ რეიტინგებს” – ამბობს ნიკა გვარამია.
კომენტარები