1 0 : 4 4
სარეკლამო ადგილი - 21
620 x 80
 | 

საზოგადოება

18 სექტემბრის ასტროლოგიური პროგნოზი

ვერძი

შესაძლოა, ამ დღეს ყურადღების ცენტრში აღმოჩნდნეთ. თქვენი მატერიალური მდგომარეობა თანდათან უმჯობესდება. სავარაუდოდ, დიდი ხნის ოცნებას აისრულებთ. შესანიშნავი დროა კომერციული საქმიანობისთვის. პარტნიორებს ენდეთ და ახალ საქმიან წინადადებებს ელოდეთ. ფინანსურ წარმატებას მხოლოდ მისი დახმარებით მიაღწევთ. ეცადეთ, საყვარელი ადამიანების მიმართ მეტი ყურადღება და მზრუნველობა გამოიჩინოთ.

კურო

ხელსაყრელი დღეა ურთიერთობისა და კოლექტიური საქმიანობისთვის. ნებისმიერ საქმეს სწრაფად და ადვილად გაუმკლავდებით. გეგმის განხორციელებისთვის, გირჩევთ, პროექტში სხვა ადამიანებიც ჩართოთ, რათა ერთობლივი ძალებით, ეფექტურად იმოქმედოთ. თუ ყველაფერი წარმატებით განხორციელდა, წლის ბოლოს მატერიალურ და საზოგადოებრივ მდგომარეობას გაიუმჯობესებთ.

ტყუპები

ხელსაყრელი დღეა ახალი ნაცნობობის, მეგობრული ურთიერთობებისა და გართობისთვის. შემოქმედებითმა გეგმებმა განხორციელების შემთხვევაში შესაძლოა, მთელი თქვენი ცხოვრება შეცვალოს და თვისობრივად ახალ დონეზე აიყვანოს. ახლობლებისა და ნათესავების დახმარების იმედი ნუ გექნებათ – ყველაფერი დამოუკიდებლად უნდა აკეთოთ.

კირჩხიბი

ხელსაყრელი დღეა. შესაძლოა, სიტუაციის შეფასებიდან პირდაპირ საქმეზე გადახვიდეთ. თუ თქვენი გეგმები იმედის მომცემი და დამაჯერებელი აღმოჩნდა, საკუთარ საქმიანობაში საიმედო პარტნიორების მოზიდვას შეძლებთ. თუ ყველაფერი თქვენი გეგმის მიხედვით განხორციელდა, გამორიცხული არაა, რომ წლის ბოლომდე საზოგადოებრივი და მატერიალური მდგომარეობა გაიუმჯობესოთ.

ლომი

წარმატებული დღეა, განსაკუთრებით, შემოქმედებითი პროფესიის ლომებისთვის. ჩანაფიქრის განხორციელებას საკუთარ პროექტებში თანამოაზრეების ჩართვით შეძლებთ. თქვენი ნებისმიერი აქტიურობა და ინიციატივა სასურველ შედეგს მოგიტანთ. ხელსაყრელი დღეა პირადი ურთიერთობებისა და სიყვარულისთვისაც. პარტნიორთან ურთიერთიბა ორმხრივ სიამოვნებას მოგანიჭებთ.

ქალწული

ხელსაყრელი დღეა. ეფექტურად მოქმედებისა და ჩანაფიქრის განსახორციელებისთვის ეცადეთ, საკუთარ პროექტებში თანამოაზრეები ჩართოთ. შესაძლოა, შესაძლებლობების მაქსიმალურად გამოვლენა და ახალ გარემოებებთან შეგუება მოგიწიოთ. ახლობელ ადამიანებთან სრული ჰარმონია და ურთიერთგაგება სუფევს.

სასწორი

აქტიური დღეა, რომელიც ხელსაყრელია უძრავი ქონების შეძენისა და კომერციული ოპერაციებისთვის. გირჩევთ, აქტიურად ეძებოთ დამატებითი შემოსავლის წყაროები, თუმცა ერიდოთ საეჭვო წინადადებებს. კარგი იქნება, თუ მთელ ენერგიას მუშაობისკენ მიმართავთ. ასეთ შემთხვევაში აუცილებლად წარმატება გელით.

მორიელი

პასიური დღეა. ეცადეთ, გარშემო მყოფთა მიმართა ზედმეტი ამბიციები და პრეტენზიები არ გამოავლინოთ. სამართლიანობის გამძაფრებული გრძნობა საშუალებას არ გაძლევთ, რომ ნეგატიურ პროცესებს თქვენს გარემოცვაში თვალი მშვიდად ადევნოთ. რა თქმა უნდა, სამყაროს ბოროტებისგან ვერ იხსნით, თუმცა საკუთარ თავსა და ახლობელ ადამიანებს აუცილებლად დაიცავთ. თქვენი ტაქტი და თავშეკავება ღირსეულად დაფასდება.

მშვილდოსანი

ხელსაყრელი დღეა ახალი ნაცნობობისა და გატაცების, ცოლ-ქმრული ურთიერთობებისა და გართობისთვის. პირად ცხოვრებაში სიახლეებმა შესაძლოა, თქვენი ცხოვრება მთლიანად შეიცვალოს.

თხის რქა

ხელსაყრელი დღეა ერთობლივი პროექტებისა და კოლექტიური საქმიანობისთვის. ახლობელ ადამიანებს შორის სრული ჰარმონია და ურთიერთგაგება სუფევს. მარტოხელა თხის რქებს მორიგი, ხანმოკლე რომანი ელით.

მერწყული

წინა დღის ნეგატიური ტენდენციები გრძელდება. ამ დღეს შეიძლება ზედმეტმა თავდაჯერებულობამ დაგაზარალოთ, ამიტომ მეტი წინდახედულება და გონიერება უნდა გამოიჩინოთ. ერიდეთ ბნელ ადგილებს და ხმაურიან წვეულებებს. არსებობს სერიოზული ტრამვის ან ავადმყოფობის რისკი.

თევზები

შეხვედრებისა და ურთიერთობებისთვის ხელსაყრელი დღეა. ბიზნესმენ თევზებს პარტნიორებთან ფინანსური უთანხმოების მოგვარება მოუწევთ. არავის მისცეთ უფლება, რომ მოგატყუოთ.

კომენტარები

მსგავსი სიახლეები