ლევან წულაძისა და ეკატერინე მაზმიშვილის მარჯანიშვი...
ლევან წულაძისა და ეკატერინე მაზმიშვილის მარჯანიშვილის თეატრიდან წასვლის შემდეგ, მწერალი და დრამატურგი ლაშა ბუღაძე წყვეტს თანამშრომლობას მარჯანიშვილის თეატრთან, ამის შესახებ იგი წერს თავის ფე...
ბათუმში მონოპიესების ფესტივალი გაიმართება
6 სექტემბერს ბათუმში მონოპიესების ფესტივალი თანამედროვე ქართველი რეჟისორისა და დრამატურგის, პაატა ციკოლიას ნამუშევრით "მე მქვია ლალი“ გაიხსნება.
პროექტის ფარგლებში სულ წარმოდგენილი იქნება 7 მონო სპექტაკლი. თითოეულ პიესაზე საქართველოს მასშტაბით შერჩეული დრამატურგები რეჟისორებთან და მსახიობებთან ერთად 10 დღის განმავლობაში მუშაობდნენ. საპრემიერო ჩვენებები 6-9 სექტემბერს სხვადასხვა ლოკაციაზე გაიმართება.
წარმოდგენებისათვის გამოყენებულია არა მხოლოდ ტრადიციული თეატრალური დარბაზები, არამედ ალტერნატიული სივრცეები, მონო პიესების შინაარსობრივი და ჟანრობრივი სპეციფიკის გათვალისწინებით.
პროექტის მიზანია ხელი შეუწყოს თანამედროვე დრამატურგიის განვითარებას, ასევე შემოქმედთა ახალი თაობის პროფესიულ ზრდას, საშემსრულებლო ხელოვნებისადმი საზოგადოების ინტერესის გაღრმავებას.
პროექტის ფარგლებში გამოიცემა მონო პიესების კრებული, რომელიც კიდევ უფრო გაზრდის საზოგადოების ყურადღებას აღნიშნული მიმართულებით, ასევე ხელს შეუწყობს თანამედროვე დრამატურგების შემოქმედებითი პროდუქტის პოპულარიზაციას.
მონო პიესების ფესტივალი ბათუმში აჭარის ავტონომიური რესპუბლიკის განათლების, კულტურისა და სპორტის სამინისტროს ფინანსური მხარდაჭერით ხორციელდება.
მონოსპექტაკლების წარმოდგენის პროგრამა
"მე მქვია ლალი"
▸ რეჟისორი და დრამატურგი - პაატა ციკოლია
▸ მსახიობი - მეგი კობალაძე▸ თარიღი - 6 სექტემბერი
▸ ადგილი - საზაფხულო თეატრი
▸ დრო - 22:00 სთ.
"პატარა"
▸ დრამატურგი - ალექს ჩიღვინაძე
▸ რეჟისორი - თემურ კუპრავა
▸ მსახიობი - სოფი ჩალაშვილი
▸ თარიღი - 7 სექტემბერი
▸ ადგილი - ბათუმის თოჯინებისა და მოზარდ მაყურებელთა სახელმწიფო თეატრი(მემედ აბაშიძის #49)
▸ დრო - 20:30 სთ.
"ჰალუცინაცია"
▸ დრამატურგი, რეჟისორი და მსახიობი - გეგა გაგნიძე
▸ თარიღი - 7 სექტემბერი
▸ ადგილი - ‘BK’(მემედ აბაშიძის #6)
▸ დრო - 22:00 სთ.
"ხეების გამტყავებელი სანადიროდ მიდის"
▸ დრამატურგი - ლია ლიქოკელი
▸ რეჟისორი - ნინო შოთაძე
▸ მსახიობი - მარინა ბურდული
▸ თარიღი - 8 სექტემბერი
▸ ადგილი - ახალი სცენა(მელაშვილის #32)
▸ დრო - 20:00 სთ.
"სადღეგრძელო"
▸ დრამატურგი - ზურაბ პაპიაშვილი
▸ რეჟისორი - ირაკლი გურგენიძე
▸ მსახიობი - დავით წერეთელი
▸ თარიღი - 8 სექტემბერი
▸ ადგილი - ლიტერატურული კაფე
▸ დრო - 21:30 სთ.
" ჩემი მეგობარი ჰაშიში"
▸ დრამატურგი - ირაკლი კაკაბაძე
▸ რეჟისორი - ირაკლი გოგია
▸ მსახიობი - გიორგი ცხადაძე
▸ თარიღი - 9 სექტემბერი
▸ ადგილი - თავისუფალი სივრცე(ზ. გამსახურდიას #6)
▸ დრო - 20:30 სთ.
"წრეზე"▸ დრამატურგი - ნატალია ბლოკი
▸ რეჟისორი - ტურალ ვაგიფოღლუ
▸ მსახიობი - ნინო ციმაკურიძე
▸ თარიღი - 9 სექტემბერი
▸ მისამართი - მაზნიაშვილის #47
▸ დრო - 22:00 სთ.
ყველა სპექტაკლზე დასწრებათავისუფალია
კომენტარები