ლოპოტას ხეობაში საღამოს 9 საათისათვის გადაადგილდებოდა მაღალი გამავლობის სამხედრო ავტომობილები, რომლებსაც სპეცოპერაციის ადგილიდან სპეცნაზელები გამოყავდათ. კოლონა სოფელ ლაფანყურისაკენ ორ რიგად გამოემართა. სამხედრო ავტომობილებთან ერთად, ტერიტორია სასწრაფო სამედიცინო დახმარების მანქანებმაც დატოვა. კოლონა ლოპოტას ხეობიდან სოფელ კურდღელაურის გავლით გამოვიდა. არ არის გამორიცხული, რომ კოლონების გამოსვლა, შსს-ს მიერ გავრცელებულ ინფორმაციას უკავშირდებოდეს, რომლის თანახმადაც სპეცოპერაციის ძირითადი ფაზა დასრულებულია.

ამ დროისათვის სოფელსა და ხეობაში სრული სიმშვიდეა. არ შეინიშნება საპატრულო ავტომობილების გადაადგილება. სიტუაცია ნელნელა სტაბილურდება.