1 5 : 3 7
 | 

მსოფლიო

დავით სერგეენკო: „ახალი ფარმაცევტული კომპანიის აქტივობების შედეგად მედიკამენტებზე ფასები შემცირდება“

„თუ კომპანია მედიკამენტებს შედარებით დაბალ ფასად გაყიდის, ეს მოსახლეობისთვის  დიდი შვება იქნება“

იანვრის მეორე ნახევრიდან საშუალება გვექნება, რომ ქართულ ფარმაცევტულ ბაზარზე თვალ-ყური ვადევნოთ კომპანია ჰუმანითი ჯორჯიას აქტივობებს, – ამის შესახებ ჯანდაცვის მინისტრმა დავით სერგეენკომ  განაცხადა. როგორც მინისტრმა აღნიშნა, კომპანიამ დაიწყო საკმაოდ აქტიური საინფორმაციო კამპანია და იმის ახსნა, თუ რას აპირებენ.

ხაზს გავუსვამ ერთ რამეს, რომ ჩვენი სტრატეგია, რომელიც მიმართული იყო მედიკამენტებზე მიწვდომადობის გაზრდისკენ, არ იყო რომელიმე კონკრეტული კომპანიის, მაგალითად, ჰუმანითის ლობირება რაიმე სახით. ჩვენ რასაც თვალ-ყურს ვადევნებთ, ამ კომპანიამ დაიწყო საკმაოდ აქტიური საინფორმაციო კამპანია, იმის ახსნა, თუ რას აპირებენ, როგორ აპირებენ ამ ნაბიჯების გადადგმას და, ვფიქრობ, იანვრის მეორე ნახევრიდან საშუალება გვექნება, თვალ-ყური ვადევნოთ ამ კომპანიის აქტივობებს. თუკი ამ კომპანიის აქტივობების შედეგად მედიკამენტებზე ფასები შემცირდება, კონკურენციის გაზრდით, ჩვენ ამას, რა თქმა უნდა, მივესალმებით, თუმცა პასიური მეთვალყურის რეჟიმში არ ვიქნებით”, – განაცხადა სერგეენკომ. დასასრულს, უწყების ხელმძღვანელმა აღნიშნა, რომ ჯანდაცვის სამინისტრო ცვლის და აუმჯობესებს წამლის ხარისხის კონტროლის გამკაცრების სისტემას.

ჯანდაცვის სამინისტროს ინციატივას, მედიკამნტების ხარისხის კონტროლის გამკაცრებასა და ფარმაცევტულ ბაზარზე ახალი მოთამაშეების გამოჩენის საკითხს ბავშვთა ნევროპათოლოგი ნანა გელაძე გამოეხმაურა:

ჩემი პრეროგატივა ძირითადად არის ანტიეპილეფსიური პრეპარატები. რადგან  ჩემი პაციენტები ეპილეფსიის დიაგნოზის მქონე ბავშვები არიან, ანტიეპილეფსიური პრეპარატების დანიშვნა მიწევს. ეს პრეპარატები ძირითადად ფრანგული და გერმანული აპრობირებული და ძალიან ცნობილი ბრენდებია. პირადად არ დამინიშნავს ადგილობრივი ან სხვა ნაწარმი. არა იმიტომ, რომ ცუდია აუცილებლად, არამედ იმიტომ, რომ კონკრეტულ წამლებში ვარ დარწმუნებული და ექსპერიმენტის ჩატარება არ მინდა. თავად ის ინიციატივა, რომ ჯანდაცვის სამინისტრო აღიარებს ქვეყანაში წამლის ხარისხის კონტროლის საკმაოდ დაბალ დონეს და მის გამკაცრებას პრიორიტეტებს შორის მოიაზრებს, ძალიან კარგია. უბრალოდ, მიჩნდება კითხვა, გვაქვს კი იმხელა მატერიალური რესურსი, რომ წამლების შემოწმება მართლაც მაღალი დონის ლაბორატორიებში მოხდეს?!

რაც შეეხება ფარმაცევტულ ბაზარზე ახალი მოთამაშეების გამოჩენას, ექიმი მიესალმება.  „როგორც წესი, ეს კონკურენციის გაზრდის საშუალება უნდა იყოს. კონკრეტულად "ჰუმანითი ჯორჯიასშესახებ  არ მსმენია. თუ მედიკამენტებს შედარებით დაბალ ფასად გაყიდის, ეს მოსახლეობისთვის იქნება პირველ რიგში დიდი შვება“, - განმარტ ნანა გელაძემ.

მანანა გელაძე სამინისტროს მიერ ბოლო პერიოდში გატარებულ რეფორმებსაც გამოეხმაურა და აღნიშნა, რომ ერთ–ერთი ყველაზე წარმატებული და საჭირო ცვლილება საყოველთაო დაზღვევაა:უფასო ქირურგიული ოპერაციები ძალიან სერიოზული დახმარებაა. მომწონს ბევრი რამ, რასაც მისი გუნდი აკეთებს“.

 

 

შეგახსენებთ, რომ ქართულ ფარმაცევტულ ბაზარზე კომპანია ჰუმანითიჯორჯია შემოდის. კომპანიის დირექტორის ანდრეი კუზმას განცხადებით, ჰუმანითიჯორჯია უახლოეს მომავალში ქართულ ფარმაცევტულ ბაზარს მედიკამენტების ფართო სპექტრს შესთავაზებს. კომპანიაში აცხადებენ, რომ მათი პრეპარატების პირველი პარტია ხშირი მოხმარების მედიკამენტებით იქნება წარმოდგენილი და საქართველოში უკვე დეკემბრის ბოლოს შემოვა. კუზმას ინფორმაციით, მათი პრეპარატების ხარისხი დადასტურებულია მწარმოებლის  EU GMP სერთიფიკატით და ასევე ჯანდაცვის მსოფლიო ორგანიზაციის სერთიფიკატის მქონე ლაბორატორიის მიერ ჩატარებული სერიული კონტროლით. ახალი ფარმაცევტული კომპანიის შემოსვლას დადებითად აფასებენ სპეციალისტები, მედიკოსები და პოლიტიკოსებიც და განმარტავენ, რომ ეს ფაქტი ქვეყნის ფარმაცევტულ ბაზარზე კონკურენციას შეუწყობს ხელს და მედიკამენტებზე ხელმისაწვდომობას გაზრდის.

კომენტარები

მსგავსი სიახლეები

  • 13:02

    ირანში ძლიერი მიწისძვრა მოხდა...

      სამხრეთ ირანის ტერიტორიაზე  5.5 მაგნიტუდის სიმძლავრის მიწისძვრა დაფიქსირდა. დაშავებულების შესახებ ინფორმაცია ჯერ არ ვრცელდება.  მიწისძვრა ბუშერის აღმოსავლეთით, ბუშერის ატომურ ელე...

  • 19:14

    ოპოზიციის მომხრეებმა სომხეთის მთავრობის ერთ-ერთი შ...

    ერევანში ოპოზიციის მომხრეებმა სომხეთის მთავრობის ერთ-ერთი შენობის ბლოკირება მოახდინეს, რომელშიც იუსტიციის, კულტურისა და განათლების სამინისტროებია განლაგებული.ნიკოლ ფაშინიანმა  საკუთარ მომხრე...

  • 17:56

    19 წის ბიჭისა და 72 წლის ქალის სიყვარულის ისტორია ...

    53 წლიანი სხვაობის მიუხედავად 19 წლის გარი ჰარდვისკი და  72 წლის ალმედია ძალიან ბედნიერი წყვილია. ისინი  ერთმანეთი 2016 წელს, ერთ-ერთ რესტორანში შეხვდენენ და ერთმანეთი ერთი ნახვით შეუყვ...

  • 13:17

    უგანდის პრეზიდენტს ორალური სექსის აკრძალვა სურს, რ...

    უგანდის პრეზიდენტს ორალური სექსის აკრძალვა სურს. ამის შესახებ იოვერი კაგუტა მუსევენიმ განაცხადა. ინფორმაციას dailymail-ი ავრცელებს.ქვეყნის პირველი პირის თქმით, გარე ძალები ცდილობენ უგან...

  • 12:38

    ვაშინგტონი ერევნის მოვლენებს ეხმაურება ...

     ვაშინგტონი ერევნის მოვლენებს ეხმაურება „ჩვენ ვიცით, რომ ერევანსა და სხვა ქალაქებში საპროტესტო აქციები მიმდინარეობს, ხალხი ქუჩაში გამოვიდა. ჩვენ ყურადღებიტ ვაკვირდებით მოვლენების განვითარება...

  • 17:07

    დაპირისპირება ერევანში - პოლიციელებსა და დემონსტრა...

    ერევანში პოლიციელებსა და დემონსტრანტებს შორის შეტაკება მოხდა. მომიტინგეებმა პოლიციის კორდონი გაარღვიეს და კონსტიტუციური სასამართლოს შენობამდე მივიდნენ, სადაც მათ პოლიციელებმა გზა მავთულხლართებით გადაუ...

  • 14:53

    რუსი ჟურნალისტი, რომელმაც სირიაში „ვაგნერის“ ჯარის...

    ეკატერინბურგში ჟურნალისტი, მაქსიმ ბოროდინი, რომელმაც სირიაში „ვაგნერის“ რუსი მებრძოლების დაღუპვის შესახებ პირველად დაწერა, ფანჯრიდან გადავარდა და გონზე მოუსვლელად გარდაიცვალა.შემთხვევა 13 აპრილს მოხდა...