რუსებმა ხერსონი დაბომბეს - დაზიანდა მინიმუმ 15 სა...
რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს. ხერსონის რეგიონული სამხედრ...
,,ეძღვნება დიდი სიყვარულით ჩემს თანამეჟიურეებს..რესტორანი სცენაზე არის კატასტროფა და უგემოვნება"
ნიკა გვარამია "იქს ფაქტორის" გუშინდელი გადაცემის შემდეგ სოციალურ ქსელში პოსტს აქვეყნებს.
"ეძღვნება დიდი სიყვარულით ჩემს თანამეჟიურეებს ❤️✌😄 " -წერს რუსთავი 2-ს გენერალური დირექტორი და თან ურთავს ამ ვიდეოს.
"რაც შეეხება რესტორნულ ნამღერს: 1. რესტორანი სცენაზე არის კატასტროფა და უგემოვნება2. ქართული რესტორნული მუსიკა არის უმდარესი, მათ შორის, კარგი მომღერლების შესრულებით. რაკი საქართველოში სხვა გამოსავალი არაა, ფული შეიძლება და უნდა აკეთო და თავი გადაირჩინო. მაგრამ რესტორნის ესთეტიკა სცენაზე არ უნდა გადმოიტანო და სცენაზე დგომა თუ გინდა, უნდა შეძლო ზღვარის დაჭერა3. სიმღერა რესტორანში საბჭოთა და ზღვის კურორტების ნოუჰაუა. ნორმალურ ქვეყნებში, სადაც ჭამენ, იქ არ მღერიან (ნუ ბრაიტონის რუსულ რესტორნებს თუ არ ჩავთვლით, სადაც ლუბა უსპენსკაია მღერის და საეჭვო დონის ბერძნულ ბუზუკებს). მღერიან კლუბებში, სადაც სვამენ და მუსიკის მოსასმენად და გასართობად მოდიან4. ყველა დიდმა მომღერალმა ზუსტადაც კლუბში დაიწყო კარიერა. კლუბში, და არა რესტორანში. ვარსკვლავები სიგარეტის კვამლში და ვისკის სუნში იბადებიან და არა მწვადის შიშხინში და ხინკლის ოხშივარში"-აღნიშნა გვარამიამ.
შეგახსენებთ, რომ პროექტში გიორგი გაბუნიამ მარიამ აკობია მალიბუ ტუღუშით ჩააანაცვლა, რომლითაც დასრულდა გიორგის ოთხეულის შერჩევა და რომელმაც ცხარე კამათი, აზრთა სხვადასხვაობა და პროტესტი გამოიწვია.
კომენტარები