მსოფლიო
სააკაშვილის განცხადება ჩატაევზე: საქართველოს მთავრობაც იგივეს განიცდის?
2016-07-01 11:34:57
"გავრცელებული ინფორმაციის თანახმად, რუსეთის მოქალაქე აჰმედ ჩატაევი სტამბულის აეროპორტში მომხდარი ტერაქტის მთავარი ორგანიზატორია. ის ჩემი მთვრობის დროს, კონტრტერორისტული სპეცოპერაციის შედეგად იქნა დაკავებული, რომელსაც ჩვენი შეიარაღებული ძალების სამი წევრი ემსხვერპლა. აღნიშნულ სპეცოპერაციას გენერალი გიორგი ლორთქიფანიძე ხელმძღვანელობდა, რომელიც ახლა ოდესის პოლიციას უდგას სათავეში. 2012 წელს, რუსი ოლიგარქი ივანიშვილის ხელისუფლებაში მოსვლისთანავე, ჩატაევი პოლიტპატიმრის სტატუსით გაანთავისუფლეს. მე, ამ დროს ჯერ კიდევ პრეზიდენტი ვიყავი და სასტიკად ვეწინააღმდეგებოდი მის შეწყალებას, თუმცა ჩემი დაჟინებული პროტესტი პროკურატურამ არაფრად მიიჩნია და ჩატაევი ციხიდან გამოუშვეს. 2 დღის წინ, დიდი ალბათობით სწორედ ამ ჩატაევმა მოკლა უამრავი უდანაშაულო ადამიანი. ტერაქტის წინა დღეს, ჩემი ათი წლის ვაჟიც, სწორედ ამ ტერმინალის გავლით მგზავრობდა, შესაბამისად გულწრფელად ვიზიარებ ამ საზარელი ტერაქტის შედეგად დაღუპული ადამიანების ახლობლების მდგომარეობას. მაინტერესებს, საქართველოს მთავრობაც იგივეს განიცდის?"
კომენტარები