რუსებმა ხერსონი დაბომბეს - დაზიანდა მინიმუმ 15 სა...
რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს. ხერსონის რეგიონული სამხედრ...
“ბროკოლი 14 ლარი ღირს კარფურში, ჩვენ ღორებს ვაჭმევთ, უკვე აზრი არ აქვს რამის გაკეთებას, ხალხი პანიკაშია!”- შიმშილის ზღვარზე მყოფი მარნეულელები
სრული კარანტინის გამოცხადების შემდეგ, მარნეულის მოსახლეობა უკიდურეს გაჭირვებაშია. უმრავლესობა თავს ვაჭრობით ირჩენდა, ახლა კი იძულებულია მოსავალი ძროხებსა და ღორებს აჭამოს.
“ბროკოლი დღეს 14 ლარი ღირდა კარფურში, მე ღორებს ვაჭმევ, არადა დღე და ღამე ვმუშაობთ, მუშებს ვქირაობთ, მაგრამ უკვე აზრი არ აქვს არაფრის გაკეთებას”-აცხადებს ჩვენთან საუბარში მარნეულის მკვიდრი, დავით ოღოსიანი.
Itv.ge : რა პრობლემების წინაშე დადექით საგანგებო მდგომარეობის გამოცხადების შემდეგ?
დავით ოღოსიანი: ვერ ვყიდით ჩვენივე მოყვანილ მოსავალს, გვიფუჭდება ყველაფერი, ბანკში სესხები გვაქვს.. 40000 დოლარი მაქვს ვალი და როგორ შევძლებ ამის გადახდას? მანქანა გამოვიყვანე სესხით რომ გამეყიდა ჩემი პროდუქცია, მაგრამ იმასაც ვეღარ ვიხდი.
არ ვიცი რა ვქნა, 3 შვილი მყავს, ქირით ისეთი დიდი მიწები მაქვს აღებული, იქაც ცალკე თანხა მაქვს გადასახდელი.
Itv.ge: ადგილობრივი მთავრობა არის თუ არა საქმის კურსში და რაიმე სახით თუ გეხმარებათ?
დავით ოღოსიანი: იციან როგორ არა. თურქული კიტრი ღირს 5 ლარი და ადგილზე 1.50 თეთრად ვერ ყიდის ხალხი. ბროკოლი 14 ლარი ღირდა კარფურში, მე ღორებს ვაჭმევ, დღე და ღამე ვმუშაობთ, მუშებს ვქირაობთ, მაგრამ უკვე აზრი არ აქვს არაფრის გაკეთებას.
აი რო ნახოთ ტერიტორია, რამდენია დათესილი და როგორი მოწესრიგებულია, გული დაგწყდებათ.. საქათველოში ძალიან ცოტა თუ იქნება ესე კარგად მოვლილი ვენახები და მიწები. ამაში ხო შრომა და თანხებია ჩადებული..
Itv.ge: რაში ხედავთ გამოსავალს, რისი იმედი გაქვთ?
დავით ოღოსიანი: ჩემი პრობლემა ბაზარი რომ გაიხსნას მოგვარდება, გავიტან და გავყიდი , რა მნიშვნელობა აქვს ხალხი კარფურში ივლის თუ ბაზარში, როგორც ვნახეთ იქ არავინ არ იცავს დისტანციას, ჩემი აზრით, ბაზარი უფრო უსაფრთხოა, გაშლილი სივრცეა და ადგილიც უფრო დიდი, ვერ ვიგებ რა აზრი აქ ბაზარში შეიკრიბება ეს ხალხი თუ კარფურში
Itv.ge: აპირებთ თუ არა ფასების გაზრდას მას შემდეგ, რაც მოიხსნება საგანგებო მდგომარეობა და ბაზარში გასვლას შეძლებთ?
დავით ოღოსიანი: არა, პირიქით, გაიაფდება ყველაფერი, მაგრამ აზრი არ აქვს უკვე. ზოგიერთებმა საერთოდ გაანებეს თავი , არც რწყავენ და არაფერი , იმიტომ რომ აღარ უღირთ, მე მაგალითად 2 ღორი მყავს, ყოველ დღე 300 ლარის ბროკოლს ვაჭმევ და ძალიან ბევრია ამ მდგომარეობაში. ხალხი პანიკაშია.
კომენტარები