„თეგეტა მოტორსში“ 27 აპრილიდან საგაზაფხულო ფასდაკ...
ზაფხულის მოახლოებასთან ერთად, გზებზე მობილობა მეტად ინტენსიური ხდება. შესაბამისად, იცვლება ავტომობილის მოვლის სპეციფიკა. უსაფრთხოდ და კომფორტულად მგზავრობისთვის მძღოლებმა ყურადღება უნდა...
|
თბილისი, 25 სექტემბერი, 2017 - საქართველოს ბანკმა და საინვესტიციო ჯგუფმა „ბიჯეო“ განაცხადეს ახალი დანიშვნების შესახებ მმართველ გუნდებში. კერძოდ, საქართველოს ბანკის გენერალური დირექტორის მოადგილის პოსტზე ფინანსური მიმართულებით ინიშნება დავით წიკლაური, გენერალური დირექტორის მოადგილის პოსტზე საოპერაციო მიმართულებით - ლევან ყულიჯანიშვილი და ბანკის გენერალური დირექტორის მოადგილის პოსტზე კორპორაციული და საინვესტიციო საბანკო საქმიანობის მიმართულებით - ვასილ ხოდელი. დავით წიკლაური და ლევან ყულიჯანიშვილი უკვე არიან საქართველოს ბანკის დირექტორთა საბჭოს წევრები, ხოლო ვასილი აქამდე ბანკის კორპორაციული საბანკო მომსახურების დეპარტამენტს ხელმძღვანელობდა. ხსენებული დანიშვნები ძალაში შევა საქართველოს ეროვნული ბანკის მიერ მათი დამტკიცებისთანავე. საინვესტიციო ჯგუფის „ბიჯეო“ მიერ ივლისში გამოცხადებული გადაწყვეტილების თანახმად, რომლის შედეგადაც კომპანია განვითარდება ორი ცალ-ცალკე, დამოუკიდებელი მიმართულებით (საბანკო ბიზნესი და საინვესტიციო ბიზნესი), ინიშნება ჯგუფის ახალი ფინანსური დირექტორი - ლევან ყულიჯანიშვილს ამ პოზიციაზე შეცვლის გიორგი ალფაიძე, რომელიც აქამდე ჯგუფის ფინანსების, ფინანსური სახსრების მოზიდვისა და ინვესტორებთან ურთიერთობას ხელმძღვანელობდა.
„მოხარული ვარ, რომ ხსენებული დანიშვნები ცხადყოფს იმ ფაქტს, რომ კომპანიაში ბევრი ნიჭიერი მენეჯერი გვყავს. მას მერე, რაც საინვესტიციო ჯგუფმა „ბიჯეო“, გამოაცხადა მისი გადაწყვეტილების შესახებ განვითარდეს ორი ცალ-ცალკე, დამოუკიდებელი მიმართულებით - საბანკო ბიზნესი და საინვესტიციო ბიზნესი, დარწმუნებული ვარ, ფინანსური დირექტორის ფუნქციის გამოყოფა და ბანკის მმართველი გუნდის განახლება კიდევ უფრო ხელს შეუწყობს ორივე მიმართულების დამოუკიდებლად წარმატებით ზრდას“, განაცხადა საქართველოს ბანკის სამეთვალყურეო საბჭოს თავმჯდომარემ და საინვესტიციო ჯგუფის „ბიჯეო“ გენერალურმა დირექტორმა, ირაკლი გილაურმა.
„მინდა მივულოცო ახალ თანამდებობაზე დანიშვნა დავითს, ლევანს და ვასილს და ასევე მივესალმო ახალი წევრის შემოერთებას ბანკის მმართველ გუნდში. თითოეულ მათგანს აქვს მნიშვნელოვანი პროფესიონალური და ლიდერობის გამოცდილება, რაც, დარწმუნებული ვარ, უზრუნველყოფს ბანკის შემდგომ წარმატებას. მოუთმენლად ველი მუშაობის დაწყებას განახლებულ გუნდთან, ბანკის სტრატეგიული მიზნების განხორციელებისთვის“, განაცხადა საქართველოს ბანკის გენერალურმა დირექტორმა, კახა კიკნაველიძემ.
დავით წიკლაური, ამჟამად საქართველოს ბანკის გენერალური დირექტორის მოადგილე კორპორაციული და საინვესტიციო საბანკო საქმიანობის მიმართულებით, ბანკს შემოუერთდა 2017 წელს. მანამდე, დათო იკავებდა გენერალური დირექტორის მოადგილის პოსტს თიბისი ბანკში, უფრო ადრე კი მუშაობდა კაპიტალის ბაზრებისა და ხაზინის გადაწყვეტილებების ვიცე- პრეზიდენტის პოზიციაზე „დოიჩე ბანკში“, რომელსაც შეუერთდა 2008 წელს, სავალო კაპიტალის ბაზრების დეპარტამენტში. დავითს აქვს ლონდონის ბიზნეს სკოლის მაგისტრის ხარისხი ბიზნესის მართვაში.
ლევან ყულიჯანიშვილი, შემოუერთდა საქართველოს ბანკს 1997 წელს და აქამდე მოღვაწეობდა ჯგუფის ფინანსური დირექტორისა და ფინანსური მიმართულებით გენერალური დირექტორის მაოდგილის პოსტებზე. მისი 20 წლიანი გამოცდილებისას საქართველოს ბანკში, ლევანს ეკავა არაერთი წამყვანი პოზიცია, მათ შორის: შესაბამისობის უზრუნველყოფისა და შიდა კონტროლის ხელმძღვანელი, შიდა აუდიტის დეპარტამენტის ხელმძღვანელი, ფინანსური მონიტორინგის, სტრატეგიისა და დაგეგმარების დეპარტამეტნის ხელმძღვანელი და ფინასური ანალიზის დეპარტამენტის ხელმღვანელის პოზიცია. ლევანი ფლობს გრენობლის ბიზნეს სკოლის მაგისტრის ხარისხს ბიზნესის მართვაში.
ვასილ ხოდელი, ამჟამად საქართველოს ბანკის კორპორაციული საბანკო მომსახურების დეპარტამენტის დირექტორს, აქვს 20 წელზე მეტი ხნის გამოცდილება საბანკო სექტორში. საქართველოს ბანკში ვასილს ეკავა სხვადასხვა თანამდებობა 2004 წლიდან. ვასილი აქტიურად იყო ჩართული კორპორაციული საბანკო მომსახურების პლატფორმის ჩამოყალიბებაში, მისი დაარსებიდან. ვასილი ფლობს გრენობლის ბიზნეს სკოლის მატისტრის ხარისხს ბიზნესის მართვაში.
გიორგი ალფაიძე, ამჟამად ჯგუფის ფინანსების, ფინანსური სახსრების მოზიდვის და ინვესტორებთან ურთიერთობის ხელმძღვანელი. გიორგის აქვს მნიშვნელოვანი საერთაშორისო გამოცდილება საბანკო საქმიანობაში, ფინანსურ აღრიცხვასა და ფინანსების მართვაში. გიორგი შემოუერთდა კომპანიას 2016 წელს, Ernst & Young LLP-ის ნიუ იორკში არსებული ოფისიდან, სადაც მუშაობდა უფროს მენეჯერად და ემსახურებოდა საერთაშორისო და ადგილობრივ ფინანსურ ინსტიტუტებს. გიორგიმ კარიერა დაიწყო Ernst & Young-ის საქართველოს ოფისში და სამუშაოდ გადავიდა აშშ-ს ოფისში 2010 წელს. გიორგი ფლობს აშშ-ს სერტიფიცირებული საჯარო ბუღალტრის წოდებას და ESM თბილისის ბაკალავრის ხარისხს ბიზნესის ადმინისტრირებაში.
ზაფხულის მოახლოებასთან ერთად, გზებზე მობილობა მეტად ინტენსიური ხდება. შესაბამისად, იცვლება ავტომობილის მოვლის სპეციფიკა. უსაფრთხოდ და კომფორტულად მგზავრობისთვის მძღოლებმა ყურადღება უნდა...
1 მაისს, AD BLACK SEA-ის ორგანიზებით და თიბისის მხარდაჭერით, დიზაინის საერთაშორისო ფესტივალი გაიმართება. ფესტივალი დიზაინის რამდენიმე მიმართულებას გააერთიანებს: გრაფიკული დიზაინი, UX/UI , ილუსტ...
Თიბისის მობაილბანკს ახალი ფუნქციონალი დაემატა - ახლა უკვე ნაკრების და სახელფასო ბარათის განახლება პირდაპირ აპლიკაციიდან არის შესაძლებელი. Მსგავსი ფუნქციონალები მობაილბანკში ადამიანებს ყოველდღიურობის ...
თიბისის მხარდაჭერით, საბურთალოზე მულტიფუნქციური კომპლექსი “სიმეტრია ჯიქია” შენდება. კომპლექსი 3 მიმართულებას აერთიანებს: საცხოვრებელ და კომერციულ სივრცეებსა და ბიზნეს ცენტრს. კომპ...
25-დან 28 აპრილის ჩათვლით, თიბისი კონცეპტის ნებისმიერი ბარათით შოპინგისას, დაიბრუნეთ თანხის 20%, მაქსიმუმ 500 ლარი extra.ge -ზე. ქეშბექთან ერთად, მომხმარებელს სააღდგომოდ, განსაკუთრებული ფასდაკლებებიც ...
საერთაშორისო ეჯაილ სამიტამის ჩატარებამდე ერთი დღე რჩება. ხვალ თბილისში წლის ყველაზე მასშტაბური ეჯაილ ღონისძიება „International Agile Summit Vol. 3“ გაიმართება. ღონისძი...
თიბისიმ სარესტორნო ბიზნესში შეკვეთის გადახდის პროცესი გაამარტივა QR-ით გადახდების მეთოდით და მომხმარებლის გამოცდილება გაცილებით მოსახერხებელი და სასიამოვნო გახადა. QR-ით გადახდისას, მომხმარებელ...
კომენტარები