0 0 : 5 0
სარეკლამო ადგილი - 21
620 x 80
 | 

მსოფლიო

კალაძის ინტერესებს ადამიანთა სიცოცხლე ეწირება - გარდაცვლილია 86, მათ შორის ბავშვები

კახი კალაძისა და ბიზნესმენ ხვიჩა მაქაცარიას კუთვნილი ყაზტრანსგაზის თანამშრომელთა დაუდევრობის გამო, 4 ადამიანი გარდაიცვალა, მათ შორის ერთი ბავშვია.

ოფიციალური ინფორმაციით, გაზის გაჟონვა-აფეთქების შედეგად, ბოლო სამ წელიწადში სულ 86 ადამიანი დაიღუპა - ქალები, ბავშვები, მოხუცები...

ხოლო 2012 წლის შემდეგ, გაზის გაჟონვით გარდაცვლილთა რაოდენობა ბევრად მეტია, ვიდრე 86...

სისხლიანი მილიონები თბილისის მერს

კომპანია ყაზტრანსგაზი ყაზახ ბიზნესმენებს ეკუთვნოდათ, თუმცა, ქართული ოცნების ხელისუფლებამ ისინი, შეიძლება ითქვას, ბიზნესიდან გააძევა.

სამაგიეროდ, ოლიგარქმა ივანიშვილმა, ყაზტრანსგაზი კახი კალაძესა და მის მეგობარ ბიზნესმენს, ხვიჩა მაქაცარიას გადასცა - მუდმივი მორჩილების ნიშნად.

თბილისის მერმა კი, კომპანიაში არაკომპეტენტური ხალხი დაასაქმა, რამაც სისტემის მოშლა და დაუდევრობის ფაქტების მკვეთრი ზრდა გამოიწვია.

სამწუხარო კი ისაა რომ კახი კალაძის ბიზნეს-ინტერესებსა და მილიონებს, ადამიანების სიცოცხლე ეწირება, რაც დიდ დიღომში მომხდარმა აფეთქებამაც გვაჩვენა.

მივა თუ არა, გამოძიება კალაძემდე და მაქაცარიამდე?

4 ადამიანის გარდაცვალებისა და აფეთქების შემდეგ პოლიციამ გამოძიება დაიწყო, თუმცა, დიდი ალბათობით, ეს მხოლოდ ფორმალური პროცედურა იქნება.

მაგალითად, ივანიშვილის ყოფილ ბუღალტერს, გიორგი გახარიას ამ დრომდე არ მიუყვანია გამოძიება ბოლომდე, ფონიჭალაში მომხდარი აფეთქების ფაქტზე, რომელსაც ასევე მოჰყვა მსხვერპლი.

ამიტომ, სავარაუდოდ, გახარია მასალებს შეაგროვებს და მაქსიმუმ ორ საწყალ მუშაზე გადატეხს ჯოხს, რომლებმაც აფეთქებამდე რამდენიმე საათით ადრე კორპუსი დაათვალიერეს და „საშიში ვერაფერი აღმოაჩინეს“, მიუხედავად გაზის სუნისა.

ეს კი იმას ნიშნავს რომ კახი კალაძისა და ხვიჩა მაქაცარიას წინააღმდეგ მასალები იარსებებს, მაგრამ მას მსვლელობა არ მიეცემა. არადა, დადასტურებულად შეიძლება ითქვას რომ თბილისის მერს კორუფციული და ბიზნეს-ინტერესები აქვს ყაზტრანსგაზში. 

ტრაგედია მთავარი დამნაშავის გარეშე

4 წლის ბიჭუნა სახლში დედასთან და ტყუპისცალ დასთან ერთად იმყოფებოდა. კალაძე-მაქაცარიას კუთვნილი ყაზტრანსგაზის დაუდევრობით მომხდარმა აფეთქებამ კი, მისი სიცოცხლე იმსხვერპლა.


ექიმები რამდენიმე საათის განმავლობაში ცდილობდნენ 4 წლის ბიჭის გადარჩენას, მაგრამ ვერ შეძლეს - აფეთქების შედეგად მიღებული დაზიანებები ბავშვისთვის სიცოცხლესთან შეუთავსებელი აღმოჩნდა. სამწუხაროდ, გაზის გაჟონვამ იმსხვერპლა 4 წლის ბიჭის დედაც. 

მძიმედ იყო გარდაცვლილი ბიჭის ტყუპისცალი დაც.  საბედნიეროდ, ახლა მისი მდგომარეობა შედარებით სტაბილურია და ექიმთა განცხადებით, ის კარგად იქნება.

თუმცა, დიდი ალბათობით, ეს ტრაგედია არ მოხდებოდა, თბილისის მერს რომ მეტი ყურადღება გამოეჩინა. კერძოდ, გაერკვია, რატომ შეიყვანეს დიდ დიღომში, ავთანდილის ქუჩაზე მდებარე კორპუსში, რომელიც ექსპლუატაციაში არ იყო მიღებული, გაზი, ერთი წლის წინ.

და რაც მთავარია, კახი კალაძე რომ მეტ ყურადღებას უთმობდეს კომპეტენტურ, პროფესიონალ ხალხს და არა თავის სამეგობროსა და ყაზტრანსგაზიდან მიღებულ მილიონებს, შესაძლოა, თავიდან აგვეცილებინა მომხდარი ტრაგედია და შესაძლოა, ახლა, 4 წლის ბიჭი, დედასთან ერთად, ცოცხალიც ყოფილიყო.


კომენტარები

მსგავსი სიახლეები

  • 11:06

    რუსებმა ხერსონი დაბომბეს - დაზიანდა მინიმუმ 15 სა...

    რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს.­ ხერსონის რეგიონული სამხედრ...

  • 14:56

    ,,არ იქნება დენი, საკვები, საწვავი" - ისრაელი ღაზი...

    ისრაელის თავდაცვის მინისტრის, იოავ გალანტის განცხადებით, ღაზის სექტორის სრული ბლოკადის განკარგულება გასცა. „ღაზის სექტორის სრული ბლოკადის განკარგულება გავეცი. არ იქნება ელექტროენერგია, საკვები, ...

  • 13:15

    რამზან კადიროვმა 24 წლის ქალიშვილი ჩეჩნეთის ვიცე-პ...

    ჩეჩნეთის ლიდერის, რამზან კადიროვის 24 წლის ქალიშვილი აიშატ კადიროვა ჩეჩნეთის რესპუბლიკის ვიცე-პრემიერი გახდა. ინიციატივა ჩეჩნეთის პარლამენტის თავმჯდომარეს ეკუთვნის, რომელმაც წინადადება გაფართოებუ...

  • 22:28

    27 წლის ქართველი გოგო გერმანიაში ჯგუფურად გააუპატი...

    გერმანიაში ქართველი ქალის ჯგუფური გაუპატიურების საქმე სასამართლოში გადაიგზავნა - გერმანელმა პროკურორებმა შემზარავი დანაშაულის ახალი გარემოებები დაადგინეს. 27 წლის ქართველი გოგო ჯგუფურად მეუღლის თვალწი...

  • 17:57

    ევროკავშირმა რუსეთის წინააღმდეგ დაწესებული სანქციე...

    ევროკავშირის განცხადებით, რუსეთის ფედერაციის წინააღმდეგ დაწესებული სანქციები კიდევ 6 თვით გახანგრძლივდა. განცხადებაში აღნიშნულია, რომ სანქციების მოქმედების გაგრძელების შესახებ გადაწყვეტილება უკრაინის ...

  • 13:41

    ვოლოდიმირ ზელენსკი - არის სიგნალი, რომ, შესაძლოა, ...

    არის სიგნალი, რომ, შესაძლოა, რუსეთში კიდევ ერთი ამბოხება, რევოლუცია მოხდეს, - ამის შესახებ უკრაინის პრეზიდენტმა, ვოლოდიმირ ზელენსკიმ ABC News-თან ინტერვიუში განაცხადა. მისი თქმით, ბევრი ადამიანია...

  • 12:17

    თეთრი სახლი - არ გვინახავს ნიშანი, ხმამაღალი რიტორ...

    შეერთებულ შტატებს არ მიაჩნია, რომ რუსული ძალების მიერ ზაპოროჟიეს ატომური ელექტროსადგურის აფეთქების საფრთხე „გარდაუვალია“, - ამის შესახებ თეთრი სახლის სტრატეგიული კომუნიკაციების კოორდი...