რუსებმა ხერსონი დაბომბეს - დაზიანდა მინიმუმ 15 სა...
რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს. ხერსონის რეგიონული სამხედრ...
ვინ არის პანკისში ტრაგიკულად დაღუპული 10 წლის გოგონა - "ოჯახს 5 შვილი ჰყავს"
პანკისის ხეობაში, სოფელ წინუბაში უბედური შემთხვევის შედეგად 11 წლის გოგონა გარდაიცვალა. შემთხვევა იმ დროს მოხდა, როდესაც მოზარდი ძმასთან ერთად თამაშობდა. გოგონა სახურავზე ნივთის ასაღებად ავიდა, რა დროსაც თავსაბურავით ჩამოეკიდა. საშველად მისულ ოჯახის წევრებს იგი გარდაცვლილი დახვდათ.
"ოჯახს 5 შვილი ჰყავს, ეს გოგონა ყველაზე უფროსია. დედა ბაღში უმცროსი შვილის გამოსაყვანად იყო წასული, რა დროსაც ეს ტრაგედია მოხდა, მას დასახმარებლად დაუძახეს. ყველა მივედით ადგილზე, თუმცა გოგონა უკვე გარდაცვლილი იყო. დახმარება ვეღარ შევძელით. ერთ სართულიანი სახლი აქვთ, გვერდზე პატარა სათავსოთი და ეს უბედური შემთხვევაც იქ მოხდა. ბავშვები ამბობენ, რომ იქ აძრომას ცდილობდა და სწორედ მაშინ ჩამოეკიდა ჰიჯაბით. საშინელებაა, მთელი სოფელი განვიცდით. უკარგესი ბავშვი იყო. ეს რატომ უნდა მომხდარიყო" - განუცხადა ამბებს ოჯახის ახლობელმა.
გარდაცვლილი გოგონა აიშათ ბაღაკაშვილია. მოზარდს მისი მასწავლებელი დადებითად ახასიათებს.
"ძალიან წესიერი ხალისიანი და სიცოცხლით სავსე ბავშვი იყო, ჩემი გამორჩეული მოსწავლე. უბედურმა შემთხვევამ იმსხვერპლა"- განაცხადა გარდაცვლილი ბავშვის მასწავლებელმა ლუიზა მუთოშვილმა.
კომენტარები