2 1 : 2 8
სარეკლამო ადგილი - 21
620 x 80
 | 

ბიზნესი

„თეგეტა“ საერთაშორისო ბაზრებზე - ქართული კომპანია გლობალური გეგმებით

 

„თეგეტა ჰოლდინგი“ საერთაშორისო ვაჭრობას ოთხ კონტინენტზე ახორციელებს. უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს.

კომპანიის პრიორიტეტი, გეოგრაფიულ განვითარებასთან ერთად, მსოფლიოს უმსხვილეს და წამყვან ბრენდებთან თანამშრომლობის გაღრმავება. „თეგეტა“ საქართველოში და მის ფარგლებს გარეთ ისეთ ბრენდებს წარმოადგენს, როგორებიცაა -MAZDA, VOLVO, PORSCHE, TOYOTA, GEELY ... ასევე, ქვეყანაში 300-ზე მეტი წამყვანი საავტომობილო ბრენდის უმსხვილესი იმპორტიორია - მათ შორის არის MOTUL, MOBIL, SHELL და სხვა. სპეცტექნიკის მიმართულებით კი ჰოლდინგის პარტნიორები არიან: MAN, JCB, HINO, Liebherr, BOMAG და სხვები. ძირითადი საქმიანობის გარდა, „თეგეტა“ რეგიონში ცოდნის ექსპორტსაც ახორციელებს. ამის დასტურია 50 საერთაშორისო ტრენინგი, რომლებსაც „თეგეტა აკადემიამ“ გასულ წელს უმასპინძლა.

საერთაშორისო ბაზრებზე კიდევ უფრო მეტად განვითარება კომპანიის სტრატეგიულ პრიორიტეტებშია. ამ გეგმის რეალიზაციის პროცესში 2024 წლის დასაწყისი განსაკუთრებით მნიშვნელოვანი იყო. იანვრიდან „თეგეტა მოტორსი“ აზერბაიჯანში MOTUL-ის ოფიციალური წარმომადგენელი გახდა. ფრანგული ბრენდის პროდუქცია უკვე ხელმისაწვდომია როგორც კომპანიის წარმომადგენლობაში, ისე კორპორაციული და საბითუმო გაყიდვების საშუალებით.

„თეგეტა“ MOTUL-ს საქართველოში 2010 წლიდან წარმოადგენს და მსუბუქი ავტომობილების მიმართულებით ლიდერის პოზიციას იკავებს. 2021 წელს კომპანიამ MOTUL-ის 310 ტონა ზეთი გაყიდა, 2022-ში - 400 ტონა, გასული წელი კი რეკორდული მაჩვენებლით დაასრულა და 2023 წელს საქართველოში „მოტულის“ დაახლოებით 600 ტონამდე ზეთი გაიყიდა. გეოგრაფიული არეალის გაფართოება და რეგიონის ბაზრებზე შესვლა სწორედ ამ წარმატებული და შედეგიანი თანამშრომლობის გაგრძელებაა. სამომავლოდ კომპანია ქსელის კიდევ უფრო მეტად გაფართოებას გეგმავს - სომხეთისა და უზბეკეთის ბაზრების მიმართულებით.

მანამდე კი „თეგეტამ“ უზბეკეთში უკვე ხელმისაწვდომი გახადა ამერიკული ბრენდი Mobil. ბაზარზე უკვე შეტანილია Mobil-ის 70 დასახელების პროდუქტი, მომდევნო წლისთვის კი ასორტიმენტის გაორმაგებაა დაგეგმილი. გეგმა აქაც ამბიციურია - კომპანია 3-4 წლის პერსპექტივაში Mobil-ის 7-8 მილიონი ლიტრი პროდუქტის რეალიზაციასა და უზბეკეთის ბაზრის სრულად დაფარვას აპირებს.

35-მილიონიანი უზბეკეთი, რომელიც სწრაფად მზარდია წარმოების მიმართულებით და ასევე სწრაფად ვითარდება ინდუსტრიული კუთხითაც, თავისთავად საინტერესო ბაზარია ნებისმიერი დიდი ბრენდისთვის. თუმცა Mobil-ისთვის, ისევე, როგორც „თეგეტასთვის“, ამა თუ იმ ქვეყანაში შესასვლელად მხოლოდ ბაზრის სიდიდე საკმარისი პირობა არ არის. გადაწყვეტილებას რამდენიმე ფაქტორი განაპირობებს: ეკონომიკური განვითარების ტემპი, საბანკო სისტემა, კორუფციის ინდექსი, ბიზნესისთვის ხელსაყრელი პირობები და თავისუფლების ინდექსი. ასევე მნიშვნელოვანია, რამდენად განვითარებულია ქვეყანაში საავტომობილო სფერო და ის ინდუსტრიები, რომლებშიც „მობილის“ საცხებ-საპოხი საშუალებები გამოიყენება.

ვახტანგ კაჭარავა, „თეგეტა ჰოლდინგის“ აღმასრულებელი დირექტორი: კავკასიის შემდეგ ჩვენი განვითარება ცენტრალური აზიის ქვეყნებში რამდენიმე მიზანს აერთიანებს. გარდა იმისა, რომ უზბეკეთის ბაზარი თავისთავად საინტერესო იყო ბიზნესის გაფართოების თვალსაზრისით, გვსურს, ჩვენი წვლილი შევიტანოთ ე.წ. აბრეშუმის დერეფნის განვითარებაშიც.

ამასთანავე, „თეგეტას“ საერთაშორისო ბაზრებზე გაფართოება შეუქცევადი პროცესია. ჩვენ ბიზნესს გლობალურად ვუყურებთ. ვფიქრობთ, კომპანიამ მნიშვნელოვანი როლი უნდა შეასრულოს როგორც ქვეყნის, ისე რეგიონის მასშტაბით ავტოინდუსტრიის განვითარების პროცესში.

ეს მიდგომა მნიშვნელოვანია იმ მსოფლიო ბრენდებისთვისაც, რომლებთანაც „თეგეტა ჰოლდინგი“ თანამშრომლობს. საქართველო, რომელიც რეგიონში ლიდერია, მათთვის ერთგვარ პლატფორმად ვაქციეთ“.

უზბეკეთიდან დაიწყო გეოგრაფიული არეალის გაფართოება „თეგეტა ჰოლდინგის“ შვილობილმა Europcar Georgia-მაც. ის საერთაშორისო ბრენდის Europcar Mobility Group-ის ექსკლუზიური წარმომადგენელია საქართველოში, ხოლო 2023 წლიდან - უზბეკეთის ტერიტორიაზე. კომპანიის ბიზნესპროფილია ავტომობილების გაქირავება როგორც დღიურად, ისე საოპერაციო ლიზინგით და, აგრეთვე, სატრანსპორტო მომსახურება. Avtoritet Group-მა უკვე დაასრულა დეველოპერული სამუშაოები უზბეკეთში. Europcar საწყის ეტაპზე რამდენიმე ფილიალითაა წარმოდგენილი ტაშკენტის აეროპორტსა და ქალაქის ცენტრში. იგეგმება ქვეყნის მასშტაბით სხვა დიდ ქალაქებში ოპერირებაც.

უზბეკეთს უკვე წლებია პრემიუმ კლასის ავტომობილებით ამარაგებს „ვოლვო ქარ კავკასია“. ის შვედური ბრენდის ოფიციალური იმპორტიორია სომხეთსა და აზერბაიჯანშიც. თუმცა კომპანიის გაფართოება ამით არ სრულდება. მალე VOLVO ყაზახეთშიც გამოჩნდება. მოლაპარაკებები უკვე დასრულებულია და სერვისის დასანერგად მოსამზადებელი სამუშაოები მიმდინარეობს. მომსახურება მოიცავს NEW CAR SALES + სერვისის დანერგვას, შესაბამისად, უზბეკეთში მომხმარებელს VOLVO-ს სტანდარტების მომსახურების მიღება შეეძლება.

ვახტანგ კაჭარავა, „თეგეტა ჰოლდინგის“ აღმასრულებელი დირექტორი: „თეგეტა“ მუდმივად უწყობს ფეხს თანამედროვე მოთხოვნებს. მინდა აღვნიშნო Volvo Retail Experience-ის - „ვოლვო ქარ საქართველოს“ სრულიად ახალი კონცეპტუალური შოურუმი. ის პირველი ლოკაციაა კავკასიის რეგიონში, რომელიც VRE კონცეფციით შეიქმნა და იმ შოურუმების ანალოგია, რომლებიც ბრენდის სამშობლოში, შვედეთშია წარმოდგენილი. მსგავსი ცენტრების გახსნას „ვოლვო ქარ კავკასია“, რეგიონის ქვეყნებშიც გეგმავს. კომპანია აზერბაიჯანს, სომხეთსა და უზბეკეთსაც ფარავს. ჩამონათვალს უკვე შეემატა ყაზახეთი.

საერთაშორისო ბაზრებზე განვითარება-გაფართოებაზე ჰოლდინგის შემადგენლებაში არსებული ყველა კომპანია მუშაობს. რესურსი დიდია - „თეგეტა“ ექსკლუზიურად წარმოადგენს ცნობილ ბრენდებს როგორც მსუბუქი, ისე სატვირთო და სპეცტექნიკის მიმართულებით. „თეგეტა“ მსოფლიოს 300-ზე მეტი წამყვანი საავტომობილო ბრენდის უმსხვილესი იმპორტიორია საქართველოში“.

„თეგეტა ჰოლდინგის“ საქმიანობის არეალი მრავალფეროვანია. კომპანიას მრავალწლიანი გამოცდილება აქვს მუნიციპალური ტრანსპორტის მიმართულებითაც. „თეგეტას“ განახლებული მუნიციპალური ტრანსპორტით უკვე სარგებლობს ერევნის მილიონზე მეტი მოსახლე. MAN-ის ბრენდის ავტობუსები „თეგეტამ“ ქალაქს საერთაშორისო ტენდერის ფარგლებში მიაწოდა. სატრანსპორტო რეფორმა სომხეთის დედაქალაქში ევროპის რეკონსტრუქციისა და განვითარების ბანკის (EBRD) ხელშეწყობით ხორციელდება. ქართული კომპანია, გერმანული ბრენდის ოფიციალური დისტრიბუტორია, თავად MAN კი უსაფრთხოებითა და თანამედროვე ტექნიკური მახასიათებლებით გამორჩეულ ავტობუსებს აწარმოებს. MAN Lion’s City 12C ტიპის 87 ავტობუსი ერევნის არსებული სატრანსპორტო ქსელის ძირითად მარშრუტებზე გადაადგილდება.

„თეგეტამ“ სომხეთი არამხოლოდ ავტობუსებით მოამარაგა. „თეგეტა აკადემიამ“ MAN-ის ადგილობრივი მექანიკოსებისა და სერვისის პერსონალისთვის ტრენინგებიც ჩაატარა.

კომპანიას წინ დიდი გეგმები აქვს. მათ შორის აღსანიშნავია რეგიონული ჰაბის კონცეფცია, რომელზეც მუშობა აქტიურად მიმდინარეობს. ეს იქნება "თეგეტას" კომპლექსური ლოგისტიკური ჰაბი, რომლითაც მეზობელ სახელმწიფოებსაც მოემსახურება.

ჰოლდინგმა 28-წლიანი ისტორიის გზაზე არა მხოლოდ გააფართოვა საქმიანობის არეალი, არამედ რეგიონის მასშტაბით ავტომომსახურების მაღალი სტანდარტი შექმნა, რომელიც ტრანსპორტის სფეროში ხარისხის საზომად იქცა.

--

თეგეტა ჰოლდინგის შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით თეგეტას 28 სერვის ცენტრი აქვს, ხოლო საერთაშორისო ვაჭრობას ჰოლდინგი ოთხ კონტინენტზე ახორციელებს. თეგეტა ექსკლუზიურად წარმოადგენს ცნობილ ბრენდებს Porsche, Volvo, Toyota, Mazda. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO, Liebherr, BOMAG და სხვები. თეგეტა მსოფლიოს 300-ზე მეტი წამყვანი საავტომობილო ბრენდის უმსხვილესი იმპორტიორია საქართველოში. თეგეტა ჰოლდინგი, 3000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.

 

 

კომენტარები

მსგავსი სიახლეები

  • 19:19

    დააზღვიე სახლი მარტივად და სწრაფად! - თიბისი დაზღვ...

    ამიერიდან, “თიბისი დაზღვევაში”  მომხმარებლებს შეუძლიათ ონლაინ, სწრაფად და მარტივად დააზღვიონ სახლი.   პოლისის ფარგლებში შენ აზღვევ: კონსტრუქციულ ელემენტებს, რემონტს, საყოფაცხოვრ...

  • 13:04

    Geely Sakartvelo მომხმარებელს ერთწლიან შიდა უპროცე...

    „თეგეტა ჰოლდინგის“ შვილობილი კომპანიის, Geely Sakartvelo-ს, მომხმარებლებს შესაძლებლობა აქვთ, ერთწლიანი შიდა უპროცენტო ლიზინგით ისარგებლონ. კომპანიებზე კი განსაკუთრებული შეთავაზებები მოქმე...

  • 20:39

    საერთაშორისო გამოცემამ Euromoney თიბისი საქართველო...

    მსოფლიოში წამყვანმა საბანკო და ფინანსურმა გამოცემამ Euromoney, თიბისი, ციფრული ბანკის მიმართულებით, საქართველოში საუკეთესოდ დაასახელა. თიბისიმ აღიარება ციფრულ საბანკო სერვისებში ლიდერობით მო...

  • 21:16

    თიბისი უზბეკეთი ფინანსური პროდუქტების გაფართოებისთ...

    უზბეკეთის ერთადერთმა, ექსკლუზიურად მობილურ აპლიკაციაზე დაფუძნებულმა ბანკმა, თიბისი ბანკი უზბეკეთი, რომელიც ლონდონის საფონდო ბირჟაზე დალისტულ თიბისი ბანკის ჯგუფს ეკუთვნის, ახალი კაპიტალის ინვესტირებით...

  • 21:15

    თიბისი ტექსკოლა: სწავლობ და ქმნი მარტივად...

    ტექსკოლა თიბისის საგანმანათლებლო ინიციატივაა. ტექსკოლაში უფროსკლასელები ეუფლებიან ტექნოლოგიებს, იღებენ პირველ გამოცდილებას, ივითარებენ და იძენენ ახალ უნარებს, იღრმავებენ ინტერესებს, ისახავენ მიზნებს,...

  • 19:31

    თიბისი კონცეპტის საზაფხულო შეთავაზებები ბათუმში...

    წელს ბათუმი უკვე მე-17 შავი ზღვის ჯაზ ფესტივალს მასპინძლობს, რომლის ერთგული მხარდამჭერიც, კვლავაც, თიბისი კონცეპტია. ისე როგორც ყოველ ზაფხულს, თიბისი კონცეპტი მოხმარებელს, წელსაც განსაკუთრებულ საზაფხ...

  • 19:29

    თიბისის პარტნიორი თეთრეულისა და ტექსტილის დასუფთავ...

    საქართველოში სასტუმროების ბიზნესი ერთ-ერთი ყველაზე დინამიკური, სწრაფად განვითარებადი სფეროა. ოფიციალური სტატისტიკის მიხედვით, ქვეყანაში, წლის განმავლობაში, სასტუმროებით 5 მილიონამდე უცხოელი და ადგილო...