გარემოს ეროვნული სააგენტო საქართველოს შავი ზღვის ა...
ბულგარეთის და საქართველოს შავი ზღვის აკვატორიებში წყლის ხარისხი ნორმის ფარგლებშია, - ამის შესახებ ინფორმაციას გარემოს ეროვნული სააგენტო ავრცელებს. „ბულგარეთში, ქ. ბურგასში, გაეროს სურსათისა...
ნაციონალური მოძრაობის თავმჯდომარეს Facebook-ით აირჩევენ
“ერთიანი ნაციონალური მოძრაობის” თავმჯდომარეს Facebook-ით აირჩევენ. ამის შესახებ ინფორმაცია პარტიის ფეისბუქგვერდზე გამოქვეყნდა.
“პოლიტიკურმა საბჭომ მიიღო გადაწყვეტილება დანერგოს პარტიის თავმჯდომარის შერჩევის ელექტრონული მეთოდი. პარტიის თავმჯდომარედ წარდგენილია ორი კანდიდატი- ლევან ვარშალომიძე და ნიკა მელია.
“კენჭისყრაში მონაწილეობის მისაღებად შედით ფეისბუკ ჯგუფში – “აირჩიე თავმჯდომარე”. ამისათვის, გადადით ბმულზე – https://www.facebook.com/groups/tavmjdomare
დააჭირეთ ღილაკს “JOIN” და ელექტრონული საარჩევნო კომისიის (კომისია კანდიდატების წარმომადგენლებისაგან შედგება) მიერ მიღებული ავტორიზაციის (ჯგუფში შემოსვლის თანხმობის გაცემა) შემდეგ გექნებათ კენჭისყრაში მონაწილეობის შესაძლებლობა (თქვენთვის სასურველი კანდიდატის მონიშვნის გზით). ავტორიზაცია აუცილებელია, რათა პროცესში ყალბი გვერდებისა და ე.წ. ბოტების მონაწილეობა თავიდან ავირიდოთ. კენჭისყრა ღიაა.”- ნათქვამია განცხადებაში.ხმის მიცემის უფლება აქვს ყველა იმ პირს, რომლებსაც კენჭისყრის დაწყების მომენტისათვის ენმ-ის ოფიციალური ფეისბუქ გვერდი მოწონებული ან გამოწერილი აქვთ.
კომენტარები