ლაზარე გრიგორიადისი თავისუფალია...
მარტის აქციების დროს დაკავებული ლაზარე გრიგორიადისი თავისუფალია. რუსული კანონის წინააღმდეგ აქციაზე დაკავებული ახალგაზრდა პრეზიდენტმა სალომე ზურაბიშვილმა გასულ კვირას მას შემდეგ შეიწყალა, რაც სასამართლ...
"ერთხელ და სამუდამოდ აეხადოს ყველაფერს ფარდა და თავისი სახელი დაერქვას, ყველამ პასუხი აგოს იმ უკანონობაზე"
"ერთხელ და სამუდამოდ აეხადოს ყველაფერს ფარდა და თავისი სახელი დაერქვას, ყველამ პასუხი აგოს იმ უკანონობაზე, რაც დეკანოზის წინაშე განახორციელეს" - ამის შესახებ განცხადება, დეკანოზ გიორგი მამალაძის ადვოკატმა მიხეილ რამიშვილმა გააკეთა. მისი თქმით, მისთვის წმინდა სინოდის გადაწყვეტილება მოულოდნელი არ ყოფილა. თუმცა, რამიშვილის განმარტებით, მას საპატრიარქოდან არავინ შეხმიანებია.
„საქართველოში ძალიან ხშირად ხდება გამონაკლისი შემთხვევა. არ არის გამორიცხული და მე ვიმედოვნებ, ეს არ დარჩება მხოლოდ განცხადებად, შესაბამისად, პრეზიდენტმა და მისმა ადმინისტრაციამ კანონის თანახმად უნდა იმოქმედოს. მიუხედავად იმისა, რომ შეწყალებაზე მორატორიუმია და მიდის კრიტერიუმების შესწორება, სიტუაცია არის განსაკუთრებული და პრეზიდენტს აქვს დისკრეციული უფლება, იმოქმედოს შესაბამისად. მიუხედავად იმისა, რომ დასაწყისშივე გამოძიებას დიდი ნდობა გამოუცხადა სასულიერო პირების ნაწილმა, დღეს მივიდნენ ამ გადაწყვეტილებამდე, რადგან ის სასულიერო პირები, რომლებმაც ინახულეს დეკანოზი, ცალსახად მის უდანაშაულობაზე საუბრობდნენ. დადგა დრო და იმ დასკვნამდე მივიდნენ, რომ დეკანოზი არის უდანაშაულო, აუცილებლად უნდა წარდგეს წმინდა სინოდის წინ, როგორც მას სურს და მისი მოთხოვნა იყო ყოველთვის, ერთხელ და სამუდამოდ აეხადოს ყველაფერს ფარდა, ყველაფერს თავისი სახელი დაერქვას, ყველამ პასუხი აგოს იმ უკანონობაზე, რაც დეკანოზის წინაშე განახორციელეს.
ყველაფერს აქვს თავისი დრო, ამ ქვეყანაზე არასდროს არაფერი დამალულა, რომ არ გაცხადდეს. თუ გავითვალისწინებთ, რომ ამის წინ მთელი ერი და სარწმუნოება დგას, ვთვლი, რომ ღმერთის ნებით მოხდა ეს გადაწყვეტილება, შემთხვევითობას ვერ დავარქმევ. ვერ მივიღებ გარკვეულ კომენტარებს, რომ დეკანოზმა გამოიყენა წერილი, არ მგონია. დეკანოზს ჰქონდა ძალიან ღირსეული პოზიცია, რომ მას მხოლოდ სურდა წმინდა სინოდის წინაშე წარდგომა და ალბათ მათაც გაითავისეს, რა მნიშვნელოვანია ის, რაც მისი მოკვლევის დროს დადგინდა კორუფციის შესახებ. გამოიკვლიონ ყველაფერი, პროკურატურას რომ უსმენდნენ, ჩვენთვის არასდროს მოუსმენიათ და მოვიდა დრო, ჩვენც მოგვისმინონ. დავალაგებთ ყველაფერს, ვინ ვისგან რას ელოდებოდა და სამართლებრივად იქნება გასაგები ყველასთვის“,- განაცხადა მიხეილ რამიშვილმა.
კომენტარები