ემიგრანტების რაოდენობა 95.6%-ით გაიზარდა...
🔴 2023 წელს წინა წელთან შედარებით ემიგრანტების რაოდენობა 95.6%-ით გაიზარდა. საქართველოს სტატისტიკის ეროვნული სამსახურის ინფორმაციით, 2023 წელს, ემიგრანტების რიცხოვნობამ 245 064 კაცი შეადგინა, ხოლო იმი...
გურიაში გველების შემოსევაა
ჩოხატაურის მუნიციპალიტეტის სოფელ შუა ამაღლებაში ერთ-ერთმა მცხოვრებმა თავის საცხოვრებელ ეზოში დიდი ზომის გველი მოკლა. გავრცელდა ინფორმაცია, რომ გველის სიგრძე 5 მეტრომდე იქნებოდა.
როგორც "გურია ნიუსს" მერის წარმომადგენელმა შუა ამაღლებაში ნუგზარ ჯიბლაძემ განუცხადა, ქვეწარმავლის ზომა ცოტა გაზვიადებულია.
"გველი ნამდვილად შუა ამაღლებაში მოკლეს, მაგრამ ზომას რაც შეეხება, ცოტა გაზვიადებულია - 2 მეტრი კი იყო, მაგრამ არა - 5. მოგეხსენებათ, გველი უხერხემლოა და როდესაც მკვდარი ქვეწარმავალი ხეზე გადაკიდეს, გაიწელა", - განაცხადა იბლაძემ.
"გურია ნიუსის" ინფორმაციით, მოკლულ გველთან ერთად კიდევ სხვა იმავე ზომის ქვეწარმავალიც იყო, რომლის განადგურება ვერ შეძლეს.
"წინა დღეებშიც უნახავთ დიდი ზომის ქვეწარმავალი, მაგრამ გაქცევიათ. როგორც თქვეს, ის მოწითალო შეფერილობის იყო" - დაგვიდასტურა ჯიბლაძემ.
გურიაში და კერძოდ, ჩოხატაურში ქვეწარმავლების მომრავლებაზე "გურია ნიუსთან" არაერთი აქაური მცხოვრები საუბრობს. ერთ-ერთი მათგანის თქმით, საკუთარ ეზოში ერთად თავშეყრილი 8 ქვეწარმავალი ნახა.
კომენტარები