1 5 : 5 8
სარეკლამო ადგილი - 21
620 x 80
 | 

სოც. მედია

“პანდემიის ფიასკოს ოპოზიციას დააბრალებენ და კომენდანტის საათს შემოიღებენ – ერთი გზა გვაქვს!”

ამერიკაში მცხოვრები ექიმი, პროფესორი, ზურაბ გურული, სოციალურ ქსელში, წერს:

“ოპოზიციის პატივცემულო ლიდერებო, ქვეყანაში პანდემია მძვინვარებს, ხალხი არის დაღლილი, მშიერი და ავად. კლინიკები გადატენილია. არ არსებობს გაყინულ ქუჩებში დიდხანს დგომის არავითარი ადამიანური რესურსი. 

ნუ მისცემთ ე.წ. მთავრობას პანდემიის მართვის ფიასკოს თქვენზე გადმობრალების საშუალებას. პიკი რამდენიმე კვირაში ისედაც დადგება და ეს დაბრალდება ოპოზიციის უპასუხისმგებლობას. მთავრობამ უკვე დააყენა ქვეყნის ჯანდაცვის სისტემა კატასტროფის წინაშე და ერთადერთ გამოსავლად კომენდანტის საათის შემოღება დარჩა.

ჩვენ უნდა ვიყოთ უფრო პასუხისმგებლიანნი და მზრუნველნი. ვიმოქმედოთ ფრთხილად! შეიკრიბეთ და გააფორმეთ მემორანდუმი, რომ ეს “არჩევნები” იყო არალეგიტიმური, მიმართეთ მსოფლიო თანამეგობრობას და გამოაცხადეთ ახალი არჩევნები, რომელსაც ჩაატარებს ახალი, მრავალპარტიული კონსენსუსით შექმნილი საარჩევნო კომისია.

ნუ დაუჯდებით სასაუბროდ გაკოტრებულ, ე.წ. მთავრობას! მათ უკვე დაკარგეს ხალხის სახელით საუბრის უფლება. ნუ მოუსმენთ ნურცერთ უცხოელ დიპლომატს, რომელიც ამ გაყალბებული არჩევნების აღიარებას და თქვენი პოზიციის დათმობას მოგთხოვენ. თქვენ პასუხისმგებლები ხართ საკუთარი ამომრჩევლების, საკუთარი სამშობლოსა და სინდისის წინაშე და არა რომელიმე პოლიტიკოსის ან უცხოეთის რომელიმე ქვეყნის. გაუფრთხილდით თქვენს თანამემამულეებს. უაზროდ ნუ გაიმეტებთ მათ ჯანმრთელობას.

თქვენ გაქვთ უნიკალური შანსი, რომ სამუდამოდ, ღირსეულად შეხვიდეთ თქვენი ქვეყნის ისტორიაში. ნუ დათმობთ ამას რაიმე მერკანტილურ საფასურად. გვიგულეთ თქვენს გვერდით. მოთმინებით, სიმშვიდითა და გონიერებით ჩვენ გავიმარჯვებთ.

არავითარი ძალადობა!

მშვიდობიანი პროტესტი. ბოიკოტი!

ბოიკოტი შტრაიხბრეკერების გარეშე.

ამ შედეგების აღიარება და პარლამენტში წინასწარ დაანონსებული ციფრებით შესვლა ნიშნავს საქართველოსათვის მომავლის წართმევას.

არცერთმა ოპოზიციურმა პარტიამ არ უნდა აღიაროს ეს შეთითხნილი შედეგები.

ყოველგვარი ძალადობის და დაპირისპირების გარეშე!

ამის რესურსი არა აქვს ქვეყანას. მხოლოდ ბოიკოტი და შედეგების არაღიარება.

“ოცნებას” ჰქონდა შანსი, რომ არჩევნები ჩაეტარებინა თავისი საარჩევნო კომისიით. მეორეჯერ ამის უფლება აღარ უნდა მიეცეს. ნებისმიერი ოპოზიციური პარტია, რომელიც “გატეხავს” ბოიკოტს, ავტომატურად გამოცხადდება გაყალბების თანამონაწილედ, აქედან გამომდინარე ყველა შედეგით.

ჩვენ ეს უნდა შევძლოთ!

დავიბრუნოთ მიტაცებული სახელმწიფო და მომავალი!”

კომენტარები

მსგავსი სიახლეები